لافي الغيداني .. تدنيق والتدنيق ماهو لنا سلم

[حكيم الشور]

صفراء ربيبة بطـن وأطرافهـا دلـم=ماهـي نتيجـة سيبـتٍ مـن يدانـا
من كثر مايهلم عليها عليها الجمر هلم=ياما جسدها من سنـا الجمـر عانـا
سامرتهـا يـومٍ فنجالـهـا ولــم=البارحـه ياطـول رحـلـة مسـانـا
سجيت سجـة واحـدٍ واصلـه علـم=عـن غالـيٍ قامـت حياتـه تـدانـا
شاشة خيال الفكر تستعـرض الفلـم=فلـمٍ تمثـل قصتـه مــن ورانــا
وعن رد صاع بصاع مافواهنـا بلـم=وسلـوب صـرف علاجهـا ماخفانـا
لكن نعصب الراس بالصبـر والحلـم=من طيـب مذهبنـا وشيمـة لحانـا
اي والله أنه ضلم وأضلم من الضلـم=أنـه يثـور أسلاحنـا فـي خبـانـا
يفتح علينا مـن ثلـوم الحكـي ثلـم=يزعـل عوانينـا ويرضـي عـدانـا
تدنيق والتدنيـق ماهـو لنـا سلـم=مادنـقـو جـدانـا هــم وآبـانـا

لافي الغيداني

[عبدالله الجـــذع]

الله الله الله

صح لسان ابو حمود

قصيده جزله كعادته


الف شكر لك يالغالي

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بـن عـــاصم]

بيض الله وجهك على هالنقل ياحكيم الشور...

والله يثلج صدرك مثل ماأثلجت صدورنا بهالابداع ..

اما لافي فالابداع والجزاله غير مستغربه منه...

[ابو فايح]

لكن نعصب الراس بالصبـر والحلـم=من طيـب مذهبنـا وشيمـة لحانـا
اي والله أنه ضلم وأضلم من الضلـم=أنـه يثـور أسلاحنـا فـي خبـانـا

مبدع هذا الشاعر بكل ما تحمله الكلمه من معنى


صح لسانه مدد بلا عدد


وسلمت يا حكيم الشور

التوقيع

عالم تويتر abofayeh@

[وثاب]

لافي الغيداني

شاعر كبير

ما اقول الا صح لسانه

ولاهنت يا حكيم الشور

[حكيم الشور]

أسعدتوني بمروركم

الله لا يهينكم