ياعتيبـه الهيـلا طــوال اليمـانـي

[سعد المحمدي]

بديت باسم اللي خلقنـا مـن الطيـن=
=اللـي ليامنـه ومـركـون كـانـي
ربٍ لوجـه يركـعـون المصلـيـن=
=عـلام مـا نخفيـه تحـت الحوانـي
محـي العظـام الباليـه والشراييـن=
=نرجيه حسـن الخاتمـه والحسانـي
بعـده بحفـل مرجحيـن المـوازيـن=
=سـلام مـن قلبـي نطقهـا لسانـي
سـلام حربـي ماجهـل بالقوانـيـن=
=ياعتيبـه الهيـلا طـوال اليمـانـي
ياهل الوفا والجـود بالعسـر والليـن=
=لاشح فـي مالـه خطـات الهدانـي
أجواد ساس أجـواد دايـم كريميـن=
=يشهد علـي ماقـول قاصـي ودانـي
مزبـان مـن خلـوه نـاس ٍقريبيـن=
=دونـه تخلـون الصعـب مطوعانـي
أشهـد شهـادة حـق منتـم ردييـن=
=بالجار وحقـوق الخـوي والعوانـي
شهـادةٍ مبغـى وراهــا مثامـيـن=
=لاوالـذي يعلـم خـفـاي وبيـانـي
وان عودة ياهـل النضـا للاكاويـن=
=من يجهـل عتيبـه قديـم الزمانـي
حـرز الذليـل ملحقيـن المخلـيـن=
=لاصـاح صيـاحٍ يـشـق الاذانــي
كـم شيـخ خـلا سابقـه بالمياديـن=
=بعـد الطمـع عشـره تعـود ثمانـي
ويامـا غزيتـم دار قـومٍ بعيـديـن=
=فـوق المهـار مكاضمـات العنانـي
جبتم حلايا وضـح عنـد الشيابيـن=
=بالغصب ماهـي بالرضـا والتمانـي
ماقلت عندي لـه شهـود وبراهيـن=
=ماهـي سوالـف واحـداً مغلطـانـي
مايغط نور النـاس غيـر المساكيـن=
=اضعوف الانفـس تابعيـن الهوانـي
الحـق لـو انـه لنـاسٍ معـاديـن=
=ماينكـره غيـر الـردي والهـدانـي
قلتـه وحـنـا للمعـانـد عنيـديـن=
=من شافنـا بالعيـن صابـه جنانـي
جمع الحروب اللي على الحرب ضارين=
=لا سيقـت العطفـه عيـانٍ بيـانـي
من دون زينـات الحلايـا ضريريـن=
=نمشـي سنـود ولانحـب الطمانـي
ونعمٍ بكل النـاس قاصـي ودانيـن=
=كلـن ضلوعـه دون حقـه متـانـي
في ظل عبـدالله صعـوط المجانيـن=
=صرنـا بعـد ذاك التناحـر أخوانـي
بأمن وامان وننصـر الحـق والديـن=
=ونجزا راع الحسنات مثلـه حسانـي
وختامهـا عـداد ماشافـت العـيـن=
=صلوا على المختـار سـر وعلانـي

[عايض جزاء العصيمي]

صح لسانك ياسعد وبيض الله وجهك
ونعم والله بك وبقبيلتك(حرب)
تحياتي وتقديري لك

[سيف نت]

صح لساااااااااانك

[المـرشدي]

صح لسانك وبيض الله وجهك وونعم فيك وفي قبيلتك

[سعد المحمدي]

المشاركة الأصلية كتبت بواسطة عايض جزاء العصيمي

صح لسانك ياسعد وبيض الله وجهك
ونعم والله بك وبقبيلتك(حرب)
تحياتي وتقديري لك

الاخ عايض جزاء العصيمي
صح بدنك وماعليكم زود ياعتيبه

[سعد المحمدي]

المشاركة الأصلية كتبت بواسطة سيف نت

صح لساااااااااانك

صــــــــــــــــح بدنك

[سعد المحمدي]

المشاركة الأصلية كتبت بواسطة المـرشدي

صح لسانك وبيض الله وجهك وونعم فيك وفي قبيلتك

وجهك أبيض يالمرشدي
وسبعة أنعام بالهيلا

[محمد الذيابـــي]

صح لسانكــــ

ولا هان راسكــ,,,

التوقيع

التوقيع محمد الذيابـــي

[سـعـد العصيمي]

صح لسانك وبيض الله وجهك

والنعم فيك وفي قبيلة حرب وكل القبايل

لاهنت يالغالي

تقديري

[عناد الشيباني]

صح السااااااااااااانك


ولاعليكم زووود


مشكووور