شوفو الخواجه وشهو كاتبن عنكم (صــــورة)

[سيف العضيان]

سلام علاكم ياعتابة
لقيت هالخرطة قديمة جدا لاحد الخواجات(المستشرقين) حاطها في كتابة
خريطة القبائل العربية
ماشالله ياعتابة بالعين نص الجزيرة العربية من قديم من مكة الى الرياض كل ضلع وكل قشعة في حيدها خيمة عتيبي|165|
كلمة عتيبة ممغوطة|165| واخذتن معها كلمة نجد بالراحة والقبايل الاخرى لازم تحط معدسة مكبرة |165| عشان تشوف اسم القبيلة وحدودها
ربعي عتابة من العارض ليا الحر|191| |191| ة سقم المعادي لاجا العلم مردودي
هذي هي الخريطة
<<<<ملاحظة كلمة many section تعني (اقسام كثيرةاو /فروع متعددة )
.
.
.
.

.
.
.
.
.
.

[سيف العضيان]

حتى الخواجة من قديم يعرفون نجد وبعضهم لهالحين مايفرق بين نجد والربع الخالي

[! محتميها !]

تحيه عطره


سيف العضيان


الله يعطيك العافيه يالغالي


بصراحه صوره لا تحتاج الى تعليق


ونجد معرووفين اهله اللي اخذووه بالسيف الاملح غصب عن الجميع


حتى الخواجات شاهدين على هالكلااام



لا هنت يالذيب وتقبل خالص تحياتي

[! محتميها !]

سييف اسكت بس


والله لو اقول لك سالفه لتمووت منها ضحك


شي يهووول لكن ربك يعين


خلها مستوووره بس ما نبي الإداره تعدل ردودنا

[ابن نميان]

المشاركة الأصلية كتبت بواسطة سيف العضيان

سلام علاكم ياعتابة
لقيت هالخرطة قديمة جدا لاحد الخواجات(المستشرقين) حاطها في كتابة
خريطة القبائل العربية
ماشالله ياعتابة بالعين نص الجزيرة العربية من قديم من مكة الى الرياض كل ضلع وكل قشعة في حيدها خيمة عتيبي|165|
كلمة عتيبة ممغوطة|165| واخذتن معها كلمة نجد بالراحة والقبايل الاخرى لازم تحط معدسة مكبرة |165| عشان تشوف اسم القبيلة وحدودها
ربعي عتابة من العارض ليا الحر|191| |191| ة سقم المعادي لاجا العلم مردودي
هذي هي الخريطة
<<<<ملاحظة كلمة many section تعني (اقسام كثيرةاو /فروع متعددة )
.
.
.
.

.
.
.
.
.
.

سيف العضيان لاهنت ولك كل التقدير

ولأحترام


u taibah nejd

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[الاد العسيلي]

بيــض الله وجهــك ومشكــور يا أخــوي سيف العضيأن وشـأكريـن لك أجتهأدك معنــى بهــذه الملومــه ولو نـي ما اعرف اقـرأ انقليزي بس مشكــور ولا هنــت علا كـل حــأل ..................... تحياتي

[سهم العضيان]

لاهنت ويعطيك الف عافي يا ابن العم بس يليتك تحط اشاره على الاسم او تغير لون الاسم لانه ماهو واضح

[المسكوفي]

بيض الله وجهك ياخوي سيف العضيان على نقل هالصوره التوضيحيه لانتشار القبائل بالمملكة
وعتيبه لها مكانتها ونفوذها .
لكن لي بعض الملاحظات وأرجو انها تقبل بصدر رحب,معروف ان انتشار قبيلة عتيبه الأكثر هو في نجد ولكن لي مأخذ على ان من يقول ان لها وسط نجد وهذا غير صحيح معروف ان عتيبه تقطن في عالية نجد وليس في وسط نجد وتقتسم معها قبيلة حرب ومطير القسم الأوسط من نجد مع ان الغلبه لحرب في وسط نجد .

لكن أخوي سيف العضيان عندما تقول :

(كلمة عتيبة ممغوطة واخذتن معها كلمة نجد بالراحة والقبايل الاخرى لازم تحط معدسة مكبرة عشان تشوف اسم القبيلة وحدودها )

أبغاك ترجع الله لايهينك للخريطه وتشوف امتداد قبيلة حرب من العارض الى السيف مرورا بوسط نجد دون اي انقطاع
ولا اعتقد ان هناك قبيله لها هذا النفوذ الواسع في الجزيرة العربية مثل قبيلة حرب

وقد قالها الشاعر ابن خربوش الشمري :

حربن من القبلة الى ادنى تخاديد ***** ياما بحربن من رجال الشكاله

وتحياتي لك اخوي سيق العضين على هالنقل الطيب

[سيف العضيان]

محتميها
يالله انك تحييه وياهلا ومرحبابك وشكرا على التعليق
بالفعل شي مضحك ان الخواجه يجي من اباعد الدير ويعرف نجد وبعض ابناء الجزيرة حاذفها يم الربع الخالي

...
ابن نميان الله لايهينك على المرور وحياك الله

......
العسيلي شكرا على المرور
بالنسبة انك ماعرفت للخريطة جبلك عدسه مكبره

........
سهم العضيان
حياك الله ياخي الصور في النت تطلع كذا بعدين انت تضغط عليها تطلع في رابط مستقل ويجيك تحت في الزاوية اداه تكبير وتصغير انت عاد تكبر وتصغر على كيفك


........
المسكوفي
انا مالومك لن المثل يقول كل فتاة بابيها معجبة ولو ان نبا ناخذ بالمعيار اللي حطيته انت لنا صارت قبيلة المره اكبر ديار لانهم آكلين نص الربع الخالي ! لكن انا اقول ان كل المنطقة التي تتجالد عليها القبايل منذ فجر التاريخ مكوشين علاها العتبان بالسيف الاملح
واسم نجد يختلف عند الجغرافيين وعند مفهوم القبايل الجغرافيين يوسعونها كثير في مفهوم القبايل هي المنطقة اللي اللي فيها عتيبة وماتدخل فيها القصيم عشان كذا الخواجه كتب على ديرة العتبان نجد لأنه يخاطب القبايل
<<<<القصيم نفس الشي عند الجغرافيين واسعه كثير وعند القصمان واهل المنطقة الوسطى يقصد بها بريده فقط

[النابغة الغنامي]

سيف العضيان بيض الله وجهك على الخريطة

وصدق مخلد القثامي يوم قال: حنا عتيبه وان شد الكل عنا