سـؤالـين عــن قــنــاة الــساحــــه أبــي جــوابــه

[أبو طلق المقاطي]

قناة الساحه هي لعتيبي سمعت يقولون انها لقحطاني والله اعلم



سـؤال مع معارضه ليه المحاورات الي فيها قليله مايجيبون الا قديم واوقات متأخره مثل الفجر احد بيتفرج محاوره الفجر


انا على الساحه من المغرب لين 2 في الليل مهب كل الاوقات على الساحه يعني كل شوي اغير ولا اشوف الا اشياء


مكررينها يعني ما فيه شي جديد كلها قديمه من اول مافتحو القناة ولكم التحليل في هذا الموضوع


ومعليش ان حصل مني غلط بس الساحه والله مافيها قصور بس يبي شوية اهتمام في المحاوره لان اكثر مايعاينون

الساحه عشان المحاوره

اللي انا اعرفه انها لشيباني

والله اعلم

واصبر شوي وتشوف اللي يسرك يبعدي ولاهنت على الموضوع

[أبو بتال الجبلي]

السلام عليكم

أنا معك يا ابو طلق أن الحاورات قديمه

واليوم جايبين محاوره للشاعر حبيب ومعه واحد ثاني مدري منهو بس أنه زعبي

والحفله كانت في مزاين قبيلة زعب الظاهر

والمعروف أن المزاين قديييييم يمكن قبل ثلاث شهور على الاقل

..

وأنا شفت سفر الدغيلبي طالع في القناة

ويقول شهادتي في قناة الساحه مجروحه لأنني أحد منسوبيها

وسلامتكم

[$@المقاطي@$]

هي لو تسلم من عرضات الجنوب لتصير أحسن قناة في العالم


اللي سمعت ان المدير العام قحطاني ونائبه نفيعي والله أعلم


وتبث من دولة مصر العربية.

[ذيب الشمري]

مشكوور اخوووي على الموضوع

القناه في بث تجريبي صارلها سنتين

[أبو طلق المقاطي]

سهم الروقه _ أبو بتال الجبلي _ المقاطي _ ذيب الشمري

مشكووورين على الرد وبيض الله وجيهكم وياليت صوتنا ومناقشتنا تاصل للقناة

[ابو براك]

المشاركة الأصلية كتبت بواسطة $@المقاطي@$

هي لو تسلم من عرضات الجنوب لتصير أحسن قناة في العالم


اللي سمعت ان المدير العام قحطاني ونائبه نفيعي والله أعلم


وتبث من دولة مصر العربية.

أنا أتفق مع أخوي المقاطي في كلامه بأن
القناة لو تسلم من عرضات الجنوب لتصيرل أحسن قناة شعريه
وبالنسبه لصاحب القناة سمعت أن راعيها عتيبي
وشكراً

[سلطان الجـذع]

العلم الاكيد

ان صاحبها ليس واحد

فهي لمجموعه من التجار او رجال الاعمال ..مشتركين فيها
ولكن لااعلم اذا فيهم عتبان او لا ..

[طلال الثبيتي]

القناة قطه بين كذا شخص

وابرزهم الشاعر ناصر القحطاني

[فهد العصيمي ss]

اتفق مع اخوي المقاطي ياليت يفكونا من عرضات اهل الجنوب والله لتصير احسن قناه فالعالم ومااتابع غيرها