السلام عليكم
كيفكم جميعا
اليكم هذا الا هداء المواتضع
طبعا اعجبتني قصيدة حمدان المري ( أستاذنك) ومر علي موقف مثل موقفه وجاريته
واترككم مع ماكتبت
وتقبلو تحياتي:-
استأذنك بسافـر ايـام واجيـك=وان طالت ايام السفـر لاتحاتـي
حتى ولو طولت مانـي مخليـك=ياللي بدونك ويش تسـوا حياتـي
تامر علي حاجه ؟باودعك واليك=عسي عوض الايام في المقبلاتي
حتى يدي ماودها تفـارق يديـك=ساكت وانا اشوف البلا في سكاتي
ماشفتني لارحت منك التفت فيـك=بـلاي والله روحتـي والتفاتـي
لكن قبل مـاروح ودي اوصيـك=وانت الوحيد الي يقدر وصاتـي
لحد"سألك وقال لك ويـن مغليـك=قلـه لـوازم لاقضاهـا بيآتـي
وان طرو النسيان مانيب ناسيـك=ياراس مالي في الحياه وغناتـي
وان طرو السلوان مانيب ساليـك=طيفك معي حتى وانا في صلاتي
قلبي وهو قلبي اذا مـر طاريـك=لولا ضلوعي كان عزوا مماتـي
لو جض صدري كان يمديه يأتيك=ويبات عنـدك ويهنـا بالمباتـي
انا وقلبي والغـلا ساكـن" فيـك=وانته وقلبك والغلا وسـط ذاتـي
غلاك مثل الحكم عنـد المماليـك=اكبر طموحي( لا ) كل امنياتـي
شف في غيابي اي حاجه تسليـك=لاني بعدك اسلآ مـع ذكرياتـي
احاول اذكـر اي شـي يطريـك=واقول هو سوء وانا ذي سواتـي
كني موادع كـل شـي حواليـك=كني حسبت احساب حزت وفاتي
احب لاني مااقدر انساك وابيـك=ولا اقدر اخليـك ياالـي تحاتـي
معنى احب ولااقدر انسى واخليك=يعني بدونك ويش تسـوا حياتـي
شعر الاخ العزيز / حمدان بن راشد المري
مجاراتي له :-
البارحة سمعت قـافٍ علـى ايـك=قافٍ جميل ومصـدره مـن ثباتـي
أستاذنـك بسافـر ايـام واجـيـك=ولو طالت ايـام السفـر لاتحاتـي
يقول المـري وانـا اقـول لبيـك=قصتـك ياحمـدان قدهـا سواتـي
خليتنا في وسـط عقـد الشرابيـك=وذكرتنا في عقـد ملكـت حياتـي
يوم الفرح يكسي العيون الدواكيـك=وانا اسحب الخطوة واناظر واحاتي
واقول ياطول الصبر والوعد هيـك=مـادام ردونـي ثـلاث اسنواتـي
وان قلت ياطول الصبر والوعد هيك=اقعـد واردد عـز نفسـي غناتـي
لاعاد به فزعـة والا فيـه تسليـك=ولاينفعك يالعبـد كـود الصلاتـي
والبيت هذا جايزٍ لي وانـا اخيـك=ذكرتني موقف دمـج فـي حياتـي
استاذنـك بسافـر ايـام واجـيـك=وان طالت ايـام السفـر لاتحاتـي
تحياتي
متعب العـــالي
« آخـــر الـــمـــشـــاركــــات »
07-Oct-2009, 10:54 AM
قصيدة المري ومجاراتي له
العرض العادي
