جيوبنا وقيعان ركبه تشابه!!

[عيضه الثبيتي]

حديث مع الغيم

عسى الله ان يرحم بلاد المسلمين

أتت هكذا....





إليكم أحبتي..



:

:

:

ياغيم لا تبخل عليّ بسحايبك=أغسل مافيّ من الحزن والكآبه!!
وأنا اطلب المعبود ياغيم ما أطلبك=وأدعي عساها دعوة ٍ مستجابه!!
وياغيم.. لوتسمح دقايق باخاطبك=والملتجى لله فقط والرجابه!!
يا غيم عنّا وش هو اللّي مغيّبك؟=ويا ما أنتظرنا اللّي مطوّل غيابه!!
من أمس وأنا أنخى مزونك وألوذ أبك=ولا أعطيتني لو قطرةً من سحابه!!
ولا برد جاش ًتهبّه هبايبك=ولا سؤالي جاه مِنك الإجابه!!
كنّي عدوًا لّك/وأنا اللّي مصاحبك=وأن شفت برقك قلت : يامرحبابه!!
أنا دخيلك/وأنت ضيّعت واجبك=وضيّعت من كثّر علاك الطلابه!!
لوكنت رجال ٍ تفتّل شواربك=ضحكوا على شاربك ربعي عتابه!!
لَن الدخيل اليا دخل فوقنا وبك=لو يطب الرجال ثوبه سرابه!!
أبيك تبكي /ياخيال الربيع..أبكْ=وأهني من تِغْرق دموعك ثيابه!!
شح الزمن و أوضاعنا ما تناسبك=والحظ صاير مثل قوس الربابه!!
حلالنا ميت من الجوع فالشبك=وجيوبنا وقيعان ركبه تشابه!!

:

:

:

:

وسلاااااااااااااامتكم



عيضه الثبيتي

15/12/1431هــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131