[من المعارك التي جرت على العوازم معركة الحشيف وسميت بالحشيف نسبة للموقع الذي حدثت فيه
المعركة وهو موقع بين جبل الطراة وجبل نعام حيث أغاروا الشلالحة من قبيلة مطير على بعض العوازم
ليلاً وهم عند حلالهم بعيدين عن منازل قومهم وكانوا سبعة رجال قتل منهم ثلاثة في بداية المعركة وبقي أربعة يقاتلون ويقاومون المعتدين حتى كسرت رجل أحدهم وأما العوازم اللذين عند أهلهم فقد سمعوا الرمي
فلحق منهم خمسه رجال في أول الأمر وفي ذلك قال الشاعر :
لحقناهـم ثلاثـة واقتفانـا خمـسـه عيـالـي=على رأى القطيعة محتم الركب المثابير
فكان مجموعهم في بادئ الأمر ثمانية فرسان أخذوا يطاردون الأعداء حتى ردوا الحلال وقتلوا تسعة من المعتدين.
وقيل في هذه المعركة عددً من القصائد وأشهرها قصيدة الفارس مستور بن جعيد الذي باشر المعركة من بدايتها حتى انهزم المعتدون .
يقول مستور ابن جعيد :
يقـول اللـي تهيّـض يــوم عــدّى المـرقـب العـالـي=مـعـدٍ يــوم عــدًا فــي الـطـويـل مـــن المـزامـيـرا
وافـقـد جـابـتـي وارداً مـــن بـالــي عـلــى بـالــي=والجـلـج بـالـعُـوى لـجــلاج مـقــرون المـزامـيـرا
وانـا هيّـض علـي الكايـن الـلـي بالخـلـى الخـالـي=ولـزمـتـنـا الـمـواقــف لــيــن قــــدرن الـمـقـاديـرا
جمـوع مطيـر جونـا مثـل ثـعـلٍ فــي أول خيـالـي=وذدنـاهـم مـثـل ذود الظمـايـا الـلـي عـلـى البـيـرا
وريّـضـنــا بــــالأول لــيــن يـحــتــري الـتــالــيم= مواقـفـنـا مـهـايـيـفٍ عــلـــى روس الـزبــازيــرا
صـقـورٍ فــي مواكـرنـا عـلـى كـفــات الأحـوالــي=نـضـد الـقـوم ونمـحـوي عـلـى الكـبـد المحـاويـرا
وانـــادي ياسـفـيّـر يـاسـفــر يامـحـتـمـي الـتـالــي=وانــادي يامـطـر مـاعـاد فــي الاعـمـار تـوفـيـرا
لحـقـنـاهـم ثــلاثــة واقـتـفـانـا خـمـســه عـيــالــي=عـلـى رأي القطيـعـة محتـمـي الـركـب المثابـيـرا
مـن الحشـف الحمـر ليـن أنزقطنـا بيـن الأقـذالـي=ودجّــال الـدمـي مـثـل السـيـول مــع الخنـاصـيـرا
عبـنّـه يحـسـب انّــا مــن هـبـانـة طـيّــب الـفـالـي=مـضــرّاً يـــوم ينـصـاهـم بــجــرّات المـظـاهـيـرا
مـااخـذ ماسوقـنـا مـسـعـف مـقــدّي كـــل عـيّـالـي=بسرحـيّ الجـمـوع الـلـي تـحـوّل مــن شمنصـيـرا
لا اخذ ماسوقنا اللي شفى ضرعي الضحى العالي=عـلـى هـذمـور والـجـرذي وبــن لمـلـم وحنـتـيـرا
هذمور والجرذي وبن لملم وحنتير بعض رجال مطير المشهورين الذين اعتدوا على العوازم وذوي زراق
في موقع فيه عين تسمى ضرعى في الحرة وهزموا في تلك المعركة وكانوا قد اتفقوا هم وقبيلة سليم
على ان يغيرون على الروّقة في يوم واحد ليتمكنوا من القضاء عليهم وكانوا قد أعدّوا لهذه المعركة العدة
فهزموا كلهم في ذلك اليوم وقيل في ذلك عدة قصائد منها قصيدة الثعلي في ضرعي :
يامزنـةٍ هـلـت عـلـى غـربـي الـقـرى=على العين من ضرعى وعلى مسيلها
هلـت عليـهـم بسـعـد الـذابـح وخيّـلـت=الـشـري مـاهـا والصـواعـق هليـلـهـا
الى آخر القصيدة.
وقال عسيود بن فالح هذه القصيدة في معركة الحشيف ولم يكن حاضراً المعركة:
يقول العازمي عدى وأخذ في الحيد مقعادي=معـدٍ بيـن قـوس وبـيـن ظـاهـرة العطـاويـه
معـي مسلوبـةٍ بـادٍ بهـا والعمـر إلـه مــادي=عصاي اللي تعصّيني مـادام ان الجهـد فيّـه
والا واروحي اللي مثل بـنٍ فـوق الاوقـادي=معارضّها الغشيم مع الهبايب شعلـة الضيّـه
علـى ربعـي مقدّيـن الضعـن تباعّـة القـادي=هل الراي الصعب وسلاحهم ميري وهنديه
وألا ياراكب اللـي نيهـا فـرع الكتـب بـادي=تفزّ من الوحي وألها علـى المخبـاط حوليـه
وضلـعـان الـقـرى قدامـهـا للـقـوم ميـعـادي=ألا يامنجـي الطـرقـي مــع الــدار الخلـويـه
ودور لي عرب مستور لو إنه في الأبعادي=ولانـي داري انـه حـي والا راح فـي الهيـه
وألا ياطيـر مـا عينـت نـزلٍ بأسـم معتـادي=فريـق حـولـوا بـيـن النـويّـع وايـمـن الـديـه
خذوا مرباعهم يم الخطيـط وحولـوا غـادي=وتلقاهم من اطراف السنـاف الـى الرويليـه
وقال رازن ابن ناجم هذه القصيدة ولم يكن حاضراً المعركة :
انـا هيّـض علـي الكايـن الـلـي ماحضـرنـا فـيـه=تـمـنـانـاه والأعــمــار عــنــد الله لــهــا والـــــي
والا ياليت منسـي (1) حاضـر ليـن يتفـرج فيـه=ويـاخـذ مقسـمـه ولـهـا عـلـى الـخــلاق حـلالــي
خيالّ جاء يجر مـن البحـر تبـرق ورعـوده فيـه=تصافقـه الهبايـب فـي الحشـيـف وبـرقـه يـلالـي
والا يالضعبـة ام السبـاع ميلـي للنـسـق وانحـيـه=وتلقيـن العشـا اللـي طارحيـنـه بأسـيـر الجـالـي
وتسعة مـن شـلاح اللـي يبـى لـه مـال ويضويـه=يـبـى يحـتـاش مــال فــي الـخـلا مافـيـه قـتـالـي
ذياب اللي عطى المقرح بعد عاف الشواري فيه=يبى ينحاش عن ذيب الخـلا اللـي يرمـل رمالـي
والقصيدة أطول من ذلك.
1_هو منسي ابن رزيق احد الثلاثة الذين قتلوا في بداية المعركة وهو من الرجال المعروفين في قبيلة العوازم.
وقال عمار ابن عوادة هذه الابيات من قصيدة طويلة يصف فيها المعركة وهو لم يكن حاضر المعركة :
ياهجـاد فــي حشيـفـات اللبـانـي=ولّ هـاك اللـيـل يالـيـل الهـوايـل
من اثنين أخوان واثنين اخوانـي=والفـرود اثنيـن تسنـد كـل عايـل
خالطوهم صيفة الذيب المسانـي=حقّتـه يـوم الفرايـس كـل حـايـل
طاح تسعة من ذريفيـن اليمانـي=من رجال شلّاح ماضين الفعايل
« آخـــر الـــمـــشـــاركــــات »
06-Jan-2011, 06:26 PM
معركة وهجاد الحشيف ( بين العوازم ومطير )
العرض العادي
