حنّّا عتيبه وانشد الكل عنًا

[مركز المعلومات]

ياناس حنّّا من ضنا نجد عتبان=يشهد لنا التاريخ لو قلت حنّأ
حنّا فياضٍ وان قسى الوقت ضلعان=حنّا البحر مادام هالأرض منّا
حنّا الرعد حنّا زلازل وبركان=حنّا دمار الكون لو قيل عنّا
حنّا شعاع الشمس والليل خسران=حنّا الليالي لقبل(ن) ماوطنا
حنّا غديرٍ يعشقه كل ضميان=وحنّا غرامٍ والعذارى هونّأ
حنّا الكرم والطيب شايب وشبّان=حنّا عتيبه من لنا المجد غنّا
حنّأ سلاطين الجزيره إلى الأن=ماهمنا اللي بالنوايا أمتحنّا
حنّا سيوفٍ هابنا كل خوان=حنّا السنين الماضيه من بكنّا
حنّا السماء لاصار بالأرض نقصان=بهد الولي بالكون منّا وألنّأ
حنّا هينا واعرف بلا كان ماكان=حنّا هينا وهناك كنّأ وألنا
حنّا وحنّا لوبغى القوم برهان=المجد والعزه سوى أكتبنّأ
شاعر وجيت من الفخر حيل طربان=دام الطروق اللي تغنّأ لحنّا
حنّا قصيده شامخه تحت عنوان=حنّا عتيبه وانشد الكل عنّا

[بن مروي]

حنّا الكرم والطيب شايب وشبّـان=
حنّأ سلاطين الجزيـره إلـى الأن=
حنّا سيـوفٍ هابنـا كـل خـوان=

شكراَ..
للأخ المروي
على النقل الرائع
وصح لسان الشاعر
نايف صقر العتيبي

[مركز المعلومات]

صح بدنك اخوي

وشكراً على مرورك

تحياااااااااااااااااااااااااتي


المـــــــــــــــــــــــــــــروي،،،

[فواز الشيباني]

صح السان
صقر العتيبي
اخي المروي
الله بعطيك العافيه
لاخلا ولاعدم ياغالي

[مركز المعلومات]

صح بدنك ابو طلال

ومشكور على مرورك

واهتمامـــــــــــــك

والله يعطيك العافيه

تحياااااااااااااااااااااااااتي،،،

[عجاج الليل]

يا أخوان القصيده ماهي للشاعر الكبير نايف صقر .. القصيده للشاعر جابر هايف الغبيوي العتيبي من الكويت . تحياتي لكم . وإذا تبون اجيب لكم رابط القصيده من موقع الشاعر راسلوني على الخاص وابشروا.

[متيم عتيبه]

القصيده للشاعر جابر بن هايف الغبيوي

[مركز المعلومات]

الاخ عجاج مساك الله باخير

هذه القصيده للشاعر نايف صقر

وانا ناقلها من صوت الشاعر

وذكر انها نسبت لغيره للكثير من الناس

وقام بذكر هذا الكلام في كثير من امسياته

واثبت انه صاحب القصيده

تحياااااااااااااااااااااااااااااااتي،،،

[ابـن نـعـيـس]

القصيده للشاعر جابر بن هايف العتيبي

وعرفت له اما نايف صقر فهو شاعر كبير لا يحتاج الى التعريف

اما القصيده يا اخوان فهي لجابر هايف


وهذا الكلام الاكيد


تحيااااااااااااااااااااااااااااااااتي

التوقيع

[مركز المعلومات]

الاخ ابن نعيس مساء الخير

قرأت ردك ورد الاخوان

وأتفقتوا على ان القصيده للشاعر

جابر بن هايف العتيبي

وأنتم اعلم بذلك

لاكن انا سمعتها من صوت الشاعر نايف صقر وهو يذكر انها نسبت لغيره لانها لم تنتشر في الاعلام وسوف أضعها في المنتدى بصوته لكي ابرر سبب ذكري لها ونسبها لنايف صقر.
وان كنت على خطأ فأعتذر منك ومن اخواني أعضاء المنتدى.

تحيااااااااااااااااااااااااااااااااااااااااتي

اخوك المروي