من نشدني قلت مانيـب دعجاني .... من يمش الوسم من خـد المطيّه

[ابو فراس]

للرفع

وامل مرور الاخ / ابن مشيب على الموضوع

[ابن مشيب]

مشكور ياخوي المتنبيss , وتفسيرك للابيات عقلاني ومنطقي , ومرة اخرى اشكرك على توضيح الحقيقة والمقصود.


اخوك:
ابن مشيب.

[ساري ليل]

شكــــــرا لابن نجــــــــد


والشكــــر لجميع الاعــــــــزاء على هذا التوضيح .

فكل منكم مكمل للآ خـــــر .

[محمد الهدفي]

بيض الله وجهك يا ابو فراس كفيت وفيت

ولكن انا اشره على عيال عمي الي يجيبون القصيده فرحانين كانهم جابو مسبه علينا ما يعرفون قصتها

القصه الي نعرفه حنا يالهدف هي:

غازي كان متجه السدير اذا مانيب وهم ولمح ثلاثه يلحقونه خلا حلاله وجاء من ورهم وهم ما شفوه وذبح الثلاثه وبعدين جاء خويا الملك عبدالعزيز كان يدوره على غازي بسبت الي سواه وغازي راح لابن ماضي ابن ماضي قاله: رح لعيال عمك هم ينفعونك و انا بجهز لك الذلول برى الديره اركبها ورح لهم . المهم ابن ماضي ضيف خويا عبد العزيز لين رح غازي. غازي رح لامير الهدف العميدي وعلمه القصه العميدي قال: مالك لا مناحي الهيظل هو قريب من عبد العزيز رح له( لحظو ترى قصة السبله توها ما بردات ) . المهم رح غازي لاشيخ مناحي الهيضل وقال الشيخ: ابشرى بسعدك. وراح الشيخ مناحي للملك عبد العزيز قال للملك القصه وقاله : الرجل كان يدفع عن حلاله . رد عليه الملك : هو من قبل السبله ولا بعدها اذا هو قبلها يقوود واذبعدها ما يقود. رد الشيخ مناحي: لا من ورى السبله. قال الملك : الي من قبل السبله عفينا عنهم. وعف عنه الملك عبد العزيز ودفع الملك الديه للمقتولينو وقال غازي هلقصيده.


وقال :
من نشدني قلت مانيـب دعجاني
من يمش الوسم من خـد المطيّه

قصده ان وسمه معروف مايقدر يخفي وسمهم الحلقه والمدرق للدعاجين والهدف

هذا الي اعرف عن القصيده


وسلمتو ياخوان...... اخوكم الهدفي

[ذيب السبايا]

لاهنت يالغالي

[مرزوق حمدان العتيبي]

نذكر القصه كما سمعناها امس كنا في مجلس يحضره
احد شيبان المقطه عمره قد ناهز السبعين ...
الرجل يقول كان بن عضيب مع الدويش والاخوان
تحرك القوم وتاخر عنهم وعندما ركب ذلوله يريد ان يكمل مسيره
واذا بثلاثه من الهرشان فقالوا حوّل عن الناقه ياولد وللرجال معه بندق
وومره الله ان يقتلهم قبل ان يقتلوه فاخذ بنادقهم الثلاث
وعندما لحق بالجيش كانوا الاخوان لايكذبون وكانت هذه الكسيبه تسمى قلاعه
مالها علاقه فالغنايم ولكن ابن عضيب اراد ان يخبر الدويش فقال انا اعترضوني ثلاثه
وومرني الله وذبحتهم وهذي بنادقهم فسكت الدويش
ثم خرج بن عضيب وكان احد العصمه جالس بعد خروج بن عضيب فتبين له ان الدويش
يريد ان ياخذ البنادق فخرج الى بن عضيب وقال الرياجيل يبون ياخذون بنادقك ولكن لاجا الليل
اسر .... فسرا بن عضيب حتى وصل الى ابن ماضي في سدير واكرمه وزوده بالزاد
وكمل مسيره حتى وصل الى اهله ... وهو من خلال هذه القصيده يذكر معاناته
وماتعرض له من مصاعب .... والله اعلم
هذا ماسمعت والعهده على الراوي ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد الهدفي]

احسنت يا مرزوق

انا ما عندي اي معلومه عن الدويش وما مر علي شي عنها ولكن اعرف القصه من بعد ما ذبحهم رح لابن ماضي في حوطة سدير


لاهنت يا اخوي

[عبدالعزيز الدعجاني]

نعم كلام صحيح اللي قال القصيده غازي بن زيد بن عضيب الدعجاااني
واللي هو من خوالي ويعطيك العافيه اخوووووي على التوضيح الصحيح






تقبلو مروري
ابووووبدر

[ناصر الدغيلبي]

	السلام عليكم ورحمة الله وبركاته بارك الله بك , شكراً أخي الكريم ابو فراس على النقل والتوضيح وصح لسان الشاعر غازي والله يرحمه

[دعجاني على طول]

القصيده هاذي لغازي بن عضيب الدعجاني ومنشوره في كتاب الشاعر احمد الدعجاني سكرتير وزير المعارف .

وعيال بن عضيب من سكان الجبيل حاليـــــــــــــــــــا .............

وهذا الكلام الصحيح .