أنا اللي صاب قلبي جادلن يلبس نقاب السير = صدفتة ليلة الجمعة وحاس اللي تولع حوس
عرفتة من بلوتوثة مسمي النك وجة الخير = ضحكلي وأبتسمت وتل قلبي لبسة الممسوس
بغيت أوقفة والناس بزحمة عطلة التحرير = ولحقتة لين وصلني لسوق الكوت والدبوس
وأنا اللي كنت ماسولف عن الترقيم والتشيير = ولاصوبني الا ذاك في رمح الغلا النحوس
وأثاري مايحلي العين لو يمسح هدبها النير = ولايجرح فؤاد العاشق السكين والا الموس
ولايمكن ولاتوقع بهذا بوصفة ينفع التعبير = هذاك أسهام عينة كنها ترمي سلاح الروس
هدبها فية سهم الموت يقصف مثل سييف الزير = وحاجبها هبايب صيف ورياح ومهب وكوس
ومحاجرها سلاح تدمر اللي خزها تدمير =تدوس اللي تولع في هواها بالمحبة دوس
ظلامن داكنن خافية ياكافي كما الجنزير = لهيب النار رمحة والرموش مسننة وتروس
ونحرها برق وشعاعات ضوئية وحامي كير = صباحن فجرة نور الدجا في صبحة المشموس
ومبسمها درر في بحر جدة وأضهروه عصير = من المحار ماهو صنع دجال وبقايا خوس
وثناياها برد نون سحابة مبذرن تبذير = وشفايفها كرز غصنن حصادة خادرن ملموس
وصوتن يوم كلمني نغم كاظم وبرتني سبير = حشا للة كنة صوت شلالات وادي لوس
ياوجة اللة جسمة عود موز وهيكلة تخصير = ليانن مثل غصن البان وأردوفة قطن وطعوس
مليح أدعج غنج وأفدع حلو خمري بوصفة غير = جميلن بالبشر عذب نحيف وموخرة متروس
قمر شعشع بنورة واكتمل واسفر زمانة مير = كسح نور القمر فوقة بنورة وأشغل الهاجوس
جمالن لو توصفه القصايد جاء بها تقصير = تضيع شاعر الوصفين بين الصح والمعكوس
ولو بوصف حرير الشعر ليلن ماضواه انوير = جفل نجمة مثل مايجفل البوذي عن الهندوس
حلا يغشي القلوب الخضر خمرن يغمي السكير = دواء مدري مرض يعطب نفوس ويستغيث نفوس
سحر لاواللة الا جن شيطانة بوسط البير = جبروتن تسلط بالجمال بعرشة المحروس
جمال الكون ربي فيه جاد وصخرة تصخير = لحس عقل المؤرخ لين قام وحطلة قاموس
عبيرن بالشذى حولة خضار الريع والنوير = تساقا نبع ماه ووردوه أهل العطش بالطوس
زلالن صافين ماه القراح أحلا من التقطير = من الوسمي نزل مزنة غدير ومالحة مطموس
والا يازول ريمن صورة رب الملا تصوير = تفنن في سواتة وأفرقة فرق البرد للسوسأ
أنا ماشفت مثلك في الخليج ولا حمى والدير = ولا في الشام والاردن وحمص وجونيا وطرطوس
ولامثلك نظرتة في عتيبة وعنزة ومطير = ولا في حرب وجهينة ووادي دار بن طاحوس
تهز براية الفرسان شامان وعلي وعمير = وبن عدوان والاشراف عودة والملك دهلوس
ومثر بالشيوخ القاسمي عدنان وبن زهير = ولك تقدير بن عيسى حمد والسلكنة قابوس
وتضيع أبك الامم مابين رئيس وملك وأمير = وتفاديك الرجال أهل الكرم والطيب والناموس
ولو شافك ملك كسرى تخسبق مالقى تبرير = عزم قيصر على عرشة علشانك وباع تيوس
لاكن أصحى تطوفني وتسكرها علي تسكير = تعذبني وأنا في قاع حبك دافس ومدفوس
ترفق لي وعطني بالوفا عهدن بلا تزوير = ترا من يوم شفتك شفت حالي بين ناب وقوس
أسيرك وأدخلك باللة تدبر حالتي تدبير = أنا بامرك وبين يديك يانعاس ياطاووس
تمرم لاتخليني تراك ماثرن تاثير= بلاش من الجفا واكشف هواك الخافي المدسوس
أبي منك تشاركني طريق الحب بالتقدير = طريقن من عرفت العلم وأنا بسكة مدبوس
أنا أشهب حظ ماعندي خداع وعشت في تعزير= وهم وجروح والتفكير حابسني وأنا المحبوس
سعي ماطوف الفرصة عجل ماواطن التأخير = أقرب للكريم أبن الكرم وأبعد عن الناحوس
واذا بأني خفيف ومصغرن عقلي معك تصغير = ترا قلبي حنون وعاطفي وأخذي معاي دروس
أعرف الموضة ولبس الدلع وتسريح والمانكير = ديمقراطي بتفكيري مثل طوني مثل تيموس
رحوم وشاعري حساس لاجادل ولا أغير = رومنسي لي تجارب حب بين مجاملات وبوس
وبعد أني درس بجامعة موسكو فلادي مير = وأحب الفرفشة ماقول مليونير بس فلوس
هواياتي أتابع فيلم توم كروز في كشمير = وأشجع برشلونة والريال ولعب يوفنتوس
ولغة بالانجليزي مو فقط بالييس والكمهير = وبدلاتي ايطالية وماركتي مثل كيموس
وأحب البادية والبر واقنص وافتهم للطير = حياتي بين بدو وحضر طيب ماعرفت نجوس
وأنا شاعر وراعي الشعر مايسلا بلا تفكير = على الفطرة بديت أكتب على المسحوب والمنكوس
وربي لو بغيت اكتب ثمانمية شطر تسطير = لخلصها لك بيومين لعيونك وأنا السنعوس
خيالي واسع بشعري وماتطلب يصير يصير = وراسك ما أجيب القاف لاناقص لا معفوس
لوصفك راهنن شعري ولا أخشى من كلام الغير = ولو قالولي العذال صار الملعبي مطموس
يروح الملعبي فدوتك أشر يالغظي تأشير = أنا بامرك وفي يدك فديتك ثوبي الملبوس
أحبك وأعترف أني وصلت لحالت التخدير = بديت أجن وأستهبل وخايل صوتك المحسوس
مصبحني خيالك شبت قل أمررة تمرير = وهذا غير لوعات المنام وخرعة الكابوس
وسحرني حاجبك سحرين بن هاروت وبن عثير = بقالك بس تحبسني بسحرك داخل الفانوس
وتحكمبي غلاك وللأدارة طبعك الشرير = مثل أدارة السومر أبو ذيب وبدر عرنوس
وكاسر هامتي في صف تعذيب الجفا تكسير = بحمس البن الاشقر حامسن قلبي وأنا المحموس
وحارقني مثل مايحرقون الغاز في أم قدير = وخيالك لابسن راسي تقول أنة علي كبوس
وبعدك شيب راسي والغثا والوجد والتضرير = بشرياني سرى سم الحنش في البعد والنادوس
دواي اللقاك وأفراحي هواك بحبك النكير = تقول أن اللقى فرحة ترافق قلبي المتعوس
صوابي منك دمن خمرة شين الدهر تخمير = عديتة في بعادك وأنتقلي مالبست ادسوس
ثلاث أمية طبيب ومستشار أبعث لهم تقرير = يكون الرد بالتقرير خالك دمك الفيروس
وأنا أدري لو هجرتك يوم ثارت حسرتي تثوير = ولاست جمرة الغليون في وسط الظماير لوس
أجل موتي على يدك بعد شفرتني تشفير = رعاك اللة كلمني ورجع عقلي الملحوس
وبوجدي طالبك يالمعتلي ياللي لك التكبير = ياعلام الخفايا والمصايب يارجاء المخروس
أنا عبدك مطيعك يامجير المستجير بخير = تغيث الروح قبل تروح من هم الحشا المكبوس
وترحمني بخفيف العذاب اللي سرابي سير = سبايب واحدن قالولي أنة ساكن الفردوس
ياداعج عيونة ترى الحب موجود = مامات حبك يامضنت جفوني
أنت الذي يسهل على شانك الكود = وأنت الذي ماخيبت بك ضنوني
وأنت الذي من بين الاظلاع منضود = وأنت الذي ما أنساك لو يبعدوني
وأن غبت لي مدة عن عيونك السود = ترى خيالك مايفارق عيوني
يقفي خيالك بين الاهداب ويعود = ويخايلك لابعدت عنة الضعوني
وحبل الوصل مهما تباعدت ممدود = يشهد على قولي تزايد شجوني
لاتحسبن الصد والهجر مقصود = عنك العواذل بالنميمة حدوني
اللي تحبلي وتبعدلي الفود = وتجرح أفراحي وتكثر طعوني
ماشغلها الا تبعد الشمل وتسود = لاذقت فرحات الليال أغبنوني
ناسن فقيدة طيب مامرها الجود = وياي أنا بالذات مايرحموني
كد شفت منهم حزن وجروح وصدود = وفي ذمتي لولا المخاف أذبحوني
من لا يعينك بالليالي العسيرة = وقت الرخاء لاتعتزيبة وتنخاه
أحرص على الطيب ترى الطيب خيرة= من يفعل المعروف يجزا بشرواه
وراعي الردا لو يشتكيلة قصيرة = قفى وكنة ماسمع حس شرواه
يقولة اللي ذاق فرقا عشيرة = دارت دواليب الليالي بفرقاه
بانت عذاريبة وخانت ظميرة = طاوع كلام اللي على الصد هقواه
عليه حسراتي بصدري كثيرة = يلوعني صدة وعييت لاأنساه
والجسم حارب في منامة سريرة = والنفس عييت لاتنحى وتجفاه
أحوس في الدنيا سواة المريرة = وأهفيت فيها هفيت مقيط ورشاه
دنيا كما السكين عوجا شطيرة = تطعن ولاتصفي على ماتمناه
تدوربي مثل الرحى المستديرة = وأدور أنا والهم وأقبل خطاياه
غديت مثل اللي جروحة خطيرة = خلوه ربعة ميسن داه برداه
بأرض خلا قفرن من الماء فقيرة = ماداجها الا الذيب سرحان بخطاه
لا أظلم سواد الليل حاتى مصيرة = يقنب قنيب الذيب ويجاوب عواه
والا سواة غليص شيخ العشيرة = يوم أنكبة مناع ساعة تقفاه
غبنن عظامة في محلة كسيرة = وقتة عقب ماشاف حمدة توطاه
محتار من مناع سبعين حيرة = ومن شان حمدة كر رداد وأهفاه
عيا سبايبها يطاوع شويرة = لين المصيرة أندار وأعماه وأنهاه
نصيب حظ ولاهب اللة يديرة = وكلن يجي فعلة على مد يمناه
من لاحفظ قدرة طحنا شعيرة = ومن لايقدرنا على العسر عفناه
نفزع اليا جتنا الامور الكبيرة = لونشتهي نجم الثريا وصلناه
مدهالنا الطيب وأخذناه جيرة = والا الردي في عمرنا مافقدناه
وعدونا نشعل بقلبة سعيرة = نصلاه بالمشعاب وندوس علباه
وفي مجلس الناموس مانستشيرة = واليا تكلم في المجالس حقرناه
ونبعد عن الناحوس ونشوف غيرة = لاصار منقودن وعفنة سجاياه
مادام في المنقود نوخ بعيرة = ياخذ جزا المنقود ويخيب مجناه
وأنا حفيد اللي يصد المغيرة = يوم السيوف تحد للجمع ذراه
نهار كون اللي جرا في النقيرة = من ماقصف ذيب الخليلين عشاه
يوم العدو؟ يدق للحرب زيرة = حول على الحناه والحبل باراه
قلتة ولالي في المشاريه سيرة = لاكن يسير الفكر وأفرح بملفاه
وأعيد في مدح الوجية السفيرة = وكلن على مدة يمينة بدنياه
« آخـــر الـــمـــشـــاركــــات »
29-Sep-2007, 11:05 PM
العرض العادي
