ليه سم الحر حر وليه سم البوم بوم - الهيـــــــــــــلا *** منتدى قبيلة عتيبة

عاشق الذكرى · 06-Jun-2004, 07:08 PM

السلام عليكم ورحمة الله وبركاتة

هذه القصيدة لها مناسبتها الخاصة

[poet font="Simplified Arabic,4,red,bold,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
مايبين الطيب غيـر ليابـدا وقت اللزوم =والرخاء كل المواقف محتميهـا مـن وقفهـا
الرجال الهـا عوايدهـا وتحكمهـا السلـوم = والذهب عملة شريفه رابـحٍ منهـو صرفهـا
واعرف ان المسك ريحه مايحالي ريح ثـوم= ورشفة السم سمها في كبد مبـدولٍ رشفهـا
تكشف الايام ساس البخل ميـراث الرخوم =عرفته نقصٍ على الرجـال ليتـه ماعرفهـا
الرجال اصناف ماحط الطوال مـع القـزوم=والاصايـل ماتطيـع الاّ لخيـالٍ عسفـهـا
المراجل عزوة اللـي لا تعـزوى بالقـروم = والرخامه مالها غير الخبـل مسـرع تلفهـا
كم وكم من واحدٍ من كلمـة النعـم محروم=مايشرفك اسـم مثلـه والجمايـل ماعرفها
ليه سم الحر حـر وليـه سـم البـوم بـوم = والمراجـل ثمـرةٍ عـزٍّ لرجّـالٍ قطفـهـا
مايسـد اللازمـه ياكـود رجـالٍ عــزوم = النفوس الميته ماتـدري عـن اللـي حذفها
مايبين الطيب في خبلٍ مـن الطيـب معـدوم = وقفتك في شدته ضايـع تـرى والله سلفها
ليه احطه لـي عضيـد ولا نخيتـه مايقوم =دام ماوفاها اليمن اللي مـع الطيـب حلفها
مثل ابو ليلى المهلهـل فالسوالـف والعلوم=والشجاعـة والكرامـه والشهامه ماولفها
والله اني قبلها كنـت احسبنـه لـي خـدوم = مار جات الصدفه اللي ماحسبها اللي صدفها
مار خذها في صميم القلب وتزيد الهموم=لعبتك صاحبـك مـن قـدام تلعبهـا كشفها
بان راسك يوم زان الحذف مع لفح السمـوم= لو مبغاهـا لكنـك جيتلـي في منعطفهـا
القـدر محتـوم لـو انـك تتقيـت السهوم=والليالي ماتـدوم بخيـر يامسـرع عجفها
كل شي يزول غيـر الذكـر لايمكـن يـدوم = في مماتك مالك الا السمعه اتعب في شرفهـا
ودي انك حرٍ اشقر منزلـك روس الرجوم =لاتهين النفس لين النفـس يحكمهـا ضعفهـا
صرت مثل اللي بوسط السوق ماحظيت بسوم= مكسب التاجر وراها صارفـه لجـل علفهـا
ماحداني عنك غير اللي لهم حـب الخشوم=خايفٍ من شرهة اللي محتمينك عن صلفهـا
والله انك ذخـر ربـعٍ للعـلا دايـم تروم=مار عنهم طحت في ممشاك ماعوض خلفها
تخر النار الرمـاد وتخفـي الجـو الغيوم=والبغل ولد الحصان ولا عتالها مـن عرفها
وتخفي الشمس الليال وتختفي معها النجوم=والدعاوي جيت ياصحاب المعرفه مع طرفها
قلتها واخفيت معناها واخـاف مـن الثلوم =خايفٍ من هرجة الهـراج لاحقـق شغفهـا
مايسد ابن القبيلـه فيـه ثـارك عنـد قوم =مار يمكن لا سمعها صاحبي يعـرف هدفهـا

عــــاشــــق الذكرى
[/poet]

ابوسليمان · 07-Jun-2004, 02:39 AM

صح لسانك ياعاشق الذكرى
قصيده رائعه جدا
لكن وسع صدرك ترى الدعوى تساهيل

تحياااااااااااااااااااااااااااااااتي
ابوسليمان الروقي

ضايق · 07-Jun-2004, 10:12 AM

عاشق الذكرى

مهما كتبت فلن أوفيك حقك

فأنت أكبر وأسمى من أن تخطك رؤوس الأقلام

على صفحات بيضاء

لا أعتقد أنني الرجل المناسب للتعليق على هذه الرائعة

ولكنني أقول لك :

تشرفت بمصافحة رائعتك

قرأتها أكثر من مرة

ولم امل أو أتشبع بها بعد

لذا أستأذنك في أن أستعرضها في لحظات تحدد نفسها بنفسها واكررها

مراراً الى أن أحظى بغيرها من شخصكم الكريم

تقبل إعجابي

وتقديري

وامتناني

وأتمنى أن اصافحك عن قرب كما صافحتني عن بعد

متعب العضياني · 07-Jun-2004, 10:13 AM

كل شي يزول غيـر الذكـر لايمكـن iiيـدوم في مماتك مالك الا السمعه اتعب في iiشرفهـا

والله انك صادق
صح لسانك وبيض الله وجهك

ابن بادي 1 · 07-Jun-2004, 07:36 PM

ماحداني عنك غير اللي لهم حـب الخشوم :: خايفٍ من شرهة اللي محتمينك عن صلفهـا

صح لسانك

عاشق الذكرى · 07-Jun-2004, 10:44 PM

ابوسليمان

صح بدنك والدنيا سهود ومهود ولله الحمد

اشكرك جزيل الشكر

تحياتي[HR]
ضايق

هلابك واسعدني مرورك وحسن إطراءك ولي الشرف ان تقف متأملاً ما اكتب فهذا بحد ذاته شهادة فخر واعتزاز
واتمنى المصافحه قريبه جدا فأنت من نسعد بصحبته

تحياتي[HR]
متعب العضياني

صح بدنك وسلمت اناملك

تحياتي[HR]
ابن بادي 1
صح بدنك ولا عدمناك
تحياتي

الــوآفــي · 08-Jun-2004, 11:52 AM

عاشق الذكرى

صح لسااانك عدد ابداعك

تقبل تحيتي ومتابعتي

اخوك ذيبان

فرهودي · 08-Jun-2004, 09:09 PM

[poet font="Simplified Arabic,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=red,direction=135)"]
الشاعر المتألق عاشق الذكرى..
[/poet]

سجل اعجابي بقصائدك.. الرائعه
واسمح لي أن اقدم لك هذه الهدية نظير إبداعاتك المتواصلة..