لا تلد العين (قصيدة)

[ماجدالشغار]

لاتلد العين لين اتعافى من مرضك=شر يوم ٍ راح كنه عليه من سنين
آه لو اللي غمضني يامحبوبي غمضك= كان ما تمل بعمرك لو انه ليلتين
احسد اللي غض طرفه خيافه مالحظك=مايعد الصبح ضمن العصاه المعتدين
ليه تفتن واحد ٍ مافتلك ولا نقضك=مايردد غير قولت عسى ربي يعين
واهني اللي على مابغى حظه قبضك=لين يخشع على صدرك خشوع الساجدين
بس عطني ياحبيبي شويه من بعضك=لا تخليني كذا مفلس ٍ دنيا ودين
والله اني ميقن اني معاد القى عوضك = ياكثر ما مرني مار مثلك وين وين
فارض ٍ نفسك وزينك علي اللي فرضك=زين مار المشكله ماتعرف تقول زين
كن ربي من لسان آدم وحوى لفظك=والبقيه جو مثل مايجون المسلمين
ول لا عادت عليه صدفك ولا عرضك=كم وكم من زين معاد اعده لو زوين
رح عسى الله مايسمح على الدنيا غرضك=واحمد اللي حارسك كيف ماصابتك عين

الشاعر ماجد بدر الشغار