هذا الموضوع ردآ على جرير الحربي

[ناصر الهيلا]

السلام عليكم ورحمة الله وبركاته




ياهلا ويامرحبا فيك ياجرير

وأنت عندك لخبطه في المعلومات وفي الأبيات وجمعت مناخ الهييشه والرشاويه وخليتهم مناخ واحد

وكنت أتمنى منك عدم التدليس والكذب على سعيد بن جنيدل في هذا العباره

يعتبر مناخ الهيششه من المناخات الهامه التى حدثت بين قبيله حرب وعتيبه حيث استمر المناخ لااكثر من ستين يوما يراوحون الخيل ويطاردونه طردا على الخيل

الى ان انجلى بانتصار قبيله حرب وتم شق بيت بن هندى وتم تقطعيه قطع صغيره حتى يتسنى حمله على الجمال وذلك من كبر حجم بيت الامير محمد بن هندى والذى قام بتقطيعه المزنان ويقال الغيادين

أما عن مناخ الهييشة في ربيع سنة 1327هـ فقد نزلوآ حرب بقيادة
ناهس الذويبي و مقحم الذويبي و حجاب بن نحيت والعضيلات من مطير بقيادة دخيل الله أباالصفاء العضيله


وطلب منهم مارق الضيط الرحيل عن الهييشة ورفضوآ الرحيل

وبدأت المعركة بين بعض العضيان و حرب و مطير


وقال ضحيان بن خلف من بني عمرو هذا الحداء:

نمشي مشـي الجمـل بالقيـد=وســو الـبـلا بأركانـهـا
يامزنةٍ هلت على ابـن حميـد=على بيوتـه ركـزت ربانهـا
وصلت هجايجهم نفي والحيـد=واضحى الضحى ماليَموا شذانها (1)

قال أحد شعراء مزينه من حرب :

يرعون من عبله الى حليت =وشبيـرمـه يـردونـهـا
لعيون نوره بنت ابن نحيت = اللـى غشـانـا نـورهـا

وأرسل مارق الضيط لباقي لمحمد بن هندي وعتيبة
وأتى الشيخ محمد بن هندي فازع للشيخ مارق الضيط

وهجموآ حرب على بيت محمد بن هندي وشقوه فقط لم يقطعونه ولم يأخذونه فقط شق ولو قطعو البيت لكن سمي بتقطيعة البيت فقط شقوه وشق صغير

وهجمو عليهم العتبان وقتل أغلب من اللي هاجموآ البيت

وقتل من حرب منور بن طعيسه شيخ الحصنان وراكان البشري شيخ البشاريه وكلهم من مزينه

(2)

وقال طاحس ابن مشنوطه العضياني يصف المعركة بين عتيبة وحرب وكانت على حرب لا لهم :

ياليت خلـي شايفـن بالعين = يوم ان ابن هندي دفع مركيَـه
بايسر سناح البيت طاحوا اثنين = وبايمن سناحه طاحوا نص الميَه
ياطيب لابـة ناهـس الادنين = هاك النهـار وحـزَة العصريَـه
لا قلت راحوا وادبحوا مقفين = ياسرع ردَتهـم علـى المنقيَـه

^
[font=Simplified Arabic]

^
^
^
وهذا الأبيات من كتاب قصص وأشعار من قبيلة حرب/فايز البدراني صفحة 214

رواية فالح بن هديب وطلال بن يوسف الذويبي ومسفر بن حباب البدراني وغيرهم

[/font]

المصادر:

(1)كتاب قصص وأشعار من قبيلة حرب/فايز البدراني صفحة 188
(2) كتاب أشهر التسميات المحلية للسنوات الهجرية / فايز البدراني صفحة 59

__________________________________________________

مــنـاخ الـرشـاويـه

مناخ الرشاويه حدث بعد الهييشه بثلاثة أشهر في صيف 1327هـ

عن مناخ الرشاوية يقول ابن بليهد:
" وعند هذا الماء – الرشاوية – التحمت عتيبة وحرب ، وأمد حرباً مطير، وتقاتلوا في ضفة وادي الرشا الشمالية، ودارت بينهم معارك في سنة 1327هـ بعد معركة شق فيها بيت بن هندي، وانتهت هذه المعارك بقتل رئيسين من عتيبة: أحدهما ولد جهجاه بن حميد , والثاني : علي الفجري ، وكلاهما من قبيلة المقطة، وقتل رئيسان من مطير أحدهما أبو عبيد الدويش، والثاني : طلال بن هدبا، وتفرق القوم بعد ذلك، أنظر " صحيح الأخبار ، 1/146 " .
وقد حضر الفارس نايف بن جزا أبا العلا هذا المناخ وحضر بعض وقائع عصره إلى جانب قبيلته
والعلوات من مشايخ عتيبة من قبيلة العصمة من عيال منصور من برقا من عتيبة . وأبو عبيد فارس من الدوشان وقاتله هو الفارس نايف أبا العلا ، ويذُكر أيضا بأن ذياب الذويبي قد قتل في هذا المناخ

وقد حضر ايضا / محسن بن بدر الهيضل هذا المناخ ويقال أن عمره كان حينها 13عاماً وقد أورد له ابن بليهد حادثة في الدوادمي مع المهري

ويقول الشاعر عيد أباالعويرآ يهدد عتيبة و مستفزعآ باالدويش عندما لم يحضر حجاب ابن نحيت:

ياللي تجي الكرزان وروق وعصيم=وادي الرشا قله ترى راعيه جـاه
الحر الأشقر جاء لجنحانه وشيـم=فيصل ولد سلطان سعد اللي نخـاه

هذا قبل المعركة ووقعت المعركة وانتصرت قبيلة عتيبه
وكان رد الشاعر شويمان أبا لجلادآ العصيمي كالتالي:

وادي الرشا مهوب لاحدن من قديم=إلا لمن ساق الجمل ثـم احتمـاه
خلوه من بعد القسا بنـي مضيـم=راحت شرايدهم لصبحا والحصاه
عنه الدويـش محدرينـه للقصيـم=واليوم حربي(ن) نفخ ذربـه يبـاه
الحر الاشقر نتفت ريشه عصيـم=واذبحت شيوخه يـوم الله ماهـداه

يقول راع البرصا مناحي الهيضل:

الديــره الها ســـلةٍ ونصــاب = ونصـــابـهـــــا خــف ومــراه
ربعـي كما ســيل النحا نهّاب= يركب على روس العدام غثاه
وان ما خذينا البيت بالاطناب = يحرم علينا نجد ما نرعاه(*)

كانت هذه أحدية مناحي الهيضل رداً على أحدية عيد أبا العويرا
التي يقول فيها:

الصـــيف طاح بديـرة الاجناب= وسحج العشاير هايفت لغثاه(1)
سـتين ليـل خادميـن حجــــــاب = واليـــوم كلٍ ماقفــه ينخـــاه(2)
من لا يجي في الماقف الغصّاب = ياربعنا ما تنوخــذ عـذراه
بار القريـب وباروا الاصحــاب = ولا عاد ينفعنا قصير الشاه
يا ذيب ياللي في الخــلا قنّــــاب = عن نجد قزّاني قنيب عـواه

وأباالعويرآ يذكر حجاب بن نحيت بفزعتهم له في مناخ الهييشه
وعندما قال بار القريب وباروا الاصحاب يقصد الدويش و حرب
ولا نريد أن ندخل في قصده ولاعاد ينفعنا قصير الشاه

يقول مناحي الهيضل في أحدية أخرى:

أنتـــم على اللي كـنهن وحوش= وحـنــــــا علــى مـــــثـل الادام
وسلاحــنا ما قلــــط النـــاتوش=شلــــــفٍ يقـصـــن العــــــظام
نردكـــم رد البقـر في الحــوش = من دون عشبٍ في الهييشة زام
يا حرب وين الفارس المدغوش = ذيــــــاب قــــــواد الجـــــــهام

وهذه رداً على أحدية أبا العويرا
التي يقول فيها:

يبـــا يحـــدد ديـــرته عنــفوش = مـا رد سلفــتنا علــينا العـام
نركب على اللي كنهن وحوش = من طاح قدم نحورهن ما قام

والمراد بعنفوش: عفاس بن محيّا، وهو قول خصم وإلا فعفاس بن محيا هذا مـن إبطال العرب المعدودين

[color=0000FF[font=Simplified Arabic[size=4

]]]**************

(*) لقد حدث ما توقعه الهيضل ، حيث أخذت عتيبه بيت الذويبي من شيوخ حرب في مناخ الرشاوية سنة 1327هـ، حيث يقول شاعر حرب عيد أبا العويرا معترفاً بالهزيمة:

[/size][/font][/color]

وابيتنا اللي بين عرول وجفين =يبنيه ناصر في خشوم ذهلاني
اسود كحيليّن مثل صمة التيـن =أنا أشهد انــه من خيار المباني
وابيتنا اللي ( ---- ) = بيـت الذويبـي وابتنـاه دعجـاني

أحدية جهجاه الهريفي :

وادي الرشــا جاله يبا تبريش = عَـيّـى جنـابه يقـبل الحصـــنـان
الطير ينقب عين ابن درويش = وان جاع نرمي له من الدوشان

ذكرها تركي القداح عن بندر بن سلطان العبود ، وهناك من ينسبها إلى الفارس بادي بن كامل المقاطي العتيبي، يقول القداح قد وجدت في أوراقي الخاصة أن جهجاه الهريفي قد قتل ابن دروش في مناخ الرشاوية ، وبهذا نعرف أنها قيلت في هذا المناخ الذي وقع في ربيع سنة 1327هـ قلت: وهذا المناخ وغيره مما كان في عالم الفوضى قبل استتباب الامن على يد الملك عبد العزيز – رحمه الله
"جهجاه"هو الفارس جهجاه بن نادر بن ثقل الهريفي " والهرافا من الملابسة من الدعاجين من عيال منصور من برقا من عتيبة ، وهم أبناء عمومة للهياضلة.

- وادي الرشا: هوأحد أودية نجد المشهورة ، وكان محل تنافس القبائل عليه بسبب جودة مرعاه .
- الحصنان: من شيوخ قبيلة حرب.
- ابن درويش: من شيوخ قبيلة مطير.
- الدوشان : شيوخ قبيلة مطير.

- الزقما : فرس الشيخ ناصر بن جفين بن راجح بن عقيل الدعجاني وقد حضر عليها مناخ الرشاوية
- العوهلية: فرس جدي بن نوار بن عرويل الدعجاني وقد حضر عليها أيضاً مناخ الرشاوية.

(1) غثاه : واد مشهور ، يقع شمال جبل النير
(2) حجاب: ابن نحيت شيخ مزينة من حرب.

وأتمنى من الآداره عدم حذف الموضوع أو أرجاع موضوع جرير حتى نرد عليه حتى تعم الفائده
تحياتي

[عفيف.com]

بيض الله وجهك ...

هذا الكلام العدل ..

أما راعي قطعوه قطعاً صغيرة ... فلاعاد يتعودها..

[جرير]

اخوى ناصر الهيلا



لا تتهمنى انى اتجنى على ابن جنيدل


ركز فى ردى ولا تستعجل فى الرد


وانتبه الى كلمه


انتهى



هذا مشاركتى اللى حذفت






منــــــــــــــــــاخ الهييشه





ذكر سعيد بن عبدالله بن جنيدل فى كتابه
عاليه نجد
الجزء الاول
صفحه 282 نصا



الحديث عن تلك المعارك طويل ومن اشهر الايام التى دارت معاركها حول الهضبة مناخ الهييشه ومناخ عرجا وكل هذه الواقع تستمر فيها الحرب عدة ايام

وذكرها ايضا من المناخات الهامه التى حدثت مناخ الهييشه
ذكرها فى موضع ثانى فى كتابه

انتهى ...



يعتبر مناخ الهيششه من المناخات الهامه التى حدثت بين قبيله حرب وعتيبه حيث استمر المناخ لااكثر من ستين يوما يراوحون الخيل ويطاردونه طردا على الخيل

الى ان انجلى بانتصار قبيله حرب وتم شق بيت بن هندى وتم تقطعيه قطع صغيره حتى يتسنى حمله على الجمال وذلك من كبر حجم بيت الامير محمد بن هندى والذى قام بتقطيعه المزنان ويقال الغيادين



حيث صارت شقه بيت بن هندى حدثا تاريخيا يؤرخ به اهل نجد

يقول سعيد بن جنيدل فى كتابه عاليه نجد صفحه 108 و109 نصا

فبقى هذا العمل حدثا تاريخيا يؤرخ به اهل نجد حوادثهم فيقولون سنه شقه بيت ابن هندى او قبل شقه بيت ابن هندى او بعد شقه بيت ابن هندى ودارت معارك بينهم يطول ذكره

انتهى ...




نزلت حرب يقودهم الشيخ/ ناهس الذويبي (لوفان) ومن تبعه من حرب وادي الهييشة ..


وكان الشيخ/ محمد بن هندي ابن حميد (شيخ برقا) ومن تبعه من عتيبة فيه ..


فأرسل ابن حميد الى الذويبي يطلبه الارتحال من الهييشة .. فرفض الذويبي .. وفي اول ايام المناخ تقاتلوا وهزم ابن حميد ..


فأستنجد ابن حميد بالروقة .. واقبل مارق الظيط (شيخ العضيان) وعفاس بن محيا (شيخ الحناتيش)وشليل بن نجم (شيخ الغبيات) وجدي بن زريبة (شيخ السلتان والجذعان) وضيف الله بن عميرة(شيخ المغايرة) وفيحان بن تنيبيك(شيخ المراشدة)والشغار(شيخ الدماسين)..


ولما رأى الشيخ ناهس امدادات عتيبة ..أرسل الى حرب فأمدوه .. واقبل ابن نحيت ومعه بني سالم ومن تبعهم من بقية حرب ..



يقول عيد ابالعويرا يستفزع بابن نحيت وبني سالم وبقية حرب

الله من ذيبٍ عوى قنـاب=من نجد جلاَنا قنيب عـواه
طاح الحيا في ديرة الاجناب=وسحق العشايرهايفت لغثاه
يا اميرنا يامورد الهيـاب=اليوم كلن ماقفـه ينخـاه
حنا وقفنا الماقف الغصاب=واللي قعد ماتنفعه عـذراه

وقال الطريس من بني عمر من حرب في احداث الهييشه سنه 1327 هـ وكان ابن حميد طلب من حرب ان يكون بينهم عمله لفتره مؤقته بعدما راي استعدادهم للقتال :

والله ما صاحبهم يكود آصل عفيف=وأنزل علي قلبان ثـرب وذيبهـا
ما ننقل المصقول والحد الرهيـف=إلا علي خبث النفـوس وطيبهـا
دوك الهييشه عشبها طلعه نظيف=مثل الهنوف اللي تبـي خطيبهـا

وتقاتل الجمعين .. وهزمت عتيبة .. وشق الحروب (1) بيت ابن حميد .. واستولوا على بيوته ..


حيث تم اخذ البيت بما حمل ومن ضمنها العطفه وهى بنت محمد بن احميد

(1)يذكر رواة الغيادين أن من شق البيت دواس الغيداني وشديد الكافر الغيداني ..والله أعلم.



يقول الشاعر الفارس عيدابالعويرا :

نمشي مشـي الجمـل بالقيـد=وســو الـبـلا بأركانـهـا
يامزنةٍ هلت على ابـن حميـد=على بيوتـه ركـزت ربانهـا
فـرَوا عتيبـة فريـر الصيـد=يوم الهييشة اعتقـب دخانهـا
وصلت هجايجهم نفي والحيـد=واضحى الضحى ماليَموا شذانها

ويقول فراج التويجر الدماسي العتيبي:

وادي الهييشة حل به قطعـان=ومطـولاتٍ ناحـرن لسهـيـل
أن كانوا حرب اقفوا على فيحان=ويش التبدوي له وركب الخيـل

ويقول ابن مشنوطة المقاطي العتيبى يمدح ناهس الذويبى

ياليت خلـي شايفـن بالعينـي=يوم ان ابن هندي دفع مركيَـه
بايسر سناح البيت طاحوا اثنيني=وبايمن سناحه طاحوا نص الميَه
ياطيب لابـة ناهـس الادنينـي=هاك النهار وحـزَة العصريَـه
لا قلت راحوا وادبحوا مقفينـي=ياسرع ردَتهـم علـى المنقيَـه
حنا ثلاثميه وهم تسعيني=واليا اقبلوا فينا غدينا شويه

وبعد دخول قبيله حرب فى الهيششه اخذت ترعى فى مناطق واراضى عتيبه


حيث يقول شاعر من حرب يصف هذه المناطق

يرعون من عبله الى حليت=وشبيرمه يردونها
لعيون نوره بنت ابن نحيت=اللى غشانا نورها

وهى عبله وحليت وشبيرمه وكلها فى اراضى عتيبه

[اشهب اللال]

وادي الهييشة حل بـه قطعـان =ومطـولاتٍ ناحـرن لسهـيـل
أن كانوا حرب اقفوا على فيحان =ويش التبدوي له وركب الخيـل

البيتين ذول لشارع الوهاب قالها قبل المعارك حاث عتيبه وفيها تناقص لحرب

حتى ان ابيات العويرا فيه مسبه واضحه واقرار بتجاهله لقبيلته ومدح الدوشان ولو فيهم سداد ماعدا المدح للدويش

ولا زاعمنا به

ياللي تجي الكرزان وروق وعصيم=وادي الرشا قله ترى راعيه جـاه
الحر الأشقر جاء لجنحانه وشيـم=فيصل ولد سلطان سعد اللي نخاه

وطاحس بن مشنوطه عضياني ماهوب مقاطي

بيض لله وجهك ياناصر الهيلا على التوثيق اما جرير الحربي فخالط عباس على دباس

[البريماني]

بيض الله وجهــك يالذيب كلامك صحيح

[جرير]

المشاركة الأصلية كتبت بواسطة اشهب اللال

وادي الهييشة حل بـه قطعـان =ومطـولاتٍ ناحـرن لسهـيـل
أن كانوا حرب اقفوا على فيحان =ويش التبدوي له وركب الخيـل

البيتين ذول لشارع الوهاب قالها قبل المعارك حاث عتيبه وفيها تناقص لحرب

حتى ان ابيات العويرا فيه مسبه واضحه واقرار بتجاهله لقبيلته ومدح الدوشان ولو فيهم سداد ماعدا المدح للدويش

ولا زاعمنا به

ياللي تجي الكرزان وروق وعصيم=وادي الرشا قله ترى راعيه جـاه
الحر الأشقر جاء لجنحانه وشيـم=فيصل ولد سلطان سعد اللي نخاه

وطاحس بن مشنوطه عضياني ماهوب مقاطي

بيض لله وجهك ياناصر الهيلا على التوثيق اما جرير الحربي فخالط عباس على دباس

راح تشوف بعينك اللى راح ياكلها الدود منهو اللى خالط عباس على دباس



واخوى ناصر الهيلا انتظرنى غدا


واتمنى ان لايحذف الموضوع

[سطام العفار المزحمي]

الاخ جرير انت اصبحت ملكي اكثر من الملكيين

كيف تقول شقيتم بيت ابن هندي وقطعتوة عشرات القطع وتبغون بعد

تشيلونة ههههههههههههههههههههههههههههههه

البيت خلاص مقطع في نظرك معاد ينفع للسكن فية هههههه

بيت الامير محمد بن هندي رحمه الله انشق برصاصة طائشة وقيل سكينة شق بسيط والمعركة انتهت بنتصار عتيبة انتصار كاسح

ايهما اعظم في نظرك اخذت بيت ولا رصاصة طائشة تصيب بيت

طبعا اخذت بيت الذويبي وهو احد مشائخ حرب الكبار تجعلكم تخجلون من طارية

الاخ جرير لاتنسى مطير معكم في هذا المناخ واستغرب وجود مطير معكم وقبيلة حرب كثيرة العدد لماذا يكون لكم اعوان

المهم الاخ ناصر الهيلا كفيت ووفيت وكنت اتمنى ان لاتاخذ بمصادر البدراني لانة في النهاية حربي ولا تقبل شهادتة لان احد المتنازعين من قبيلتة

[العــــــــابر]

ياجرير الله يعطيك العافيه

انت يومك تهدد ناصر وتقول والله لاجيب العلم وان تبى .

هو انت تبى ترووح تجيب لنا محمد بن هندي من قبره وتقول علم

عيالك واحفادك وابناء قبيلتك يابن هندي بانا اخذنا بيتك والعطفه بنتك .

سامحك الله انت ترووح تنشد وتقرا بالاكاذيب وتصدقها

ابك والله لو ترووح لان تجي فوق القمر في هالموضوع بالذات

ماصدقناك.

وبعدين تعال انا ببلشك بعمرك وخل ناصر الحين ناصر منت بوياه

ليتك تقدرني:

تقوول الشغار وتقول الغبيات وتقول وتقول وهذا من وين تولفه

واللي يولفه لك منه:

انتسانك صاحي فاخذ العلم:

الاول ان المزاحمه كلهم فيما مضى تحت قيادة الضيط

وطلحه كلها تحت قيادة المحيا.

وبذلك تكون اقطاب الرووقه انتهت مغير قسمين واميرهم سواء ابن ربيعان


يعني انت غادي ومسون تبى تجيب التفاصيل .

وثانيها :

وشلون تحط ابن مشنوطه مقاطي وهو عضياني

يعني شغل تحوس بالانساب وتشقلب .

ثالثا:

عتيبه كلها وبقوتها الضاربه وعطفتهم ترووح. لم يرد قصه تؤيد ان

عطفة عتيبه وخذت وغير هذا كله تقول بنت ابن حميد والعطفه

اللي كانت موجوده بكل الحرووب هي مضاوي عطفة الروقه وعتيبه

بنت ابن ربيعان.

يعني دجل وتحريف والكارثه مكشوف.

طيب تعال للاهم وخلني مافهم: الان ديارك وينها وينك عن وادي الرشا

وينك عن ديار عتيبه اللي تقول هزمتنا وكسرتنا واخذتنا وسويت فينا

وقطعت البيوت من شبر وصلت للتقطيع والتحميل في دنه .

ومعكم حق تفرحوون بشق لانه بيت امير عتيبه وامير عتيبه من ياصله

وعتيبه من ياصلها .

يعني بجيلكم الاول خلوها شق البيت.

وجيلكم الحالي خلوها تقطيع البيت.

وجيلكم القادم يخلونها شيلة البيت ومحمد بن هندي ومارق الضيط

ومسلط بن ربيعان وعفاس المحيا مربعين بلوت.

والهيظل وابا العلا بلاستيشن.

وربي فله ياخوك وخر عن التاريخ وهج عنه

عزالله ان كديميس علمكم مار مغار تطشمون.

وبعدين رح الله يوفقك ولاتثير الفتن وابعد عن الهرووج وانا اشك في انك حربي

لانه مهوب معقول الحربي يجي ويكذب مار عين خير والعن ابليس

واترك عنك قص ولصق .

ورع لو تنشده من الجزيره علمك بهالمعركه.

حرب وعتيبه وكل قبايل الجزيره والحاضره والباديه يربطهم الرابط الاسلام وعلى ا

السنه لافرق بينا الا بالتقوى . وهذا تاريخ وامجاد تحفظ فقط للذكرى

والا وادي الرشا منت باخذه ولاحنا نعطيه.

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

آخر تعديل العــــــــابر يوم 17-Dec-2008 في 01:59 AM.

[ولد مجنون]

ناصر الهيلا هيضتني للمناحر وغسل شراع مناديب منتديات قبائل قيلن و قالي وتهذري وبربرة بربور علي ماش وقل سنع , وجرير علي وزن خرير , هاك الخرير الخربي خراب الدول يمال السخط يحمل علي متنة المهايط والكذب و الفتنه , أبك وين طاس يا خرير , حول ثم شرع باب الصتيمه وأنثبر وأنا لـــــــك , وبالمشعاب تتصلح الأمور وتالله لأجعلك تقمز رصيف المنتدي موردها جنوبي أراضي زبيده , برجه وصوت في طبلوم اللكزس تصومع بالأذاني والكفرات إشتـات طايره نسأل الله السلامة

بسم الله أكبر وعلي بركة الله نبدأ

ذهب الشيخ مسلط بن ربيعان للفرم شيخ بني علي من حرب من أجل خيل خذوها قوم الفرم وهي لها عاني عندهم وحصل بينه وبين الفرم مشاده بالكلام , الشيخ مسلط بن ربيعان أستشاط غضباً في المجلس ولم يتمالك نفسه و ضرب الفرم بالمشعاب على راسه , فأختظ الحروب الموجودين بالمجلس فقال صنيتان الفرم ياولد محمد كيف تضربني وأنت وسط حرب فقال الشيخ مسلط والله مادريت أني ضربتك ولادريت أنك في وسط حرب

قلت : جعل يمين الشيخ مسلط جنة الفردوس

وثيقة تحالف بين قبائل علوى من مطير مع البدارين من قبيلة حرب سنة 1200هجري بالحجاز

نص الوثيقة :

الحمد لله وحده

تاريخها نهار الحج من بعد ما يتين وألف وقد تحاضروا الرجال العاقلين وهم رشيد بن مناع محمد بن زايد و محمد بن غليفيص و سلامة بن مليحان وحضر لحضورهم فنيسان بن عايد وقد (تحالفوا) الرجال المذكورين وتعاهدوا بالله (حلف يارثه النقي) عن البايق (البدرانية علويه) و (العلويه بدرانية ) و الحلف المذكور بين البدارين وعلوى الشواوي , وقد تلازموا الأعراض الكل منهم , ولزم رشيد بن مناع على , و لزم محمد بن زايد على ذوي عبدالله , و لزم محمد بن غليفيص على ذوي راشد , و لزم سليمان بن منيف على ذوي منيف , و لزم فنيسان بن عايد الجرو على علوا الشواوي , و لزم غنيمان بن عايد الملعبي على الملاعبة , و لزم بن سعود على العتاق , و لزم مبارك بن جابر على , و لزم كريبيج على الجداعين , و لزم مسهر بن رديفي على الخواطرة , و لزم سرهيد السور على البراعصة , و لزم الكل وطرح وجيه المذكورين فنيسان بن عايد الجرو وجهه إن المناخ عليه , من (غايرات البوق ومنه) , وهو (أخبر بربعه الذي طرح وجيههم وبينهم ) , الكل منهم قصر عن الوادي , وشهد الله قبل خلقة , وشهد بذلك سياف و حضر لحضوره بن مويعز , وشهد بذلك والله خير الشاهدين , مبرك بن مسلم ,وطرح وجه , زويد بن زايد ,و حمد بن حمدان , وطرح وجه , حمدان بن مشحن , على ما ألزموا أولاد عبدالله , وعرض مبرك على رجال المعامره ولزم عواد على من يعناه

(مصدر وثيقة الحلف : كتاب الوثائق المنيره في المعاملات وحقوق الجيره ص 290 -291 )

[ابو محمد الدعجاني]

ياحرب لو حطيتوا البيت نصفين

ماهوب موصلكم ايا مستوانا

انتم رجال وسط المعارك غثيثين

لكن ماتلحق اخطاكم اخطانا

حنا عتيبه ملحقين المخلين

بعنا بسوق الطايلات وشرانا

قوم على صولات الايام قاسين

ولو عظنا ناب الدهر ماقوانا

صح السانك ياسلاح عتيبه على هالقصيده لكن الله يغفرلك لوقلت

ياحرب لوقطعتوا البيت تقطيع
ماهوب موصلكم اليا مستوانا

عشان ما يزعل علينا جرير الحربي عاد حنا مزعلينهم منول وتاريخ جدانا موجعهم لكن حنا يالاحفاد بنرظيهم

يالحريبي مير لوتنشد كل القبايل عن عتيبه هي انخوذت لهم عطفه زروا علاك مير السوالف بالنت مزين منها انا اخبر الناس منول في جوع وفقر يعني لاغزت واكسبت بيت تاخذه وتبنيه وتنزل فيه ماتقطعه تقطيع على شان يصعب حمله على الجمال البيت شق شق بطرفه بسيف واللي كان قريب منه الشيخ ناصر ابن عقيل اللي شلفاه جدعت راس الفارس وراس فرسه لكن حنا نسينا انا نقطع بيت الذويبي تقطيع خذيناه ونزلنا فيه قدام عيون حرب مايبني البيوت الا اللي يحميها يالحريبي خل الكلام المزيف وهروج مرتزقة النت عنك الفرق بينا وبينكم واضح وشجاب الثرا للثريا

اختم قولي بابيات لسلاح عتابه الله يحفظه ويطول بعمره يوم قال:

الفرق واضح لاتقول متساوين

ومصادر التاريخ منها ارتوانا

وان ازعلكم التاريخ نكون راضين

ويصبح زعلكم شعبة من رضانا