السلام عليكم ورحمة الله وبركاته
بهذه المشاركه استهل اول مشاركاتي في هذاالمنتدى الشامخ والتي اتمنى انها تحوزعلى رضاكم
وهي قصيده في الشيخ /مطلق بن فراج المواط العصيمي لمشاركته في مزايين ام رقيبه1433ه
الحلحي شاش واللي هيض اشواقه =شـــوف المــغاتيــر والعــزوه ترافـقـها
يأهـل المـغاتيـر كـلاً يجـمـع نيـــاقــه =الجــائزه جــالــها مـطـلـق يحـقــقـهــا
بالجـهد والمال والنقـوه له عـشـاقه =مـثـل الـبـرد فـي مـزوناً لاح بارقــهــا
يبرالها في صباح العرض واشـراقه =وكبود من سـاقوا الخمسـين يحـرقها
حـب المــغاتيـر في دمـه وفاعـماقه=والـمـرجـلـه كـلـها يـملــك وثـائــقــهـا
يعشق دروب التحدي طابت اوفاقه =والـمـرجـله وافـقـت مـطـلق ووافـقها
شيخاً كريماً شجاعاًيحتمي الـساقه =رايــات الامــجـاد تكـفــخـله بيـارقـهـا
كـريـم يمـناً سـوات الغــيث دفــاقــه =مـزبـن رجـالاً شـديـد الـوقت مرهقها
بيـت الـشرف والمـعزه يذري رواقه =ويـشـيع صـيته بـمغربها و مشرقها
غير الوفاء والشهامه طيبة اخـلاقه =كــسـاب الامــداح والـعلـيا يعـانقــهـا
من عزوة في نهار الحـــرب تفاقــه =حــمايـة الـبـل اليــا شــبت حـرايـقـها
آلاد عاصــم على الامـــجاد سباقه= محداً على الطيب والناموس يسبقها
أهل الفخر والسطر مافيهم علاقه =وأهـل المـواقيف سـابقـها ولاحـقـهـا
قوماً تضـد الضديد وتـقـصـر وثاقـه =وجـمـوع الاخـصـام لوكـبرت تفـرقهـا
وخـتامـها الفـوز والـرايـات خـفاقه =والجـائـزه جـالـهـا مـطلـق يحـقـقـهـا
وســــــــلامـــــــتـكــــــــم
« آخـــر الـــمـــشـــاركــــات »
08-Jan-2012, 04:32 PM
الحــلــحـلـي شـاش (قصيده)
العرض العادي
