قصه ضاوي بن فلاح الفليت

[نفيع العتيبي]

هاذي قصه لجدي وجدتها في احدى منتديات النفعه بالصدفه
وكنت اردد ابيات له يوم يقول
ياليت آلاد فليت في جال واديك ... عز الرفيق مزينة كل مضهود

وسبحان الله طلعت القصيده لجدي والله ياشباب ماكنت ادري انه له

اتركم مع القصيده

الشاعر ضاوي بن فلاح الفليت النفيعي من شعراء الفلته له بئر في الحجاز إلا أن إحدى قبائل الحجاز استولت عليها وأخذوها

وهي عد قديم أو كما يقال جاهلية وبئر معروفة للنفعة وصاحبها الشاعر المذكور ,

فما كان من ضاوي إلا أن طلب العون من جماعته الفلته فلبوا طلبه وقامت الحمية

فطلبوا من ولي الأمر في المملكة الإذن وإحضار الاثباتات وحضور بعض الأعيان من القبيلة وفي النهاية حصل عليها ضاوي

وقد رجع الحق إلى صاحبه فقال فيها قصيدة :


ياعد ياللي دامر عقب اهاليك ..... جاك البعث ياعد يامدهل القود

عسى صدوق الغيث تسقي مفاليك ..... تزيك ياعد قراح وقرهود

ياعد ودي بك وازريت أنا اجيك ..... ولا يرفع الثقلات مما له عضود

ياليت آلاد فليت في جال واديك ..... عز الرفيق مزينة كل مضهود


وقيل انها أطول من ذلك .
ياليت الي يعرف يلعلمنا عن تكملت القصيده

اخوك ابوزعبه

[راع العرف]

الاخ ابو زعبه الفليت
والله ونعم بالفلته ربعك وهذا البيت جميل جدا ً وهو من نوع الوجد

ياليت آلاد فليت في جال واديك ... عز الرفيق مزبنة كل مضهود

وانا كنت بالطايف من كم سنه وعرفت بعض الرجال من الفلته والله ونعم
فيهم وكثيرا ً ماأسمعهم يرددون هذا البيت , ولكن فرقتنا ظروف العمل ...
وجميل يأخي ابو زعبه ان الرجال يدور علوم ربعه ويعرف قصص جدانه ومفروض
انك تعرفها قبل لاتدخل المنتديات وأرجوا أن لاتعتبر هذا الا من باب النصيحه ولو
هناك عندك قصائد اخرى لهذا الشاعر أنك توردها بالمنتدى أن كانت حكمه او غزل....
أرجوا أن لايتهمني البعض (باللقافه) ويعلم الله ان مشاركتي كانت من باب أننا بنعمة
الله اخوانا وانا جا مجال اذكر ناس عرفتهم بالطيب واستغليت هالمجال وان كان دخولي
يااخ ابو زعبه بيزعلك او يزعل اي عضو انا مستعد مااتدخل ولاانزل اي مشاركه بموضوع مايخصني ............
وفي النهايه تقبل احترامي وتقديري ....
تحياتي
راع العرف

[نفيع العتيبي]

راعي العرف
لاوالله ونعم فيك ودخولك في الموضوع مايزعلني وهاذا شرف لك لانك انت تعرفهم اكثر مني ,
والكلام الي قلته كله صحيح ,
وجدي الشاعر ضاوي بن فلاح الفليت له قصايد بس مأعرفها,
لو اعرفها ابشر والله لحطها,

ومشكووور على النصيحه الجميله