جديد الشاعر : بجـاد أبوديه .

[بجاد ابوديه]

البارحه واللي بعد قبلها كان = لي خاطرٍ بين النديم و ندِّيمه
الصاحبيِّن اللي على شكل خلان = الطيبيِّن ليا دعوا للوليمه
الناصحيِّن لبعضهم بعض الأحيان = في غير دعوىَ للثناء و الغنيمه
وجهانّ وجهٍ يملكه قدر وإحسان = والوجه الآخر له سماتٍ ذميمه
وجهٍ تشوف بِه السخاء شوف الاعيان = وجهٍ على متنه تموت اليتميه
هي حاجةٍ وحده لها قلب واللسان = وعلى الضعيِّف لو ملكها عظيمه
قَد لا تكون وقد تكون أصل وأركان = ويمكن تشيّخ وفوق علياء وريِّمه
قبل يتقسم كامل الرأي لأثنان = بين الحلال وبين مثل الجريمه
واحد يقول العلم لو زان لك شان = وأنته وانا مثل الزعيم وزعيمه
والثاني المقهور من سيف راكان = وضعه ضعيف و مُرغماً بـ الهزيمَه
يالأدمى مايلحق الراس حقران = راسٍ هدم بيداّه بيت الظليمه
حطّم مقامه وانتهى منه و إنهان = وانصَك باب مروجين النميمه
ناسٍ تدس السم في صحن الاخوان = لولا الردى مالا الرديّين قيمه
ياقيمة النقصان وحده وثنتان = منتي لوافين الرياجيل شيمه
واللي يقول الناس بُنيه وسيسان = ميراث جدٍ عن جدودٍ مُقيمه
معادنٍ متجانسه وزن و أثمان = كانت كذا مُمكن سنينن قديمه
لطيّب عشاقه ولأشيّن قشران = كلٍ عطى وادي غرامه يهيمه
كم شفتلك من واحد شهَم وإحصان = راعي مقام وله صفاتٍ وسيمه
البيَّنه والخافيّه للونها ثان = ماتظهر الاّ ياصل العلم تَيَمه
يضفي عليها مشلحه لجل ماتبان = في مذهبه سلعة خصيم لخصيمه
كم واحدٍ من نظرتك فيه غلطان = عجٍ قفى دربه من الغيث ديّمه
وأخضر جناب القاع و القاع ظميان = ولولاك يالماء ماتجدد هشيمه
حنّا نرام المجد من غير نقصان = في غيرنا ويدينا به كريمه
نسمو عن الهين ليا شانّ مازان = الله عطانا علو شان و عزيمه
شاره تحقق حق في كل ميدان = تبني على رؤس الطويلات خيمه
في مُعتلى روسٍ عليات وأزيان = روسٍ تحيط بها الجبال الطميمه
وعلى بعيد الدار مانيب بلشانّ = كم لليلةٍ فيها قطعت الخريمه
خليت ابو مُره ومُره ومَران = يموت وقته طايحٍ مع حريّمه
والاّ ترى خطوَ السنافي ليا بانّ = ماينثي طوعاً لفعلٍ يظيمه
لين يتبيّن كل شيءٍ بوكدان = أما طناخة راس والا غنيمه
هذاك والله كامل العقل : فيّحان = غيثً من المشرق يطقه نسيمه
يمطر من لحرّه الى الجو ساقانّ = برقه جلا ليّله ويرزم رزيمه
لاتحسبونه عند هاك الجوا هان = لا والله الا يحجب الشمس غيّمه
متمثنيّن نجد العذيّه والاوطانّ = وَبَلَهَ حقاقَ وُجَهته مُستقَيمَه
غاد تحت كبد السماء عدة اللوان = وبين الزراق وبين مثل العتيّمه
وصفٍ كتبته لأبيض الوجه عنوانّ = اللي على غيّره وصوفه عديمه

الشاعر : بجـاد ابوديه .

[شفاي ابن بشيّر]

الله الله

هذا الشعر اللي ليا قريته يشدك من مبداه

صح لساااااانك يا بجاد اشهد بالله انك شاعر متمكن

ويكفي هذا البيت الذي يحمل صوره قوية التعبير


وجهٍ تشوف بِه السخاء شوف الاعيان = وجـــــهٍ عــلـــى مـتــنــه تــمـــوت الـيـتـمـيــه

صح لسانك لين ترضى

[حاكم الغنامي]

الله اكبر


وأخضـر جنـاب الـقـاع و الـقـاع ظمـيـان///ولــــــولاك يــالــمـــاء مــاتــجـــدد هـشــيــمــه


وهذي خمس نجووووووووووم



صح لسانك لين ترضى يالجزل

التوقيع

سبحــــان الله وبحمدهـ hakem81@live.com

[مهنـا العتيبي]

قمه يابجاد

صح لسانك

ولله درك

[حمود بن خيشوم العصيمي]

شاعر وجزل صح لسانك وعلا شأنك يا بجاد

ولاهنت ياحاكم على التقييم

قصيده تستاهل التمييز وتروي الذائقه ويصعب الاقتباس من بيوتها لجودتها وقوتها
تحيتي

[بجاد ابوديه]

الاخ الكريم شفاوي بن بشير مرورك شرف لاهنت اخوي بيض الله وجهك

[فيصل المسعودي]

صح الله لسانك

جزالة اللفظ والمعنى

غير مستغربة منك

لا تحرمنا الجديد اللي مثل كذا يا أبو نايف

تحياتي

[حافي عسيلة]

الشاعر بجاد صح لسانك

جزالة غير مستغربة وقصيدة محبوكة

ولكن عندي استفسار .. من هو (فيحان) الوارد ذكره في القصيدة ؟


صح لسانك مرة اخرى واعتلا شانك

[بجاد ابوديه]

الاخوه الكرام : اشكركم ع مروركم ويشرفني ذلك
واثني ع كل حرف كتبتموه في سبيل الاشاده بهذه الابيات ....

اما بنسبه للاستفسار حافي عسيله عن ماهو فيحــــــــــــــــــان :
هواللواء الشيخ فيحان بن جعيلان بن مروي حفيد شيخ قبيلة الحفاه قاطبه اطال الله بعمره,,

[سقم المعادين]

مآشآء آلله يآبججآد آلله عطآك هآجوسً قلِ مآجآء عندهـ
يستآهل آللوَآء : فيححآن بنَ جعيلآن آلححآفيَ ( رئيس ممركزَ آلتدريب آلغربيَ } ، علىَ حسسب علميُ ،
مَ ززلنآ { نطلب آلجديد } يـ أبو نايف