يـــــالربع الله يرضى لي عليكم

[شيخ العصمة]

بسم الله الرحمن الرحيم

السلام عليكم ..


ملاحظة من خلال تجولي في (( مجلس عتيبة )) وهو منتدانا الغالي ..

يالربع عتيبة معروف عنها انها ماتبخص حق احد ولاتنتقص من احد ..

انا اشوف ان الاخوان الله يجزاهم بالخير ويرضى لي عليهم لما يردون على موضوع خاصة عن شاعر المليون يكون فيه تجريح واستهزاء وسخرية ..

انتم بتقولون مظلومين اللجنه فيها ومافيها .. فلان وفلان فيهم ومايخطيهم

انا معكم صحيح لكن .. والي يرحم شيبانكم مالها داعي يدخل احد غريب منتدانا ويشوف الاعضاء وردودهم ..

ماحنا الي ندور زلات غيرنا ..

وبعدين ماحنا بكاملين يالربع يوم نجي ونستهزي في فلان وعلان


الي يمدح يمدح والي يشحذ يشحذ .. ماعلينا من احد

تكفون يالابتي يالابتي لاتخلون لاحد علينا درب ..

يامعصب راسي والي يرحم شيبانكم مانبي احد يمسك علينا ممسك ..


وتراء الموضوع كتبته بلخبطة ومن دون تجميع افكار والله من حبي لكم

شيخ العصمة

[محب الهيلا]

والله انك صادق لكن ياخوي من القهر اللي نونسه

كل حلقه يحطون عتيبي تحت التصويت حتى لو انه احسن الشعراء

[شيخ العصمة]

انا معك كلنا ننقهر وكلنا تاخذنا الحمياء وانا اخوك بس ليه مانكون حنا افضل في تعاملنا وحسن اسلوبنا ..

[مشعل الحمراني]

جعل عمرك طويل ياشيخ العصمه
لكن هذا البرنامج يستفز الاخوان
وانا منهم
وكلمة الحق ماحد يزعل منها
على سبيل المثال تركي المريخي نصير المراءه
من وين طلع ناقد واستأذ
حتى جمله مفيده مايقدر يطلعها
بس يخربط على الشاشه
ويمدح خلق الله
مايستحي على وجهه ويتذكر انه يمثل دوله وقبيله
والا الثاني يقول انه تمـــــــــــيمي والحميه تمشي بدمي
مانبي نقول وش اصله السعيد الحقيقي

والقـــــــــــائمه تطــــــــــــــول

[بن سقيّان التوم]

كلام عاقل وحكيم اخوي شيخ العصمه
مشكور جداً جداً

[محب الهيلا]

الله يوفقك دنيا واخره

على النصيحه

[ابو عطا]

لانهم البرنامج كل شوي وطالع لنا واحد ان هالبرنامج يخدم الشعر.

ويمدحون صاحب الفكرة .

وللاسف صاحب الفكرة همة الفلووووووووس .

ليش النفاق واستغلال الحمياااااااااااااااااااااا .

[محمد العتيبي]

الحمدلله
جميع رواد المنتدى ملتزمين بالادب وحسن الخلق
ولا يقومون بسب احد من القبائل وتجريح القبائل فجميع القبائل
لهم عندنا حب وتقدير ولله الحمد ولاينتقصون احد ..
فيا اخي الكريم ان حصل تجريح للجنة شاعر المليون فهم يستحقونها
بذاتهم وشخصياتهم وليس قبائلهم وعوائلهم ..
لان مايقومون به من فعل متعمد لشعراء قبيلة عتيبه ليس بالامر البسيط
الذي يدعنا نسكت عنه ونتغاضى بل نذكر اغلاطهم الشنيعه لكي يعلم
بها من لا يعلم ..
..
فكن على يقين بان مرتادي منتدى قبيلة عتيبه من اصغرهم الى اكبرهم
لايرضون بالاهانه او الانتقاص لاي قبيلة كانت ..
..

اشكرك على هذه النصائح واسال الله ان يبارك فيك يالغالي
وان يجزاك عنا كل خير .. على اجتهادك بالتذكير الطيب ..
فان دل فانما يدل على التزامك بقول الله تعالى (( فذكر إن الذكرى تنفع
المؤمنين ))

التوقيع

للتواصل عبر twitter تويتر al_bargawy@

[شيخ العصمة]

انا ادري يالربع ان الكــل منقهر من هالي يصير داخل البرنامج ..

البــرنامج عرف شلون يجذب الناس بطريقة يستنزف فيها اموالهم ويثير النعاره القبلية ..

لكــن مفروض نكون ارفع عنهم ولاننزل لمستويات جاهليه ..