الشيخ / فيحان بن تركي

[محمد الـعـريدي]

-
-

إليكم هذه القصيدة في الشيخ / فيحان بن تركي

عندما ساهم في إعتاق رقبة الحميدي بن عبدالله العريدي ..

ومهما كتبنا في ابو نايف لن نوفيه حقه ..

-
-

قال العريدي .. يوم شاش و تغنـّـا = من طيب راسه طاب بدع التماثيل
الحمد لله جت على ما نتمنـّـا = من فضل ربي كلبوها تســـاهيل
الفال طيـّب .. والدعاوي قضـنـّـا = والطير رفرف عن سلوك المحابيل
يا طير رفرف .. و إسفهل .. وتهنّــا = جاك الفرج .. عقب السنين البهاذيل
أربع سنين ٍ من سنينك مضنّـا = لا عادها الله من سنين ٍ مهاويل
أربع سنين ٍ وأنت ياطير عنّا = من بيننا رجوى الليال المقابيل
خايف يجيك الحكم والموت منــّـا = وخايف يطول الصبر والحِكم ما قيل
أحد ٍ يبا شوفك .. و قلبه يحنـّـا = واحد ٍ يبا ذبحتك .. ويحط و يشيل
مير أشكر اللي ما يخيّـبك ظنــّا = الواحد المعبود مجري المخاييل
ثم الرجال.. اللي لها الشكر منّــا = اللي سعوا بالصلح .. نِعم الرياجيل
فيحان بن تركي زبون المجنـّـا = هو راعي الوقفات جزل المفاعيل
يوم إن جورالوقت جار وغبنـّـا = وصكات بقعا مرزمات ٍ مقابيل
من طيب راسه ما تمادى وتونـــّا = له وقفة ٍ يشهد لها كل حلحيل
له وقفة ٍ زاحت بلا الوقت عنّــا = وقفة شجاع ٍ ما عليها مداخيل
شال الحمول الكايده ماتثنـّا = ما حط دون الدرب عذر و عراقيل
وقّـّـف ابو نايف .. و فعله املنـّا = و انا اشهد إنه جمّل الفعل تجميل
كفو .. كفو .. كفو .. يوم إنه تعنــّـا = ما خابت الهقوه .. في نسل الحلاحيل
يا عنك مثله نادر ٍ في وطنّــا = اللي مثل فيحان نادر بها الجيل
يفداه منهو عن لزومه تدنـّـا = ويفداه منهو يجمع القال والقيل
واللي على ماله يدينه حدنّـا = ولعل يفدونه جموع الدعابيل
و يا شيخنا كان السنين امهلنّــا = وإن كان ربي مهّل العمر تمهيل
حنا على يمناك منـّـا و منــّا = تبشر بما يرضيك يإبن المشاكيل
حنا ولا من قلت حنا و حنا = تشهد لنا حد السيوف المصاقيل
هذا ومعروفك كبير وشملنّـا = تسلم لنا يا إبن الرجال الحلاحيل

-
-

[محمد العتيبي]

صح لسااانك يالغالي ما قصرت ..

التوقيع

للتواصل عبر twitter تويتر al_bargawy@

[فهد مطلق العتيبي]

بيض الله وجهك ويستاهل الشيخ فيحان ابن تركي

[فايز بن سرحان الثبيتي]

قال العريدي .. يوم شـاش و تغنّـا
من طيب راسه طاب بدع التماثيـل
الحمد لله جـت علـى مـا نتمنّـا
من فضل ربـي كلبوهـا تساهيـل


الله الله

محمد العريدي


بيض الله وجهك شعر يستحق الاشاده


والله انك مبدع



...
..
.

وجزا الله الشيخ فيحان بن تركي خير الجزاء


تحيتي لك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فواز علي الروقي]

صح لسانك لاهنت على ماقلت تقبل تحياتي

[الــــوافـــي]

صح لسانك والشيخ فيحان بن تركي يستاهل كل علمن طيب

[محمد الـعـريدي]

محمد العتيبي ..

لاهنت على مرورك لاهنت

[مرزوق حمدان العتيبي]

..
.
صح لسانك ..

وبيض الله وجهك


و الشيخ فيحان ابن تركي كفو والله يبيض وجهه.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد الـعـريدي]

المشاركة الأصلية كتبت بواسطة فهد مطلق العتيبي

بيض الله وجهك ويستاهل الشيخ فيحان ابن تركي

فهد العتيبي ..

وجهك ابيض .. ولاهنت على مرورك