بن الطفيل لفا يمكم يا الاجواد......

[عامر بن الطفيل]

الســـلا م علـــيكم ورحمة الله وبركا تــه

حيا الله بني عمي ,

غبت عنـكم ها الايام وكني غايب سنين , ما والله ارتحت لين شفت الجهاز قدامي مع لو حة مفاتيحة باركتن

فوق الطاولة .

أعلمكم بعلومي


رحت منياه يم جبلة أبا أتونس واذبح ضحيتي في هاك الدير , المهم ظهرت من الدوادمي على خط عرجا

متنحرن الهضبة , يوم جيت وادي الرشاء وانا أفرق متوجهن غرب, قد الظلع والحزة صباح يوم الجمعة

الساعة حوالي 11ص , جيت جبلة ولا والله الديرة ما علاها ما ش ربيع بالحيل والدابق كنك تشوفة ,

ويوم دخلت مع شعيب الخلوي ولا والله شيركم اللي أنتم خابرينه . طلح وسلم ولا عليها كافيها من الميه اللي

مجملتها . قعدت فيها يومين ويوم جا نهار الاحد أخذت المقيرة اللي يم نفي رايحن يم أوضاخ يذكرون فيه

الارض طيبة " تكفا يالعساس" خيمت فيها يوم واحد ولا عليها الديرة زينه مار ما ش ما أستانست بالحيل

قلت يا ولد عليك بالمستوي والملحاء من دون الغرابة وبقيت فيها ألين يوم الربوع مسيان ثم جيت يمكم وعجل


علاكم.


أخواني أرجوا أني ما أخطيت بحق أحدن منكم وانا مادري, مار هذا انا جيت


خاطرن يمكم وابا القهوة........


واللي يبا التفاصيل أعلمة








أخوكم / عامر بن الطفيل

[ابوعتب]

اقدع اقدع يا مرحبا ودوك الفنجال
لكن شعيب الخلوي ليش سموه بالاسم هذا وهل هناك وادي مواجه
الله يرحم جدي اللي مات هناك والله يرحم اموات المسلمين
بس باين علاك بداوي يالدغيلبي

[عامر بن الطفيل]

أخواني / أبو عتب..../ العتيبية

المهلي ما يولي , وبيض الله وجيهكم على زين الترحاب , وهاذي عوايد الاجواد ,


ليه سموه شعيب الخلوي ؟ انا والله ماعرف السبب بالحيل , لكن أعتقد والله أعلم انه سمي

لكون بعض فئات الصلب , وخصوصاً صلبة عتيبة ..مثل العميرة ..القدحان ..الكلى ...الخ

وغيرهم كانو ساكنين فيه ,

والوادي اللي عنه شرق هو وادي الرشاء . وهناك ايضا منطقة التسرير وهي منطقة مشهورة

بشير الرمث, فقد ذكرت بعض كتب الادب عن أعرابي من بني نمير كان في الشام وفي

عصر الدولة الاموية العظيمة , وكان مفارقا أبنا عمومتة لخلاف وقع بينه وبينهم , وفي

أواخر حياته أصيب بمرض شديد أودى بحياته وكان قبل موته يعوده الاطباء راجين


من أدويتهم ان تشفيه , فكانوا يصفون له بعض العلاجات وينصحون ببعضها فكان أن رد


عليهم ببيت واحد لا اذكر غيرة :


قـــــا ل الا طباء ما يــشفــيك , قــلـت لــــهم

د خــــــا ن ر مـــث مـــن ا لــتــســر يــر يـــشـفيـني؟!


اخو ابو عتب , ذكرت أنني بداوي , نــعم أنا بداوي وأنت بداوي والعتيبية بداوية واهل


بداوية , فهذا أكيد فنحن من عتيبة وعتيبة من الصحراء أذن نحن من البدو , على وزن

مقولة ديكارت " أنا أفكر أذن أنا موجود "

وعلى طاري جدك الله يرحمة ويرحم أموات المسلمين . ياخوي انا لاحظت ان القبور هناك

كثيرة وفي جميع الاتجاهات وبعضها حديث فلم أعلم السبب هل هي وصات الميتين

بالدفن هناك , لاأعلم

أختي / العتيبية كلامك صحيح فا أكثر ها من بني عمي الروقة مثل الدلابحة أهل القرين


والجمش وهناك مراشدة وغبيات وغيرهم ولا تنسين أختي العتيبية أن شاعر باهلة بن سبيل

قد تراقصت أشعارة في تلك الانحاء وباهلة ايضا من أهل تلك الديار.

وانصحك أختي بزيارة هذه المناطق ففيها ترين عنفوان عتيبة وعذرية ارضها




والله يسلمك ويسلم والديك

[عامر بن الطفيل]

اختي / العتيبية

شاعر باهلة هو صاحب الوجدانيات / عبد الله بن سبيل

شاعر كبير من شعراء نجد الكبار , يتميز بجزالة الشعر , وقوة معانية وخصوصاً


شعر الغزل , له ديوان جميل تجدين به


ثمرة شعرة , ورائعاته الوصفية


مشكورة على أهتمامك بخوالك الدلابحة,وعندي معلومة شبه أكيدة عن الدلابحة


أنهم ينتسبون أصلاً الى الدلابحة من الاسلم

من قبيلة شمر الطائية

[ابو وعيل]

يامرحبا ومسهلا


القهوه والمه عاني حولك حول الدوادمي في مصده ..




.. الله يحييك يابن الطفيل بين ربعك واخوانك



..
ابو وعيل الرويس

[عامر بن الطفيل]

ونعم فيك ولد مروح, الروسان يسمونهم عتيبة الدويلة قليلين مار الموت

المصفى , واليا جت المناخات منول ما يرتكي للرياجيل الا الدويلة.

وعلى فكرة يا يابو وعيل جتك الرسالة ولا ....لا


أختي / العتيبية ..... اول شي انا برقاوي من عيال منصور من الدغالبة

ولا وني من الدلابحة كان افتخر بني عمي لكن انا مثل ما قلت.




ثانياً , لماذا قلت أنهم من شمر , ليس بها شي أن يكونوا من شمر


فالقبائل فيها أحلاف من قبائل أخرى ,فمثلاً الصهبة من مطير, ومنهم الفغم من شيوخ

مطير من شمر , وبن مضيان من أمراء حرب من ذوي زياد النفعة

والذويبي ايضاً من أمراء حرب من عتيبة , بن صويط من أمراء

الظفير من عتيبة , والكثير. أما قولي ان الدلابحة من عتيبة فكلامي ليس

أكيد , لكن سأسرد السبب.


انا كنت في مجلس للعقالا أهل الخبراء , وهم من بني تميم , وكان

عندنا من مطير وشمر وناس أخرين, المهم معزبنا العقلاء, يموت في

شي أسمة عتيبة وكان يفتخر بعلاقاته بالعتبان ويمدح فيهم,وجاب لنا

قصة صارت بين أهل الخبراء ومن لف لفه من أهل القرى الثانية

يقول :

في سنة من السنين أي حوالي قبل 120 سنة ,جاء 12 رجال من الدلابحة

واخذوا دبش ومعاويد اهل الخبراء , ويوم دروا اهل الخبراء باللي صار

قاموا وصاحوا بالفزعللي حواليهم , يقول وتجمع الحضر أهلنا حول

100 رجال!! يبون ذبحة ها البدو اللي اخذوا معاويده ,ويقول والكلام

منه ومنهم ناس من اسرتنا حوالي اربعة المهم اللي طراة انا يالحضر

وخصوصاً اهل القصيم اهل شر ولا نب هوينين مير شف وش سووينا

ها العتبان القليلين , جو الحضر ومعهم سلاح ولا البدو قدامهم ,

قالوا الحضر خلنا نذبح ها البدو ونربيهم حتى ما عاد يجرون علينا

المهم العتبان يوم درو با اهل الحلال وهم يتكون أي اخذو وضع الدفاع

وهو يجي المراما بينا يالحضر وها العتبان واثرهم الدلابحة وهم

يشبون فينا يالحضر وهي تجي ذبحة فينا وا اربعين لحية منا ياهل

القصيم اللي صويب واللي ميت ومنهم الاربعة اللي من اسرتنا

ذبحوا " وانا أشهد أنه رجل ها العقلا اللي ما شك بنفسة وطيبة"

يقول شوفوا هالعتبان القليلين وش سووبنا حنا يا الحضر لا وحنشوليه

بعد, القصيمي ليه قال الكلام ذا سبب قولة المطيري يبا يقلل من الدلابحة

ويصغر شانهم ويدق في اصلهم ولا أن الدلابحةقد ذبحوا ناسمن مطير, ويوم بدا الدق

في اصلهم قال وحدن

من الحضور الا وهو / ثامر بن مطني بن عبيكة بن رمال من شيوخ

شمر وسنجارة : يا مطيري الا وشلك ان الدلابحيه انهم مننا يا شمر

وسنجاريه خصوصا ونعرف أصولهم وعيال عمهم عندنا

وشف يا رجل الله وما نه انو ما صادمنا من القبايل الا عتيبة


نعنبوا حيهم 40 صباح وعجزنا بهم , وعجزو بنا خل عنك يا مطيري

السوالف عن عتيبة ,,,

قلت للمطيري : خل عني الدلابحة وخل عنك عتيبة تباني أعلمك

وش انت ....... انت والله ما تعلق في مطير الا ان الذيخ يعلق

في النمر وتراني اعرف اصلك صانعن من صناع مطير وحفرة

جدك عا نها في جبال الشلالحة يعني من صناع الشلاحة
يم الحجاز ولا نتب مطيري مردد ولا نتب

نزيعة من قبيلة ثا نية ومعروفة.. وهو يسكت

هذا اللي خلاني اقول ها الكلام ويمكن ان الشمري متأكد او فقط

ليغيض المطيري وما انا اللي اعرفة انهم من عتيبة عريبة




وشكراً لك على تحملي ويمكن اني اخطيت والسموحة منك ومن الدلابحة

عيال عمي





عامر ين الطفيل العتيبي