العازمي
سلام ردّه والليالـي مقابيـس=الحلو فيها مر والمـر حالـي
الياذكرت الشعر مرحوم ياقيس=ما مات من عقّب قروم العيالي
نايف الروقي
يامرحبا والله يخزيـك يابليـس=ترحيب غالي وانت بالحيل غالي
الشعراله شعار ياهل النواميس=حنا هله من ماضيـات الليالـي
العازمي
قرّب دلال الكيف قدم المحاميس=خابرك نجرك فالجزيره يلالي:
عبد المعين اللي يفك المحابيس=ليته قعدلك ياعريب الخوالـي
نايف الروقي
اركب على اللي يبعدن المراميس=جعلك بخير وياعسا الحظ عالـي
قرناس راح وفي محله قرانيس=حنا هل الميقاف فـاول وتالـي
العازمي
الهرج واجد والخزاين مفاليـس=بعض العلوم اعراض والا طوالي
نور القمر ماسد عنه الفوانيـس=لو كل ليله في سماكـم هلالـي
نايف الروقي
يالعازمي صارت علومك هواجيس=وانا تراني ماغـدا راس مالـي
ياعيد لو صكت عليه المضاريس=اصدهـا حتـى لونـي لحـالـي
العازمي
تكتب من الافكار والا الاحاسيس=ياحيسفي يالعود راع الجزالـي
بيت الشعر لاشك يحتاج تاسيس=والعلم مافاد القلوب (الخوالـي)
نايف الروقي
ياعيد لاتلعب عليك الوساويـس=لوتعترض في الدرب ماضاق بالي
ياربعنا الي ترسلون الجواسيـس=حنـا حمـاه الـدار ياهمـلالـي
العازمي
عبد المعين بسيف وانته معك فيس=عوّدبهـا يـم العـرب ياحلالـي
حنّا احتمانا ماقف العود يانعيـس=( خل الاجابه قد نـص السوالـي)
نايف الروقي
بعض السوالف يالعوزام تماليس=ياليتكـم ماتعقـدون الحبـالـي
عود لدارك ماتفيـد المجاليـس=وان كان ماتبغا خذوها العوالـي
العازمي
الله ولا علم الوجيه المعابيـس=حبل الرَّها قد دار فوق المحالي
ومن الطبيعه ماتزول التضاريس=لو البنـادم مرجعـه للزوالـي
نايف الروقي
ياذيب ماشفناك وقت الغطاريس=وانا تراني حيلتي دون حالـي
اثرك سوات ملبس العلم تلبيس=لكن جعل الله يعـز الرجالـي
« آخـــر الـــمـــشـــاركــــات »
03-Mar-2008, 12:10 AM
العرض العادي
