نبذه عن بعض أمراء اسرة ال رشيد ( من الذين لم يذكرهم التاريخ ) !!

[اخو رثعه]

في هذه الصفحة سنوضح للقارئ
بعض الامراء من اسرة ال رشيد الكرام ،، حكام حائل ونجد سابقاً .
الذين لم يذكرهم التاريخ ولا مؤرخي هذا الوقت .

.
.
.
.

1 - الامير : نايف بن طلال بن عبدالله الرشيد

بطل لم يذكره التاريخ ولا مؤرخي هذا الوقت لاسباب مجهوله
تربى .. رحمه الله .. على يد المرحوم ملك العرب محمدالعبدالله الرشيد
وعلى يد المرحوم الامير الشاعر حمود العبيدالرشيد .
وقد شارك معهم فى وقعه ام العصافير ومعركه عروى والحمادة
ويعتبر احد ابطال ملحمة الصريف في عهد الامير عبدالعزيز بن متعب الرشيد ( الجنازة )
واحد قادة الصخريات من الجهه الغربيه .
وهو من اشهر فرسان عصره ...
وحقيقه لا نعلم سنة وفاته لأسباب تكاد تكون مجهوله !


2 - الامير الشاعر البطل : ماجد الحمود العبيد الرشيد

بطل المعارك وسيفها .
والساعد الأيمن للأمير عبدالعزيز المتعب الرشيد (الجنازة) والمقرب له .
قاد الكثير من المعارك .
ويعتبر بطل الصريف واحد فرسانها .
اصيب بالصريف وشفي بعد ذلك .
وهو الذي رد على ابيات شيخ مطير / سلطان الدويش . قبل الصريف .
عندما قال الدويش :

نبي نحارب مكرمين الضيف=شمر هـل البــــوش الـعفـــر
أما خــــــذونا بحـد السيـــف=والا خذيناهـــــــــم بالــظـفـــر

فرد عليه الأمير ماجد ... بعد المعركة .. وبعد الإنتصار الكبير لـ شمر
حيث قال :

أهـــلا هلا بك يــــــوم دار الكيـــف=قــرّت عـــــــــيونك بالظـفــــــــــر
فاعطيك ماجوبك بحكم الضـــيــــف=شـلف يفــــــجـّــــــــن النـحــــــر
خلاّك عمّك(1) يوم شاف السيــف=عجـّــل جــــــــــــواده وانكـســـــر
ما أخبر اللي جالس بالسِــيـف(2)=ينبيه مـن جاب الخبـــــــــــــــــر
سلطـــــان هـو عقــــلـك خفيـف ؟=عـــــرّضت روحـــك للخـطــــــــــر
أن جـــاك ابو متعب(3) تعيــــــف=ما يزبنك عنـــــــه البـحـــــــــــــر
يــــــــوم المدافـع لـــــــــه رزيـــف=والزلم جضـــــــــعا بالمـطــــــــــر

(1) عمّك / يقصد الشيخ مبارك الصباح .
(2) السِيف / بكسر السين ، قصر الحكم لأسرة ال الصباح .
(3) ابو متعب / الامير عبدالعزيز ال رشيد ( الجنازة ) .

ومن معارك الامير ماجد
كون عروى
المليداء
ومعركه الساقيه
ومعركه البكيريه التي قتل فيها غدرا حيث تم رميه بالرصاص من الخلف رحمه الله .


3 - الامير : مهنا الحمود العبيد الرشيد

بطل الابطال فارس المعارك بطل شمر والرشيد في معركه الصريف
ومن بطولاته كان اول من قاد الصخريات ( وهي الإبل التي لا تخشى الطلقات الناريه )
ضد جيش ابن صباح
ولم يخف من الموت حيث ركبها واخذ يغير مسرعاً نحو مخيم ابن صباح
وقتل وهو يستقبل الرصاص المنهمر على جسده .
ولم يكن له الا ابن واحد اسمه ( نهار ) .
ومن مراثي والده الامير المرحوم حمود العبيد الرشيد لما رائى حفيده " نهار " يمشي امامه
وطرى عليه زول ولده مهنا وهو يقود الصخريات ..
وقال ويسندها على الحفيد نهار :

نهار ياشمعه الصبيان=ياشوق لولو وكلثومه
ابوك طبق على النيران=واشتبت النار بهدومه
خلوة ربعه تقل نيشان=الحضر والبدو يرمونه

وقال به ايضاً :

يامصيبتي ماينطرا به مهنا=ياكبرها ياجلها من مصيبـــــــــه
يافارس الفرسان من غبت عنا=الشمس غابت قبل حزت مغيبه
لو الحزن ينفع عليكم حزنا=حزن الحبيب اللي مفارق حبيبــه

4 - الامير : متعب الحمود العبيد الرشيد

من الابطال الشجعان
ويعتبر من ابرز قادة جيش الامير عبدالعزيز المتعب الرشيد ( الجنازة ) .
وشارك الامير متعب مع الجنازه في وقعات عديده منها :
غزوته على عنزة وغزوته على مطير وشارك بالصريف والمليداء
ولا نعلم في اي سنة توفى .. رحمه الله .


5 - الامير : طلال النايف الطلال العبدالله الرشيد

بطل وعالم من علماء نجد تزهد عن الحكم
ويعتبر فارس من فرسان معركة الصريف
وشارك في اغلب غزوات الامير عبدالعزيز المتعب الرشيد
وقتل رحمه الله وهو صائم سنة 1324هـ .

6 - الامير : سالم الحمود العبيد الرشيد

قائد للصخريات وثاني قتيل من بين صفوف قبيلة شمر بمعركه الصريف
ويعتبر بطل من ابطال الصريف ..
شارك رحمه الله في بعض معارك
ملك العرب محمد العبدالله الرشيد .
وبرزت شجاعته وهو صغير في السن
قتل في الصريف .. رحمه الله .

7 - الامير : متعب العبدالعزيز المتعب الرشيد

ابن الامير الجنازه بطل صنديد رغم صغر سنه
ويعتبر فارس معركه المستوي ضد مطير
وشارك في الكثير من معارك والده الجنازة وبطل من ابطال ال رشيد وشمر
قتل بالاحيمر وعمره 18سنه في 1324مـ .. رحمه الله .


8 - الامير : عبيد الحمود العبيد الرشيد

من ابطال قبيلة شمر .
رغم صغر سن الامير عبيد الحمود الا انه شجاعته برزت للعيان
وتناقلت الركبان بطولاته وشارك في بعض غزوات ملك العرب محمد العبدالله ( المهاد )
واكثر معارك وغزوات الجنازة ..
ويعتبر هو الآخر من ابطال الصريف
وقتل بمعركه الساقيه ضد جيوش الملك عبدالعزيز ... طيب الله ثراه . .
حيث قتل رميا بالرصاص وذلك سنه 1322هـ .. رحمه الله .


9 - الامير : بدر الطلال العبدالله الرشيد

من الابطال والشجعان شارك مع اخيه المرحوم الامير بندر الطلال العبدالله
في معاركه ضد الروله وعنزه وأبدى بساله وشجاعه
وشارك بغزوات اخيه بدر الطلال الرشيد .
وقتل سنة 1288هـ . رحمه الله .

10 - الامير : عبدالعزيز ابن جبر الرشيد

من ابطال ال رشيد المعروفين شارك بااغلب معارك المهاد وشارك بالصريف
وقتل بالبكيريه رحمه الله ..
ويعتبر من ابطال شمر وشجعانهم .
ومن بطولاته في الصريف أنه طرح حمود الصباح ( حامل البيرق ) وقتله . وآخذ البيرق
وقتل سنه 1322هـ .. رحمه الله .


11 - الامير : عبدالله الطلال النايف الطلال العبدالله الرشيد

الساعد الايمن للأمير سعود العبدالعزيز المتعب الرشيد
شارك الامير عبدالله بمعركه الجميماء وشارك بمعارك الجوف ويعتبر من ابطالها .
وشارك بجميع غزوات الامير سعود
قتل سنة 1338هـ .. رحمه الله ..


12-الامير الشاعر المؤرخ : ضاري الفهيد العبيد العلي الرشيد .


من ابطال ال رشيد وفرسانهم وقاد اغلب حملات الامير الجنازة .
ويعتبر من ابرز شعراء نجد .
شارك بمعركة المليداء
والصريف
والبكيريه
والشنانه
ووقعه الطرفيه .
ولكن اصاب الامير مرض عضال وذهب للهند للعلاج في سنه 1333هـ
وتوفى بالهند .... ومن ابرز قصائد هي تلك الألفية التي قالها
وهو في الغربة :


ألف أولف ما طـرى مـن لسانـي
قيلٍ غريـب هايـضٍ مـن مغانـي

عسرٍ على خطو الصبـي الهدانـي
وهو الذي قد يفهـم العلـم يقـراه

الباء بديت بذكـر عـلاّم الأسـرار
علاّم ما يخفى وما قيل قـد صـار

لولا السبب والرجل تمشي بالأقـدار
وش جابنا لديـار حـوران ناطـاه

التاء فتختنا عـن جميـع الطوايـل
مالوم حظي والبخـت صـار مايـل

شفّي مع اللـي يذهبـون القبايـل
كم خيرٍ خلّي حـذاء الخيـل تاطـاه

الثاء ثبتّْ و صرت في ديرة الغـرب
يالذّ شوف ديارنا لـو بهـا غلـب

يالربع من طاوي لنا موتـة القلـب
ياليـت منهـو مـا تمهّـل بدنيـاه

الجيم جينا لابن عبـاس خصّـاصي
ا زين من رصّه على البين رصّاص

انتم بواليدٍ علـى الضـد مفـراص
شمّر تراهم هـم سنـاده ومركـاه

الحاء حدانا الدهر عن دارالإسـلام
جينا الذي أهلـه يعبـدون الأصنـام

بأيسر طويل الثلج غربٍ عن الشـام
مذاهـبٍ مختلطـة مـا عرفـنـاه

الذال مالذنـا ليـا صـار هوشـه
يوم النشامى تحتزم فـي قشوشـه

كـم قالـةٍ نصيـر حنّـا رشوشـه
يوم الردي تقصر عن الطول يمنـاه

الراء رادت خاطـري نصـر شمّـر
حريبهـم ياعـلّ عــزّه يـدمّـر

يالله عسى دار الطنايا تعـمّـر
اللـي يعيشـون المحاويـج بـذراه

الساء سألنا اللـي علينـا وليفيـن
يالربع ويـن اللـي علينـا ولييـن

اتلى الخبر عنّالهـم وقـم عاميـن
لاجاء منـه علـمٍ ولاخـطٍ أقـراه

الشين شينٍ فـوق عجـلات الأزوال
دارو علا عوص النجايب مع الـلال

مع سهلةٍ عمال ما جاء مع هـذال
مشي العجل لا تودعونـه مـراواه

الضاء الضعيف اللي يديـه قصـار
الاواهني منهو على الهجـن سـارا

يسري توالي الليل هـو و النهـارا
مـع مقـدمٍ يـمّ الحبيّـب تنصّـاه

الطاء طرف حايـل بخيـرٍ تجونـه
اللـي يريـد العلـم لاتقصـرونـه

إلـى لفيـت عويمـرٍ تخبـرونـه
لولا الوله تـراي بنصـاه وارضـاه

العين عزّيلـي تبيـن بـي الجـرح
شفّي مع اللي خلّو البـدو بالمـرح

لاطقة الغارة علـى قـودة الصـرح
هذا هواء قلبـي وهـذاك مشهـاه

الغين غاب الصوب عنّي و فضيـت
نجـدٍ بدنياهـا وزتنـي وفـزّيـت

ياليتني مـن قبـل تدبيرهـا ميـت
عزّي لمن مثلي جذت بـه مطايـاه

القاف قفّـت مـن يديـه سريعـه
قلبي غدى بين السلاطيـن ضيعـه

نجـدٍ لاويهـا ولاهــي مطيـعـه
نركض وراهـا ومعطيتنـا مقفـاه

الكاف كـزّوا لـي ردود الخطوطـي
لا يا اخو نورة مـع ردود القلوطـي

لو كان ما ليّـه عليكـم شروطـي
مار الرجل حـقٍ عليـه الموافـاه

الـلام لازم سلمولـي علـى بـوك
وإن جوك ربعي يا عشيري يسالوك

مثل الربيط اللي بالأمراس مشبـوك
عطهم خبر ما دبّر الـرب واجـراه

الميم من اللي على العـرش نـزّال
كم واحدٍ غصنه وقف عقب ما مـال

نصبر وعنـد الله تدابيـر الأحـوال
الله يدبرنـا علـى هـداه ورضـاه

النـون نيـرانٍ بقلـبـي تشـبـي
من يوم فارقـت الأهـل والمحبـي

صبرٍ على ما صار واجـراه ربـي
وهو الذي تغني الضعافـي عطايـاه

الهاء هواء نجد إن صفالك هبوبـه
لا تامـن الدنيـا سريـعٍ قلـوبـه

تودع ديـار اللـي عمـارٍ خروبـه
من غير شور النفس تاتي مفاجـاه

الـواو وافقنـي زمانـي دعاويـس
من العام ما استرّيت ساعة ولاقيس

بالليل نومي مثـل نـوم الأباليـس
عزّي لمن مثلي جذت بـه مطايـاه

الياء يقول اللي هرج كان هـو زلّ
صلّوا عدد ما تطلع الشمس والطـلّ

وإلا عدد مـزنٍ مشـى ثـم يهتـلّ
على الذي شرايـع الديـن مشّـاه


هؤلاء الآمراء لم يذكرهم التاريخ ولا مؤرخي هذا الوقت
لأسباب تكاد تكون مجهوله .!!!!!
رحمة الله عليهم وعلى كافة اموات المسلمين

آخر تعديل اخو رثعه يوم 16-Jun-2010 في 03:51 AM.

[دوسر]

تاريخ ال رشيد مثل الشمس مايغطى بمنخل.~
وشاكر لك على هالنبذه المفيده.~
والسلام مسك الختام.~

[سنجـار]

لاهنت يالقرررررررررم .




الاخ الدوسري بارك الله فيك على هذا الرد الطيب

[شوق الصعيبة]

إبن رشيد حكم الجزيرة في وقته .. ماهو بس نجد وحايل .. والحق يقال


يقول الشيخ راكان بن حثيلن .. :
من باب عمّان لباب نجران // ماهو لنا يالضيغمي انت اميرة

وهو إمـــام تتبع له عدة قبايل وليست شمّر ـ الغالية على قلوبنا ـ فقط

والناقص اللي عند مدح الغير يتذمّر

يارجال تدري ؟ المعروووف والله مايعرف ،،

لاهنت يالقرم والله .

[اخو رثعه]

المشاركة الأصلية كتبت بواسطة دوسر

تاريخ ال رشيد مثل الشمس مايغطى بمنخل.~
وشاكر لك على هالنبذه المفيده.~
والسلام مسك الختام.~

بيض الله وجهك على التعقيب يالدوسري

عساك دوم على القوه

[اخو رثعه]

المشاركة الأصلية كتبت بواسطة سنجـار

لاهنت يالقرررررررررم .




الاخ الدوسري بارك الله فيك على هذا الرد الطيب

الشامخ / سنجار

تحيه كبيره لشخصك الكريم ولطرحك الراقي

بيض الله وجهك ،، وعساك دوم على القوه

[اخو رثعه]

المشاركة الأصلية كتبت بواسطة شوق الصعيبة

إبن رشيد حكم الجزيرة في وقته .. ماهو بس نجد وحايل .. والحق يقال


يقول الشيخ راكان بن حثيلن .. :
من باب عمّان لباب نجران // ماهو لنا يالضيغمي انت اميرة

وهو إمـــام تتبع له عدة قبايل وليست شمّر ـ الغالية على قلوبنا ـ فقط

والناقص اللي عند مدح الغير يتذمّر

يارجال تدري ؟ المعروووف والله مايعرف ،،

لاهنت يالقرم والله .

الأخ / شوق الصعيبة

لاهنت والله يرحم والديك وبيض الله وجهك على الكلام الطيب

لله درك ،،، وجزاك الله خير

تحيتي

[مشاري الحبردي]

ونعم والله ولاتسد بالطنايا


فيه كم واحد معروف ياخو رثعة مثل ماجد




لاهنت وبيض الله وجهك على النبذه الطيبه

[ولدعساف]

مليون نعم بال رشيد وشمر الطنايا .. لاهنت ياخو رثعه ع النقل !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[اخو رثعه]

المشاركة الأصلية كتبت بواسطة مشاري الحبردي

ونعم والله ولاتسد بالطنايا


فيه كم واحد معروف ياخو رثعة مثل ماجد




لاهنت وبيض الله وجهك على النبذه الطيبه

ماعليك زود يامشاري

وأنت من الرجال اللي نتشرف في ردودهم

عساك دوم على القوه

تحيتي لشخصك الكريم .