في أهداء حصري من الشاعروالإعلامي عبدالله بن غصاب لرابطة فزاع الأدبية والذي سيشرفنا خلال الأيام القادمة بالأنضمام الى القسم الأدبي
نقدم لكم قصيدة الشاعر / مانع بن شلحاط التي وجهها الى الشاعر / عبدالله بن غصاب
والرد من ابن غصاب على قصيدة بن شلحاط
قصيدة بن شلحاط الموجهه لبن غصاب
ياردي حظ المبدع الشمراني=ياطيب راسه بس ردي بخوته
لاشفت جوده قلت ذا ملياني= وهو يادوبه بس يلقى قوته
ومن النعم وثيابها عرياني=واما الوفاء يلبس خيار بشوته
ومن الذبايح حده السوداني=راعي البقاله يطرده بنوته
وبالمصبغه ياقفله السيلاني=والددسن افضحته بصوت الشوته
شكمانها يطرب له الدياني=يقول هذا موتره ذا صوته
العامري في ملبسه بطراني=زين الخلاخل والبلا في كوته
من معرض ابن سعيد للقحطاني=قدله سنه ولاشراله توته
للموزين وسايقه لفغاني=نص المعاش وهاتفه وكروته
مبكا ال عامر وضعه وبكاني=ليت الباشوتي يرجع الباشوته
يرجع لشمران العريقه ثاني=ويلوذ بأمجاد البلد وبيوته
لأن الجنوبي في البحر قوماني=وش عرفه لعقيره وتاروته
يعيش ابن غصاب بالمجاني=مع عزوته في بلاده وفخبوته
ياوين اباالفزعات من شمراني=ينتشل ابن غصاب قبل يفوته
والرد الملغم من عبدالله بن غصاب الشمراني
استغفر الله والعن الشيطاني = جتني هواجيس الغلط مفلوته
اللي عطاك الله وانا ماعطاني = وان كنت شامت فاسمك الشاموته
لكن ابى اعدل كلام الساني = فيك الصفات الطيبه منعوته
اليامدحته فاضعف الايماني = راعي مواقف بالوفا مثبوته
نفسي عفيفه مارضت بالداني = ودايم سيوفي باللقا مصلوته
بس الوعد في ساحة الميداني = والله لتنعي نفسك المبهوته
الملك سر بخاتم اسليماني = ماهو بخاتم سيرته ممقوته
صقور نجد اترفرف الجنحاني = ياللي جناحين السعد مبتوته
حصلت صدقاني كثر عدواني = وكلن على قده يخيط ابشوته
وش فايدة شجره بدون اغصاني = واتشوف كل اوراقها محتوته
يامكثر الاشكال والالواني = ياكنترول الشعر ياريموته
اخذ الخبر ياشاعر العجماني = حان الخطر والساعه الموقوته
من يوم ضاع الوزن والميزاني=اخير هرج الرجل ولا اسكوته
واقولها غصب ن على الزعلاني = واللي يجي وسط الطريق انشوته
« آخـــر الـــمـــشـــاركــــات »
17-Apr-2012, 01:10 AM
مانع بن شلحاط يوجه قصيدة لعبدالله بن غصاب والرد ناري (الموضوع الاصلي)
العرض العادي
