مشعل الجعيد

[مشعل جويبر الجعيد]

المشاركة الأصلية كتبت بواسطة عبد الرزاق بن سعود النفيعي

بعيرنا ياقوّ باسه صابر على حمله على طول=والظاهر انّه لانواها ماظنتي شيٍ يعيقة!!!
وش ترتجي من عند ابوزيد ما دام باب الخير مقفول=لكن كانه ماتعدّل فالدرب قطعنا الوثيقة !!!

الوقت يابن سعود ميال شيٍ غريب و شي معقول=حتى رعاة البل والضين ترقص على الحان الموسيقه
الوضع ما يحتاج تفسير كلٍٍ يجيك بريق معسول=سحم الذيابه يابن الاجواد تقنب وفالقمه مويقه

تصبح على خير اخوي عبدالرزاق سعدت بمجاراتك اللي زادتني شرف

صح لسانك شاعر ولا فيك حيله

[قيس العازمي]

صحت اللسنتكم



متابع


واصلوا واصلوا

[عبد الرزاق بن سعود النفيعي]

اخوي مشعل صح لسانك ولاهنت على اللعب المشرف اللي زادني شرف

استفدت منك الكثير

اشكرك على قبول الدعوة واتاحة الفرصة

تقبل اعجابي وتقديري

تصبح على خير

[عبد الرزاق بن سعود النفيعي]

اشكر كل من مر من هنا

الله لايهينكم

وتصبحون على خير جميعا

[الكنق]

لا تسرون على سيارتآ وحدة ههههههههههههه

[قاسي العتيبي]

صحت ألسنتكم دام ابداعكم

[عبد الرزاق بن سعود النفيعي]

عبد الرزاق النفيعي

الليلة المعنى على الناس اغلى من الياقـوت واللـول=ماكـلّ غـواصٍ يجيبـة مــن غـبّـة البـحـر الغميـقـة !!!
الكلمة اللي تحرج القوم من صاحبٍ ماهوب مجهول=سـلـم القبـيـلـة ينتـقـدهـا طريـقـتـه مـاهــي طـريـقـة !!!

مشعل الجعيد

الليله المعني على ساس حث الخطا والدرب مدهول=والـلــي عـلــى خـاطــرك جـيـبـه حـتــى نولـعـهـا حـريـقـه
الجاهل اللـي يحـرج القـوم يبقـى عـن العقـال معـزول=وان حــدتــه ســــود الـلـيـالـي لابــــد مـايـشــرق بـريـقــه

عبد الرزاق النفيعي

الحبـل لامنّـا عقدنـاه ياصاحبـي ماهـوب محـلـول=مد النظر خل النظر فوق ترا دعاوينا عميقة !!!
بغـا يضويـلـة مطـمّـة مــن غـيـر لاقــوة ولا حــول=لولا تفادوها النشاما فـي ثانيـه مـدري دقيقـة !!!

مشعل الجعيد

انـــــا مــعـــك والــوعـــد قـــــدام والـســيــف لـلــعــدوان مــســلــول=ابـــــد يـــــوم ويـظــهــر الــنـــور وتـبــيــن لـلــنــاس الـحـقـيـقــه
وان كان تبغى الصدق يا فلان مانته عن الغاوين ماسول=الــخــيـــر مــانــتـــرك طــريــقـــه والـــشــــر مــانــتــبــع طــريـــقـــه

عبد الرزاق النفيعي

ليت الجمل ياصاحبي كان عن باقيات الزمل معقول=مــاراح يـرثـع يالعتـيـبـي مـــع البـعـاريـن الطلـيـقـة !!!
مـدري طنـاخـة راس والاّ مــن مـاضـي الايــام مغـلـول=والاّ يامشعل فيه علّة يونس على راسـة شقيقـة !!!

مشعل الجعيد

بعيركم ماحدٍ يلومه جـارت عليـه حمـول و حمـول=غره سرابٍ باشهب اللال يمشي ويتبع في بريقه
الله يسلط فوق ابو زيد خلى سليم العقل مهبـول=مايدري ان الوضع حساس والناس فالغبه غريقه

عبد الرزاق النفيعي

بعيـرنـا يـاقـوّ بـاسـه صـابـر عـلـى حمـلـه عـلـى طــول=والـظـاهــر انّــــه لانــواهــا مـاظـنـتـي شــــيٍ يـعـيـقــة!!!
وش ترتجي من عند ابوزيد ما دام باب الخير مقفول=لـكــن كــانــه مـاتـعــدّل فــالــدرب قـطـعـنـا الـوثـيـقـة !!!

مشعل الجعيد

الوقـت يابـن سعـود ميـال شـيٍ غريـب و شـي معقـول=حتى رعاة البل والضين ترقص على الحان الموسيقه
الوضـع مـا يحتـاج تفسيـر كـلٍٍ يجيـك بريـق معسـول=سـحـم الذيـابـه يـابـن الاجـــواد تـقـنـب وفالـقـمـه مـويـقـه