مايبقى غير اشيلك فوق رأسي شالك العفريت(جديد)

[عيضه الثبيتي]

أعزائي أعضاء وزوار منتديات الهيلا..استبيحكم عذراً على طول الغياب
وأن شاء الله أنّي أقدم لكم مايسعدكم ويرضيكم

وأول مشاركاتي لكم محاورة بيني وبين الشاعر الكبير رشيد الزلامي آطال الله في عمره

عيضه الثبيتي

تهيّض يالزلامي بعد جابتك الليال وجيت=ابا اكبّر على رأسك ثلاث أمرار وأسمّي
زمان العام ما خليّت حاجه من فلوس ثبيت=ولا ردّيت ربع اللَّي خذيته من بني عمّي

رشيد الزلامي:-

ذكرت التسمية لكن يا رجال ماسميّت=وأنا بعض العلوم تزيدني همٍ على همّي
أنا ماخذت قرشً من فلوسك وانت ويش أعطيت؟=تصوّت لابن عمَّك والكلام منشفً دمّي

عيضه الثبيتي

نقول أخطيت والاّ يالزلامي مانقول أخطيت=ترى العميان شافت فعلك وسمعت بك الصمّي
ضحك بك واحداً شرب السمن وأنته عطاك الزيت=وجيت اتقول أنا اخذت المراجل مع حليب امّي

رشيد الزلامي

أنا دافعت دونك لين فالدنيا ظهر لك صيت=لكنَّك لو عطيناك العسل قلت العسل سمّي
مادام أن أنت من بيت المعرفه لاتهد البيت=اشوفك بالعلوم الطيّبه بالحيل متحمّي

عيضه الثبيتي

أنا خابر فعولك تدفع البنزين للكبريت=وأنا عقالي على رأسي وبشتي طايل الكمّي
وأنا ماقلت غير اللَّي حصل حبَّيت ماحبّيت=أعد اللّي حصل والناقصه ماجتك من يمّي

رشيد الزلامي

أقول الله يقبل لك صلاتك كل ماصليت=لو أنّك شاعراً لأنته بمتعلم ولا عمّي
مايبقى غير اشيلك فوق رأسي شالك العفريت=وأنا ماني براجي منك لامدحً ولا ذمّي

عيضه الثبيتي

ولا ياشاعر الشعار وش سرّحت وش ضوّيت=ترى مشروعكم هذا السنه فاشل ولا تمّي
ترانا ماسمعنا منك غير ونيت دف ونيت=تضيع السالفه ياصاحبي وتخمّها خمّي

رشيد الزلامي

بعد صارت عوافي قلت أنا عنتر وكيت وكيت=لكن أن كان صادق دلَّ دلوك وأشرب الجمّي
تريد مشاركه معنا تعال أن كان ماذلّيت=بعد شهرين تلقى الجمع من شرواك ملتمي

عيضه الثبيتي

عطارتكم ترى ماجوفها الا المرّ والحلتيت=لكن ارجع على هاك البضاعه شمّها شمّي
تحسب أنَّا نبى نتبعك يارجال لاقفيّت=ترانا يالزلامي ما اتبعنا الهم والغمّي

وسلامتكم ...

:
:
:

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[أخو جوزا]

صح لسان ابو جميل ولسانك ياعيضه

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[صاهود]

عزالله ان الثبيتي قوي هاذي ثالث محاوره اشوفها له

واضح تفوقه حتي محاورته ويا حبيب كان متفوق

وين الاعلام عنه معني ردود متناسقه حبك سبك

الظاهر حظه مثل حظ اسوار الذهب

ياليت تزيدنا في محاوراته

ومشكور علي المجهود

[فايز بن سرحان الثبيتي]

نقول أخطيت والاّ يالزلامـي مانقـول أخطيـت
ترى العميان شافت فعلك وسمعت بك الصمّـي
ضحك بك واحداً شرب السمن وأنته عطاك الزيت
وجيت اتقول أنا اخذت المراجل مع حليـب امّـي

ضحك بك واحداً شرب السمن وأنته عطاك الزيت
وجيت اتقول أنا اخذت المراجل مع حليـب امّـي





لله درك ... ياعيضه

مستوى راقي ومتجدد

والزلامي علم من اعلام الشعر




تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فواز السعيدي]

ياسلام ياسلام


ابدااااع يابو فيصل قدام المبدع الزلامي



صحت الالسن والقلوب




اخوك/ فواز السعيدي

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره

[محمد ابن رووق]

والله المنتدى طلع مواهب


كل واحد من الشعار اختار مسار


علي مع زيد


سطان الجذع مع السناني


وانت طحت مع مصنفر الشعار مره وحده




وانا اقول مثل ما قال حبيب يوم يفرح كل ماطلع في عتيبه شاعر وهو من حظ عتيبه كلها كلها

[محمد ابن رووق]

نبيها فديو لا هنت

[ناصر حامد الثبيتي]

مبدع يالذويبي وانت شاب . ولكنك من بيت شعر ومن بيت عرف وعلم . وصح لسان الزلامي ومهما حصل شهادتنا في هامه مثله مجروحه .
.كلكم مبدعين وتبيضون الوجه . ونتمنى لك ولجميع ابناء عتيبه مستقبل وافر من النجاح والحظ بالوصول للمستويات التي تستحقونها .

[العفريت]

ياسلام... ياسلام... ياسلام...

مااقدر اقول غيرها

[بندر المرشدي]

صح لساااااانك ياعيضة مستوى راقي امام عملاق شعر مثل الزلامي


نتمنى لك التوفيق

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه