تحيه عطره
وأسعد الله جميع اوقاتكم بكل خير
هذه تغطية لحفل الشيخ/ ضاوي ابو كتيفه وجماعته العمريه
أقيم الحفل يوم الخميس ليلة الجمعة 27/12/1429هـ الموافق 25/12/2008م وذلك في قصر الإمبراطورة في الطائف لتكريم الشيوخ (الرباعين).
كان حفلاً أسطورياً بكل ما تعنيه الكلمه ، حيث أمتلئت ارجاء قصر الإمبراطوره بالحضور الذي يزيد عددهم عن الـ (1000) شخص
انذهل الجميع من روعه التنظيم وحفاوة الأستقبال التي كانت واضحة على محياء الجميع
فـ لله دركم يا آلاد عاصم
حضر الحفل عدد كبير جداً من ابناء قبيلة العصمه ومن ابناء قبيلة عتيبه ومن ابناء القبائل المجاورة في الطائف وكذلك شخصيات كبيرة من محافظة الطائف وعدد من الضباط ورجال الأعمال.
وقد حضر الحفل من قبيلة العصمة:
الشيوخ (العقايله) وعلى رأسهم:
الشيخ/ ذعار بن ناصر العقيلي امير مركز ام سريحه
الشيخ/ خالد بن محمد العقيلي امير مركز البدائع
الشيخ/ محمد بن ماجد العقيلي
الشيخ/ محمد بن عساف العقيلي
الشيخ/ عبدالله بن ماجد العقيلي
الشيخ/ تركي بن ذعار العقيلي
الشيخ/ فهد بن ماجد العقيلي
الشيخ/ ناصر بن ذعار العقيلي
ومن شيوخ وكبار خوامس العصمه حضر كل من:
الشيخ/ عيد بن عوض الوباري "شيخ الشجاعين والعصمه بوادي جليل"
الشيخ/ عبدالله بن حماد العصيمي
الشيخ/ حمود بن خيشوم "شيخ النباعين"
الشيخ/ نقاء بن خيشوم
الشيخ/ جزاء بن خيشوم
الشاعر الكبير اسد النباعين/ عبدالله بن دخيل الله بن دهيران
الشاعر الكبير/ ناصر بن منصور الوباري
الشيخ/ عبدالله بن مرزوق ابو سته البخيتاني العصيمي
الشيخ/ ماجد بن محمد بن دهيم
الشيخ/ سعد بن محمد بن دهيم
الشيخ/ عبدالله بن حسن بن مرزن "وجماعته"
وعدد كبير جداً من أعيان وأبناء قبيلة العصمة لا تحضرني اسمائهم جميعاً.
وقد حضر من ابناء قبيلة عتيبه
أبناء الشيخ/ ساير بن عنيبر الجعيد "شيخ شمل الجعده من عتيبه" وجماعتهم.
الشيخ/ عثمان بن حربي الثبيتي "وجماعته".
شاعر الهيلا/ محمد بن سعيد الذويبي
عدد من أعيان وكبار قبيلة القثمة
عدد من أعيان وكبار قبيلة الذيبه.
وعدد كبير من المشائخ والأعيان والشعراء اللذين لا تحضرني اسمائهم حالياً.
كان بداية الحفل آيات من القرآن الكريم
ثم بعدها القى الشيخ/ منصور بن ضاوي أبو كتيفه كلمة نيابة عن الشيخ/ ضاوي بن زيد ابو كتيفه شيخ العمريه من العصمه
بعد ذلك توالت القصائد المنبريه حيث من الصعب ترتيبها لكثرة الشعراء في تلك الليلة الرائعه
وسوف أقوم بطرحها كما يلي
قصيدة الشيخ/ عيد بن عوض الوباري "شيخ الشجاعين والعصمه في وادي جليل"
يا مرحبا ستين في سد ستين = واعداد همال المطر من سماها
بشيوخ روق مرجحين الموازين = وبالاد روق اللي يذري ذراها
وذخر العقيلي يالصقور الشياهين = ما تنبت الحبة يقع من ذراها
في حلة للجود في العسر واللين = ما تكرة الخاطر ليا ما نصاها
خطوة عزيزة من رجال عزيزين = وخطوة عزيزة نشكر اللي خطاها
ويا مرحبا يا ضيوف عند المضيفين = آلاد عامر حلل الله غذاها
قوم على درب المكارم مقيمين = دلال تبهر والشحم من وراها
في ظل أبو متعب كعام المعادين = الزمرة اللي خيب الله رجاها
وسلمت يا وجه السعد للسعيدين = في دولة ما أحد وصل مستواها
وصلوا على المبعوث للناس بالدين = بعد ظلام الجهل نور دجاها
قصيدة الشاعر الكبير/ محمد بن سعيد الذويبي (شاعر الهيلا)
يالليل كم من ليل عندي تساوي = ارتاح لك واملي عليك الأناشيد
ما تدري أني فيك يا ليل هاوي = هاوي مقابلة الشيوخ الأماجيد
أولاد مسلط مخلفين الهقاوي = شيوخ روق مروضين الصناديد
أحفاد ثابت مشبعه كل طاوي = في حزةٍ فيها البطارا ملابيد
فاهل الشهامة ما تضيع الرجاوي = الله يحقق للجميع المقاصيد
روس الرجال اللي تصل للحراوي = امدح واردد فيهم المدح ترديد
يحثني شوقي لكني حياوي = عند مدحكم يا متعبين الحواسيد
لاكنني في ملتقاكم شفاوي = والليلة أجمل عيد من ليلة العيد
يامرحبا بضايفة الشيخ ضاوي = ضاوي سليل المجد ذخر الأجاويد
راع الكرم والطيب اصيل العزاوي = من لابةٍ ما يخلفون المواعيد
شم الأنوف امبهرين القهاوي = للضيف في شهب السنين الجراهيد
اولاد عاصم يوم رد البراوي = ما همهم مال للغضب من عناقيد
ستر القصير اللي بلته البلاوي = روس الرجال امخضبين المهانيد
ضاوي حكيم الراي زبن الجلاوي = يستاهل التقدير والمدح ابن زيد
شيخٍ ولد شيخٍ صعد للعلاوي = مع روس ربعه طيبين الأواليد
واليوم جينا من جميع النحاوي = ذولا محادير وذولا مسانيد
ضيفان زيزومٍ لجاره غطاوي = والضيف يفرش له جديد السجاجيد
ياللي تحب الطيب للطيب ناوي = آرد على عدٍ عذب المواريد
سجل كلامي يا بعيد الخطاوي = وفند مقاصيدي على الصدق تفنيد
ولا انت يا ضيف العزيز الفلاوي = تلقى الكرم والطيب معنا وتأكيد
في مجلسٍ محضور عن كل غاوي = واهله بعيد عن الردى والمناقيد
زبن الدخيل مربحة كل شاوي = عضوا على حفظ الشرف بنواجيد
بيض الوجيه مرجحين الدعاوي = بنحور اهاليها بشتا المراصيد
قلته وانا ماني على النقد قاوي = يارب جردني من النقد تجريد
لو أني ابن أحميد ولا العطاوي = خلدت شعري مع هل العرف تخليد
لكن يكفيني من الناس راوي = يروي شعر راكان وامثال ابو زيد
مع قهوة شقرا وتمرٍ حساوي = ما قدموها للخبول الرعاديد
يا مرحبا ترحيب مزنٍ رهاوي = ما بين طياته بروق ورواعيد
تمطر على البر الفسيح الخلاوي = ما عاش فيه الا الصقور المهاديد
يحرص سماها كل حرٍ نداوي = والأرض وحدها بالاسلام توحيد
عاشت بلادي بالعدل والتساوي = وعاش ابو متعب واومرانا الأماجيد
في موطن العز الرفيع السماوي = من شيد واساسه على العز تشييد
وشعبٍ شرب دم السباع الشلاوي = دون الوطن قوه واخوه وتشديد
ما حسب اصحاب السلاح النواوي = وما يضمرونه من تحدي وتهديد
شعبٍ بحكامه مع الله غناوي = بالدين والتقوى وحفظ التقاليد
في ظل توجيه الطبيب المداوي = لاغلى الملوك نجدد العهد تجديد
عهد التضامن والوفا والفلاوي = ويزيد ابو متعب وسلطان ونزيد
فعل وفاء واخلاص ماهي سناوي = وحب وشنا لله وشكرٍ وتحميد
ومن غير رب الكون يرحم وياوي = نختم بأجل أسماه ونقول ونعيد
قالوا لي أعرف من تزور وتخاوي = قلت الشرف شوفة وجيه الأجاويد
قصيدة شاعر المواقف الشاعر/ غالب بن زيد ابو كتيفه
لا اله الا الله اللي لا اله نده = جل شانه يمهل العالم ولا يهملها
الكريم اللي يمد ليا طلبنا مده = وامرنا في دبرته وارزاقنا كافلها
يا ضميري حد سيفك للمواقف حده = والحبال اللي توردك القراح افتلها
والكلام اللي يجمل يا ضميري بده = والعلوم الثانية بيبانها قفلها
الدرر من دونها جزر المحيط ومده = والصعاب اللي تهوشك دونها ذللها
واترك اللي عن لزوم الربع فيهم صده = والوجيه اللي تبشر بالسعد قابلها
احتزم للماقف الغصاب وانته قده = المواقف دين وانته ما خلقت الا الها
خابر طيرك يصيد الجزل يوم تهده = كل ما حول على الشرد يجيب اجزلها
والجبل والعالم اللي تتقي في سده = ورنيها لين اشوف وجيهها وازهلها
كل رجل من ثيابه يلبس اللي قده = لا يقصرها عن السنه ولا يسبلها
كان قصرها يجي للناس فيها لده = وكان طولها رثع فيها ولا جملها
والرجل ما ينفعه ما سوا ابوه وجده = كان ما تفعل يمينه فعل يعدّ الها
ذعذع الغربي وطيب العود ذعذع نده = والتحيه كل طلق حجاج يستاهلها
باسم قيف نعتزي به كل ما جا ضده = مرحبا ترحيبة ما ينطفي مشعلها
باسم قطمان المحازم طيبين المده = ربعي اللي تنطح القالات وتكملها
عزوتي يوم ان كلٍ يفتخر في بده = تفتخر بي وافتخر يوم اني امثلها
افتخر ويشوش راسي لين ياصل حده = كل ما اشوف القبيلة قايم محفلها
هذي جسور التواصل بيننا ممتده = يا عسى الرحمن ياصل كل من ياصلها
يا ركون عتيبه اللي بالفخر مشتده = يا عناوين المكارم كلها باكملها
يا ركون عتيبه اللي كل ريع تسده = فأول الدنيا وحاضرها وفي مقبلها
يا عتيبه ياهل الوقفات واهل الرده = يوم ساحات المعارك يشتغل معولها
ندحم الجمع الكبير ليا وقفنا ضده = والكبار من الهقاوي عزمنا ياصلها
عزمنا يوم السنين وجيهها مسوده = يضرب وجيه السنين العوج ويعدلها
كم عقيدٍ بالجموع يحدنا ونحده = لين قررها معزي واعتدل مايلها
يوم كل في هذاك الوقت شده شده = وقفة عتيبه مع ابن سعود من يجهلها
ايه ناصرناه نصرٍ كل رجل يعده = من بداية رحلته لين اكتمل جدولها
يا ابو متعب يا ملكنا فالرخا والشده = لك ولانا والسمع وكفوفك نقبلها
كلنا دون الوطن نار وعتاد وعده = دارنا تخسى يدين الغدر ما تاصلها
وابو خالد جعل ربي للبلاد يرده = من ثياب العافية ضافيٍ عليه اجملها
ابو خالد جعل عين ما تفيض بوده = ما يفارقها سهرها والرمد يكحلها
قصيدة أسد النباعين الشاعر/ عبدالله بن دخيل الله بن دهيران
مرحبا عداد ما هب ذاري كل نود = مرحبا في حلة اللي تميز بالوفاء
ضاوي اللي من على جده الاول يجود = شيخ ربعه لا دعانا نلبي للنداء
طبعنا عند المواقف عن الهقوه نزود = باللوازم للقبيلة نجي في المبتداء
يا رباعين السعد يا فهود من فهود = سجل التاريخ عنكم حروف وسطراء
انتم الماضي وحاضر ودمتوا فالوجود = اسمكم من فعلكم ذاع صيته واعتلاء
وانتم اللي ون بلونا مبيحت السدود = نذكر فعول الرباعين في رد البراء
ون رجعت لذكر ربعي ما عاد ابا شهود = عزوتي آلاد عاصم كعام للعداء
عزوتن لا جاء المزابا وعود براس عود = خصمهم لا شافهم ايتراجع ويهباء
عادة للآد عاصم عريبين الجدود = رجلهم في ماقفه لو يطول ابه المداء
والعقيلي شيخنا عادته يرقى سنود = شيخنا ومقدرينه لنا درع وذراء
ويا عتيبه يا جنود الإمام ابن سعود = انتم اللي تحت رأيه واخذ منكم ولاء
عادة العتبان عند المهمات الصمود = لا دعاء الداعي حضرنا جنود وعقداء
وادعوا الله يحفظ اللي عن الدولة يذود = ساهر ما نام لا رقدوا كل الملاء
الملك عبدالله اللي على شعبه ودود = عاش ابو متعب ملكنا وحنا له فداء
قصيدة الشاعر الكبير/ ناصر بن منصور الوباري العصيمي
سلام الله عليكم يا رفيعين القدر والشان = سلام المسلم اللي ملته مله حنيفيه
هلا بضيوف شيخ جزل ريف الجار والضيفان = بشوش الوجه ابو منصور شيخ يشعل الضيه
أهلي في حلال ابو كتيفه قايد الظفران = حلال الشيخ ضاوي جعلها بالعز مكسيه
أمون وماقفي يوجب علي وللقاء طربان = أهلي في حلال آلاد عامر مني وفيه
هلا يا مرحبا بضيوفنا وبربعنا العتبان = ومن كل القبايل كل جمعتنا سعودية
يسلينا ويفرحنا التجمع والعباد أخوان = على سبل التأخي والمنازل والخصوصية
هلا بشيوخ روق مروضين العاصي الغلطان = تراحيب المطر بالصدوق معنيه ومنقيه
يدوم الأمن في دار الأمان وتسعد العربان = ما دام الأرض بالشرع ونظام الحكم مرعيه
وعسى الله يحفظ آل سعود مرسين عرى الإيمان = ملوك عزنا من عزهم في أرض السعوديه
وصلاة الله وتسليمه على سيد ولد عدنان = عدد ما هل وبل الغيث في الارض السناويه
قصيدة الشاعر المعروف/ عبدالله بن حسن بن مرزن
باسم الرجال مسجلين العناوين = اللي على الطالات محدٍ قدرها
يوم المعارك يذبحون الشجيعين = ليا ثور الدخان داسو خطرها
يا مرحبا ترحيبةٍ يالرباعين = عيال الشيوخ اللي ينومس سطرها
عيال الرجال مرجحين الموازين = دقلاتهم في الحرب كلٍ ذكرها
برقا وروق مطوعين السلاطين = يوم التطاحن محتمين بشرها
يوم انتحوا للشرق مثل الشياهين = نجد العذيه قبلهم من وطرها
عن دربهم راحوا مياسير ويمين = من خيفت اللي قادها من بحرها
عتيبه الهيلا على السعر واللين = طريحهم كسيرته ما جبرها
كم راس شيخٍ طار وسط الميادين = من ضربت الشلفاء وسيفٍ صبرها
عبدالعزيز اللي رفع راية الدين = الله يرفع رايته ويعمرها
في جنة الفردوس جار النبيين = حكّم كتاب الله وأشرق بصرها
وفي حكم ابو متعب جنودٍ مطيعين = ارواحنا تفديه ما نعتذرها
وصلوا على المختار في خير تكوين = اللي حملها للعباد ونشرها
قصيدة الشاعر المبدع/ محمد بن بركي الوباري
يامرحبا ترحيبة جالها باب=من باب ود ولا وراها طلايب
الماقف الغصاب ماعنه مجناب=مالي عن دروب الرفاقه جنايب
اقدم علي المنبرولاني بهياب=ماجيب غير الي علي النور صايب
للخيل ركابه وللنار شباب=وانا لي الثنتين طيب وغصايب
اخذت لي من صافي العد مشراب=عد مايارد مشربه كل خايب
حشمة رجلا فيهم الظن ما خاب =اصخر ضروفي واتحدي الصعايب
البيت مبني واله عمدان واطناب=دونه ولد مطنوخ وعزوم شايب
عمرية فيها من الطيب ما طاب=غر الوجيه اهل الصدور الرحايب
حلة بني عاصم عريبين الانساب=اهل القنا واهل الرمك والنجايب
برماحهم ياما ثنو كل حراب=فوق المهار ملاعبات السبايب
الروح دون الحد في كف جلاب=من دونها سيقت خيار الجلايب
الحق يوخذ عمد من كل طلاب=يطيب له ولا علي غير طايب
القوه العظمي علي كل الاقطاب=يوم المزارق وازرق الحبر ذايب
لعل نورك يا ابيض الوجه ماغاب=مضراب سيفك في النحر والترايب
تكحل بك عيون وتثنا بك رقاب=زيزوم حرب وللمعادي عقايب
تهوم للعليا وللمجد كساب=كسايبا ياحيها من كسايب
تنشر لك البيضا علي كل مرقاب=حرا مواكيرك بروس الرقايب
هدت حرار وقو سطوه ومخلاب=منها جموع القوم راحت هرايب
من دون ربعك ستر وضلال وحجاب=ميقاف عز ولا لحقنا غلايب
يشهد علي ما اقول عتبان واجناب=ويشهد علي ما اقلت حاضر وغايب
مفراص ماس وتقلع الضرس والناب=خمسة عشر عام وجمي القوم عايب
ماقلتها من غير تبرير واسباب= عيبا علي الرجال ترك الوجايب
في حلة تطربها عكف الاشناب=اهل الاشده متعبين الركايب
كيف يساق وعودا ازرق وترحاب=وحشو(ن) علي ضهور الصواني غرايب
ويامرحبا ترحيبة جا لها باب=من باب ود ولا وراها طلايب
قصيدة الشاعر المميز/ محمد بن فنيس الحلحلي
سلام الله على الحله واهاليها ومن جاها = سلام فيه حبة روس حب جباه حب خشوم
نحب الروس بطيب انفوس والناموس يزهاها = اجاهر في مبحتها ولا لايم ولا مليوم
جمعنا الله على كرمه ويسلم من تبناها = كرامة طيب لاهل الطيب حاضرها وانا معزوم
حضرنا ما تعذرنا بطيب الوجه والجاها = وشاركنا وباركنا والنا دل والنا سلوم
سلوم طيبه كل من الامة تمناها = سلوم عتيبه الهيلا ليا جاء في العلوم علوم
سلوم جدودنا واحفادها تمشي بممشاها = ونعمرها ما ندمرها يالين القيامه تدوم
سلوم بيض وجيه بيض نقدمها ونلقاها = سلوم النا قديمة قبل وقت الفرس قبل الروم
عتيبه طاله وقاله من اولها ليا اتلاها = اهل فزعه واهل جزعه قروم من عيال قروم
ذبح حايل لطم عايل سوايا ما احد سواها = لكن اقول سواها عتيبي قوي عزوم
دخيل وجيهنا يامن سنه وشهرين بحماها = عليه الله وامان الله ينوم ويهتني بالنوم
كرمنا يشبعه واعدودنا نرويه من ماها = ولو يبطي ولو يخطي تراه مقدر ومحشوم
نشوف النايفات من الرواسي وانتعلاها = منازلنا رفيعه ما نزل فيها عيال البوم
تجمعنا بنينا امجادنا ثم زان مبناها = بنيناها بفرك وعرك طعن رماح زرق سهوم
وقفنا صفوف جنب صفوف كن عيني تحلاها = رياجيل حلاحيل مشاكيل تضد القوم
عزاتي كلها برقا وروق وفعلها اغلاها = وانا منها عصيمي وشجعاني بعيد الحوم
بدون قصور في كل القبايل واعرف اسماها = واعرف فعولها لكن احد معطى واحد محروم
سنين غبر ولت والسنين الخضر ما احلاها = عبدنا الله حمدنا الله وكملنا صلاه وصوم
سنين ايامها وليالها يضحك محياها = بحكم اخوان نوره حكم عدل وينصف المظلوم
وحنا ملوكنا واوطانا بالروح نفداها = عطيناهم عهد ونجدده في كل ليل ويوم
وابا اختمها بذكر الله خلق خلقه ومولاها = وابا اصلي على محمد رسول عن الخطا معصوم
قصيدة الشاعر المبدع الشاب/ زيد بن غالب ابو كتيفه
بسم الذي كون الاكوان واوجدها=ابدا واحرر خيال الفكر من قيده
ياهاجس الشعر قافلة الشعر قدها=قدها ما فيها ضعيفة حيل وزهيده
جار النجوم المطله في توقدها=من راد له شي يتعب للي يريده
الشعر ورث ٍ لنا والناس تكّدها=من ماضي الوقت ما تنضب مواريده
واللي سواتك مواريثه يجددها=فيه الهقاوي تصير كبار وبعيده
وابكار الافكار ما قد صار مولدها=الا براس ٍ يحكم البيت ويجيده
حر ٍ عيونه على نادر شرايدها=ولا يدسم يمينه غير من صيده
سهم ٍ لامن المواقف حان موعدها=يصيب ويسد عين الحسد تسديده
ياهاجس الشعر نار الجزله اوقدها=زيد الجزل بالجزل لاهل الجزل زيده
خله يشيب سناها عين ناقدها=من ينقد النور ما تقبل مناقيده
والليله النور ظلما الليل بددها=والقلب شوف الوجيه النيره عيده
وكتايب الطيب جاك الطيب حاشدها=لاجل الوفا نازح الدار قطعت بيده
يامرحبا عد ما نادت مساجدها=يا مرحبا واثني الترحيب واعيده
يامرحبا باسم قوم ٍ عاش قاصدها=الاد عاصم عمى العايل واضاديده
قوم ٍ جزال العوايد من عوايدها=لامدت المد ما تلحق تماديده
تندا يداها ولا تقصر سواعدها=والعرف هم ساس تصديره وتوريده
اهل المحازم ليل اشتدت شدايدها=والكون تغشى السما الدنيا عباريده
تهيب القوم وتبدد بدايدها=وتعود بالنصر لا هابوا رعاديده
أي والله افخر وامور الفخر اعددها=والبيت من دون ساس يعيب تشييده
لكن مادام اني لربعي مسندها=الفخر لاعلى القمم تسهل مسانيده
ذولا معازيبكم ربعي وامجدها=ولا هان من يستحق بحق تمجيده
يامرحبا اقولها صادق وارددها=يا مرحبا واخزي الشيطان واكيده
بضيوفنا اللي عسى الرحمن يسعدها=حل السعد والسعد نرقب مواعيده
ولشيوخنا اللي تروم المجد نوردها=اركان بيت الفخر واقوى عواميده
ياشيوخ برقا و روق ويا سنايدها=ياقادة الجمع و سلالة صناديده
جمع ٍ مواريد عد الطيب ناردها=والطيب يتعب ردي العزم ويكيده
وان صاح فينا الخوي كبده نبردها=ضد ٍ لضده واجاويد ٍ لاجاويده
وليا بطشنا يا ويل اللي تكبدها=ياقو جرحه والا ياعسر تضميده
قبيلة ما حد ٍ يقوى مجاهدها=الخصم تخلف هقاويه ومقاصيده
كم سربة ٍ من منازلها تشددها=وترسي مثل شامخ ٍ ينلاذ في حيده
حتى لو الوقت قاساها وعاندها=تطلق مقاييده وتنصر مضاهيده
هذا وانا غاية المدح متباعدها=والفعل تعجز بيوت الشعر تحديده
شعارها قبلنا شابت قصايدها=يعد ويضيع الشاعر تعاديده
واليوم في نعمة ٍ لاعاش جاحدها=وهذا زمنا وكل يظهره جيده
المعرفه من رجال العرف نرصدها=والرجل يحفظ مباديه وتقاليده
وقوة صلتنا تجمعنا يجسدها=والدم حامي ولا نقبل بتبريده
هذي عتيبه وهذي هي شواهدها=اسم على هامة التاريخ تخليده
قبيلة عزها من عز قايدها=خادم بيوت الله ببذله وتشييده
الحال والمال من دونه نجندها=له فوق صدق الولا نصره وتاييده
ويا مرحبا عدّ مانادت مساجدها=يامرحبا واثني الترحيب واعيده
وللمعلومية هناك قصائد كثيرة لبعض الشعراء لم تكن مكتوبه ولذلك لم نتمكن من الحصول عليها، ولكن سوف نقوم بإدراجها لاحقاً عند الحصول على شريط الحفل.
صور من الحفل
تــــــابـــــع
« آخـــر الـــمـــشـــاركــــات »
28-Dec-2008, 06:41 PM
::: تغطية حفل الشيخ/ ضاوي ابو كتيفه وجماعته العمريه للشيوخ الرباعين :::
العرض العادي
