سلامات سلطان للشاعر الفذ حمد العصيمي

[ابن فاين]

هذه قصيدة الشاعرالدكتور -حمد وصل العصيمي في قناة المرقاب ( سلامات سلطان) وقد نالت استحسان اللجنه وتم الترشيح ضمن ال 100 قصيده الفائزه وان شاء الله الى مراكز متقدمه ان شاء الله





البيرق اللي كلمـة التوحيـد فوقـه والرسـول
الكلمتيـن اللـي نقـدس لفظهـا وحروفـهـا

بيرق عيال اللي سرى ليله على كـور الذلـول
كن الحصى يشتب نـار ليـا وطتـه خفوفهـا

الموت ماردها وهي ماهي عن المـارد جفـول
اعطت نحرهـا للمنايـا وذخـرت سرجوفهـا

صولة وجولة كونت دولة عساهـا مـا تـزول
ولا تغيرهـا صواديـف العبـر وصروفـهـا

دار ٍ غلاها عندنا ما يقبـل انصـاف الحلـول
مغروس باقفاص الصدور وحافظينـه جوفهـا

فيها الزعيم اللي كلامه فعـل وافعالـه تقـول
ان المناصب مـن وصوفـه تستمـد وصوفهـا

السيف قاطع والمليك القاطـع البـر الوصـول
راعـي يميـن ٍ تاصـل ولا ينقطـع معروفهـا

واخوانه اعوانه كعام الروس ماضيـن الفعـول
موطية هامـات روس الشـر تحـت كتوفهـا

واخص ابو خالد وابو خالد عسى عمره يطـول
غانم وسالـم مـن مقاديـر الدهـر وصدوفهـا

راع اليدين اللي على المدات ما تقصر تطـول
كن السحايب بيـن اصابعهـا وبطـن كفوفهـا

تعقل مطاليـق بنداهـا الغمـر وتفـك معقـول
من تحت قوم ٍ جردت يوم القصـاص سيوفهـا

يا مرحبا حييت يا مـن فيـك حيـرت العقـول
وابكيت فـي غيبتـك سكـان البلـد وضيوفهـا

قلوبنا بصدورنا تركض مثل ركـض الخيـول
خطوة رجاها فيك تبعد منـك خطـوة خوفهـا

والبحر والبيد الوسيعـه والنوايـف والسهـول
والكعبة اللي كل مسلم فـوق الارض يطوفهـا

ماهي على خبرك( تراها في مطارات الوصول)
تبغاك مـع مستقبلينـك بـا العيـون تشوفهـا

وسلامتكم

[محمد العتيبي]

الدكتور حمد العصيمي ..


لا توفيه الكلمات عن ماتعبر عنه المشاعر عند قراءة نص من نصوصه النادره والفاخره ..


لاهنت يابن فاين

تحيتي
..

التوقيع

للتواصل عبر twitter تويتر al_bargawy@

[سلطان ابن حامد]

هذه قصيدة الشاعرالدكتور -حمد وصل العصيمي في قناة المرقاب ( سلامات سلطان) وقد نالت استحسان اللجنه وتم الترشيح ضمن ال 100 قصيده الفائزه وان شاء الله الى مراكز متقدمه ان شاء الله



^
^

المسابقه كانت العام الماضي وانتهت وحصل الدكتور على المركز الثاني : )

والآن مرشـّح بـ قوه لـ / الحصول على لقب شاعر الملك على نفس القناه المذكوره

تقديري لك

التوقيع

توترتي هنيـّا : )

[ابن فاين]

نتمنى للشاعر الدكتور الداهيه أبو تركي مستقبل زاهي وتحياتي للجميع

[الفجـري]

أنشهد أنه شاعر
يعطيك العافيه يابن فاين

[ابن فاين]

الله يعطيك الصحه العافيه ولايحرمنا من مشاركتك

[سلطان البقمي]

والكعبة اللي كل مسلم فـوق الارض يطوفهـا

ماهي على خبرك( تراها في مطارات الوصول)
تبغاك مـع مستقبلينـك بـا العيـون تشوفهـا



عزالله ان القصيده من بدايتها قويه وتركيب قوي جداً بس تمنيت



ان لا يوصف بيت الله الكعبه تستقبل بشر عند المطارات فيها خطا


بقوله (ماهي على خبرك تراها في مطارات الوصول) البيت الحرام وضعه الله



في مكان لايمكن يتغير إلا بأمر الله عز وجل ولا يجوز ان يقول تستقبل بشر


عند المطار لايجوز يتكلم عن بيت الله وليس مخول عن البيت يوصف فرحته

وستقباله بشر اللي يعلم بذالك الله سبحانه..


هذه وجهة نظري الشخصيه ..




احترامي وتقديري لصاحب القصيده

[محمد ابن رووق]

المشاركة الأصلية كتبت بواسطة سلطان البقمي

والكعبة اللي كل مسلم فـوق الارض يطوفهـا

ماهي على خبرك( تراها في مطارات الوصول)
تبغاك مـع مستقبلينـك بـا العيـون تشوفهـا



عزالله ان القصيده من بدايتها قويه وتركيب قوي جداً بس تمنيت



ان لا يوصف بيت الله الكعبه تستقبل بشر عند المطارات فيها خطا


بقوله (ماهي على خبرك تراها في مطارات الوصول) البيت الحرام وضعه الله



في مكان لايمكن يتغير إلا بأمر الله عز وجل ولا يجوز ان يقول تستقبل بشر


عند المطار لايجوز يتكلم عن بيت الله وليس مخول عن البيت يوصف فرحته

وستقباله بشر اللي يعلم بذالك الله سبحانه..


هذه وجهة نظري الشخصيه ..




احترامي وتقديري لصاحب القصيده

نعم معك حق


وليست بوجهة نظر بل شي ديني

[ابن فاين]

والبحر والبيد الوسيعـه والنوايـف والسهـول
والكعبة اللي كل مسلم فـوق الارض يطوفهـا

ماهي على خبرك( تراها في مطارات الوصول)
تبغاك مـع مستقبلينـك بـا العيـون تشوفهـا

أولا أشكركم على المشاركه
ثانيا احترم أرائكم وأقدرها
ثالثا لا يقصد الشاعر إن البحر والصحراء والجبال والسهول والكعبه تذهب للمطار لإستقبال الأمير سلطان حفظه الله لأنها خارج عن المعقول ولكن بمرور الأمير على البحر والصحراء والجبال والسهول والكعبه(إذا أخذ عمره وهذا ما اعتدناه من حكامنا) يشوفها بعيونه وتكون على مراحل أي مطارات الوصول لذلك لم يقل الشاعر مطار الوصول وشكرا للجميع