يا يم طيفه شاخصٍ في خيالي

[قاطع طريق]

[TABLE="width:70%;"][CELL="filter:;"]

سلام علاهم
والله مشتاقين لهذا القسم وقراءة قصايد الاخوان
هذي من قصايدي الغزلية

[/CELL][/TABLE]

يا يم أنا سافرت والفكر خالي = ورجعت مشبوبٍ على القلب نيران
جربت أنا في غربتي كل حالي = وشربت من شيٍ للأذواق فتان
شيٍ شمَع في مهجتي ما يبالي = وارسل على عقلي ثمانين شيطان
يا يم طيفه شاخصٍ في خيالي = يا يمّحِي طيفه على مر الأزمان
غادرت فوق البونج واشين فالي = ونزلت بأرض المملكة حيل تعبان
ياليتني ما جيت والله قضى لي = واختار لي من خيرته كل ما زان
وياليتني قضّيت عمرٍ بقى لي = خادر وغارق في هوى الشوق سكران
ونمد أنا واياه حبل الوصالي = وأشد حبل الود والزين ويّان
يا يم أنا عديت في راس عالي = عديت أنا في مرقب الذيب سرحان
وعلى شناخيب المنيف الطوالي = غنّيت من وجدي وجريت الالحان
وقبل الغروب وبعد وقت الزوالي = طوحت شوفي يمة الغرب شفقان
وسالت دموع العين مما طرى لي = واغضيت وافكاري من الحزن شتان
يا يم انا كني عن الناس جالي = غريب مدري داري والاوطان
يا يم لو ان الليالي ليالي = ما صار لي بالزود يا يم نقصان
يا يم ضاعت حيلتي واحتيالي = ولا عاد لي يا يم حجة وبرهان
يا يم ماني عن هوى الزين سالي = حتى يفرّق بين روحي والابدان
حلفت انا منسى حسين الدلالي = حلفت أنا منساه لو كان ما كان
منساه لو تملأ البحور الرمالي = وتغير الدنيا وتفتر الأكوان
حتى يصير سهيل نجمٍ شمالي = والجدي يظهر فوق صنعاء ونجران
ولاّ تطير مع الهبوب الجبالي = ويشدّ من فوق الجزيرة عمودان
يا يم يا وجدي ويا وجد حالي = وجدي على ما عيش بديار الأسبان
حتى يصير الزين دايم قبالي = واقطف زهور الورد من كل الألوان

[TABLE="width:70%;"][CELL="filter:;"]

وسلامتكم

[/CELL][/TABLE]

[خلف بن مرزوق]

000
00

يامرحبا ياقاطع طريق تو مانوّر القسم

لي عودة

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[مرزوق حمدان العتيبي]

...
.

ابداع والامتاع كله بهالصفحه
ياقاطع طريق ..
صح لسانك مدد اكثر من اي عدد ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الــوآفــي]

كنت اعلم انك شاعر يا قاطع طريق


صح لسااانك ملايين


ننتظر الجديد


اخووك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[ابـن نـعـيـس]

صح لسانك وسلم بنانك


لاهنت


تحيااااااااااااااااااااااااااتي

التوقيع

[أبو مرحبا]

الاخ قاطع طريق

مادريت ان قلبك خضر


صح السانك يااطويل العمر

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[mohmmedot]

صح لسانك على هذه الدرر

[قاطع طريق]

[TABLE="width:70%;"][CELL="filter:;"]

خلف بن مرزوق
القسم منور بوجودك
وحياك الله في أي وقت

[line]
مرزوق العتيبي
صح بدنك
ومشكور على المرور

[line]

ذيبان
صح بدنك
وابشر باللي يسرك

[line]

بن نعيس
صح بدنك ومشكور على المرور

[line]

قحص
يالله المستعان
صح بدنك

[line]

Mohmmedot
صح بدنك
ومشكور على المرور

[/CELL][/TABLE]

[خلف بن مرزوق]

000
00

قاطع طريق



هنا وجدت

ابداااااااع حقيقي مبنى ومعنى


قصيدة شاااامخة


ولايكتبها غير شاعر له باع طويل ففي مجال الشعر


قاطع طريق


ننتظر منكم المزيد


دمت للاثراء



مودتي

[أبو زيد]

الله...الله

مير الزين والله عندنا... الحلا حلا الروح على ماقيل...

صحيح وأنا أشهد إن فيهم شي يلعب بالشرايين مير المضمون مخيس...

خللك حول العرب لو كان ما منش...

صح لسانك ولاهنت...