ذيب العوازم
ياسلامي عليكم والله المستعان=السلام المبدا شرع للمسلمين
عودنا صام وأفطر قبل حل رمضان=جاب علم غدت به غبر هاك السنين
أبو وافي العتيبي
مرحبا ياشجيع فوق ضهر الحصان = يتجه لليسار ويتجه لليمين
عودلكم ماتغير من قديم الزمان = والليالي تخلي كل قاسي يلين
ذيب العوازم
البقا والمطمه جابها باللسان=مير يكفونك الأحيا عن الميتين
كل فرض بوقته شاهده بالآذان=حاضر بحاضر(ن)والفرض مافيه دين
أبو وافي العتيبي
طال وقت أنتظارك ولقاء حان حان = مار يالله توفقنا مع الطيبين
وأنت ياذيب وشبك صار عندك جنان = تشغل القايمين وتزعج النايمين
ذيب العوازم
في اللقا يكرم الرجال والا يهان=من يصوب بوسط المعركه له ونين
عد نفسك يابو وافي بوسط امتحان=النتيجه تفرق ساقط وناجحين
أبو وافي العتيبي
أن قلطنا قلطنا فوق ذيك السمين = وأن غزانا ترانا نرهب المعتدين
أبشر أني ضمنت الفوز عندي ضمان = وكل ناجح تري موجودله حاسدين
ذيب العوازم
من تعلا بقدره مانزل للطمان=وان نطحنا الجموع بربنا نستعين
ليت عشرك يابو وافي ماترجع ثمان=لاتراوغ وجاك الذيب ياباالحصين
أبو وافي العتيبي
صاحبك من حياته مارضي بالهوان = يشهد الله وخلقه ياولد شاهدين
ليت ذيب العوازم ياخذ أسـمه بيان = لا تورط وتشب بين جيمٍ وسين
ذيب العوازم
صاحبك عايش(ن)بين القسا والليان=الله الدايم وخلقه هم الذاهبين
الذيابه تهرول وانت تحبي حبيان=عادة الذيب لامن صاد صيده ثمين
أبو وافي العتيبي
صاحبي من كلامه يشبه العقربان = يشبه العقربان أم أربعة وأربعين
الصقور بسماها وأنت ترجع طمان = يالله أني دخيلك من حياة الطمين
03-Jul-2008, 12:24 AM
العرض العادي
