نسل الصحابه

[أحمد محسن العتيبي]

قصيده بعنوان ( نسل الصحابه )


هذه القصيده لها مناسبه وموضوع حصل معي شخصيا


انادايم اروح وامشي مع طريق المعيصم في مدينة مكه واشوف بجانب الطريق كل مااروح واجي مجلس وبيت شعر بابه مفتوح والضيوف دايم يقلطون وريجيل والمجلس عامر ومنور
اعجبتني هالحله وبيت الشعر اللي بابه مفتوح والكرم محد يكرهه والطيب والعلم الغانم


نشدت احد الاصحاب عن هالمجلس اللي على طريق المعيصم قالولي هذا مجلس


رجل الأعمال صاحب شركة الوطن للسيارات الحديثه


الشيخ / سفر بن مبروك السويهري الهذلي ( شيخ شمل فخذ السواهره من هذيل )


فسويت هالقصيده وتشرفت بزيارتي للشيخ سفر الهذلي ابونواف





سلام يانسل الرجال المشاهير
هذيل في مكه قبيله أصيله


نسل الصحابه والرجال المغاوير
منكم ابن مسعود راع الفضيله


أهل الوفا ومزبنين المخاسير
هذيل وانته كاسبن للجميله


شيخن على مبداك مافيك تغيير
ثابت على درب الفعول الجزيله


ياسفر يابونواف يافاعل الخير
يمناك تعطي دوم ماهي بخيله


شيخن سوات الحر فوق المواكير
حرّن تعلّا في الجبال الطويله


شيخن تحوز الطيب مثل البواتير
تحوزها مثل السيوف الصقيله


جيتك اسوق الرجل شفت الطوابير
تنصا حلالك كل يومن وليله


مدهالها شحم ودلالن مباهير
في ضف شيخن سعد منهو يجيله


ماهي غريبه وانت ريف المسايير
يامكرم الضيفان فخر القبيله


انا عتيبي لوحدتني المقادير
في الحظ الاقشر والظروف المهيله


ربعي رجالن في المواقف مناعير
عتيبه الهيلا زبون الدخيله




ختاما اتقدم بجزيل الشكر والعرفان لقبيلة هذيل
ولفخذ السواهره وعلى راسهم الشيخ سفر ابونواف
على حسن استقبالهم لي وكرم الضيافه وطيبهم اللي موغريب عليهم






الشاعر / أحمد بن محسن ابوسنون النخيش العتيبي

[نافع]

كفو يالنخبش وهذيل يستاهلون وانتم تفعلون

[محمد الذيابـــي]

..


صح لسااااااااااانه..

التوقيع

التوقيع محمد الذيابـــي

[أحمد محسن العتيبي]

الله يعافيك يانافع ومشكور ماقصرت على مرورك

[أحمد محسن العتيبي]

صح بدنك يامحمد الذيابي وتسلم على مرورك