الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 03-May-2015, 11:54 AM رقم المشاركة : 1
معلومات العضو
على نيتي
عضو
إحصائية العضو





التوقيت


على نيتي غير متواجد حالياً

Thumbs up عتيبة الهيلا تزيدك براهين - بالكايدات اللي تبي مقدرية

بسم الله الرحمن الرحيم


اخواني اعضاء منتدى قبيلة عتيبه الهيلا



انقل لكم قصيدة شعرية لـ الشاعر نايف حسن المديري السبيعي بعد ان ألقيت في احتفال عائلة

السجين بخروجه وتكريم الجاهية على قناة الاصايل والتي لا زالت تحت الاعداد للعرض


والتي وجهها الشاعر للشيخ سلطان بن صنهات الشيباني

من قبيلة عتيبة والذي عفى عن قاتل ابنه لوجه الله تعالى بعد ما قتل على يد فتى من قبيلة سبيع عن

طريق الخطأ وتقديره للرجال الذين سعوا للصلح من قبيلة سبيع ومنهم من قبيلة الشيابين وهذا ما يمليه

علينا ديننا الحنيف على فعل الخير حتى انه لم يقبل هدية من شيوخ قبيلة سبيع خوفآ من انها قد تنقص

من آجره لاعتاق رقبة هذا المسلم أسال الله ان يجزاه عنا خير الجزاء ويرزقه اجر اعتاق رقبة مسلم

ويرحم ابنه ويجعله شفيع لهم واحببت ان انقل لكم هذه القصيدة والعمل الجميل التي نتمنى ان يقتدى به

وهو العفو والصفح عند المقدرة فهو عمل نبيل يمليه علينا ديننا الحنيف وشيم ومن شيم الرجال ولما فيه

من اجر وثواب عظيم عند الله سبحانه وتعالى

:


:

للطيب واهل الخير فعل وعناوين
ناس كرام ولا لحقهم خطيه

ما خيبوا فيهم من الناس هاقين
في موقف ما فيه هذي وذيه

وعتيبه الهيلا تزيدك براهين
بالكايدات اللي تبي مقدريه

واكبر دليل اليوم فعل الشيابين
مثال واضح للكرم والعطيه

تطلق قيود اشخاص كانوا مساجين
وتعتق رقاب واجهتها المنيه

سلطان يا نسل الشيوخ العربين
فعلك تفاخر به رجال وفيه

حشمت من هم من الخير ساعين
واعطيتنا من قلب صادق ونيه

اعفيت من هو دونه القفل قفلين
واجرك كسبته عند رب البريه

يشهد علي الله وخلقه شهيدين
انك وريث الطيب وانك سميه

نعمين فيكم يا هل الطيب نعمين
تستاهلون المدح واجمل تحيه

حنا ف وقت العسر معكم وف اللين
نار لكم في صلف الايام حيه

ربعي هل الغلبا على العهد وافين
مثل سيوف الحرب في كل هيه

هم عزوتي لا من غدى الصف صفين
والا اظلمت سود الليالي عليه

سبيع تجمعنا وحنا القعاسين
تاريخنا ساطع بالامجاد ضيه

تفرح بنا في ساعه شجيعين
روس تشوش من السطر والحميه

ابوي شيخ القوم نسل السلاطين
حلال صعبات العقد والاذية

شيخة فعل يمنى على العز والدين
ماهوب شاحذها ولا جت عطيه

وحسين ابن مفلح الى قالوا حسين
محزم ضفر يا حي والله حيه

يعجبك في فعله طليق الحجاجين
دايم يمينه بالمكارم نديه

واللي عشان الخير بالخير داعين
اكتب لهم يارب عندك جزيه

ناس لهم قدر على الراس والعين
راياتهم ف الطيب دايم عليه

وختامها صلاتكم يالمصلين
على رسول الله محمد نبيه


:


للشاعر / نايف حسن السبيعي


.................................................. .....................على نيتي















رد مع اقتباس
إضافة رد

العلامات المرجعية

الكلمات الدلالية (Tags)
سبيع تجمعنا وحنا القعاسين


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:25 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي