هيا إسمعونـي ياشبـاب الأمـه** ياحاضريـن القـول والغيّابـي(فيصل الرياحي)رحمه الله

[خلف القثامي]

قصيده تعبر عن حال الامه العربيه التي لاتملك سوى الشجب والاستنكار


والدول الغربيه تسعى لرفع حالة الحذر والاستنفار


شاعرنا الكيبر


المرحوم باذن الله


فيصل بن منصور الرياحي البقمي


رحمه الله واسعه واسكنه فسيح جناته والهم ذويه الصبر والسلوان


كتب قصيده في حال العرب حكومه وشعبا

سبحان عـلاّم العلـن والغابـي **منزل (تبارك) هـازم الأحزابـي
يـارب تغفـر زلتـي وذنوبـي **أنت الغفـور القـادر االتوّابـي
البارحـه يـوم الخلايـق نـوّم **والكون هاجع والنجوم أسرابـي
ناديت قاف الشعر أسلـي بالـي** فربمـا قـافٍ يريـح أعصابـي
الشعر فالوقت إتخذتـه صاحـب وأعتبره أوفى من جميع أصحابي
يعبر بي آفاق الخيـال الواسـع **ويكتب حضوري في مكان غيابي
أنـا حزيـن ولابقالـي خاطـرفي مايسمى الضحك والإطرابـي
حزني على حال العـرب يتزايـد** ولافي يدي حيلات غير خطابـي
وهرجٍ على الطرشان ماله خانـه هدية الصـادق علـى الكذابـي
أحـب روس القـوم وأقدّرهـم **مير اللحى من دونها الأشنابـي
دون الجبل هذاك شوك وغابـه** ودون الجبل هذاك حـزمٍ نابـي
ودون العيون عيون ماهي زينه** ودون الوجيه وجيه ماترضابـي
كم واحـدٍ وده يقـص لسانـي** وكم واحـدٍ وده يشـق ثيابـي
أنا من أفـراد الشعـوب الحـره** أنا سعودي ، وأفتخر بأنسابـي
وأفخر بحكام الوطـن وأمـاري** وأشيل حب الدار بيـن أهدابـي
وأشره على اللي مايحب بـلاده **مهما يقول ويشـرح الأسبابـي
حنا جزء من كـل هـذا العالـم **العالـم المحكـوم بالإرعـابـي
رعب القوى الكبرى ورعب القوه** والمـارد المتغطـرس النهابـي
حنا العرب وأحوالنـا مستـوره** من فوقنا الضرس وتحتنا النابي
حنـا العـرب والقافلـه فاتتنـا**أخر جمل فيها يسمـى أعرابـي
عشرين دوله وأكثر اكثر منهـا**صرنا حطـب للنـار والحطابـي
فينـا المنافـق يلعـن المتمـرد **وفينا الحرامي يشمت النصابـي!
وفينا المداهن ينتخـي بالخايـن **وفينا الغبي يضحك على المتغابي
نكره لضى الحرب ونحب الكوره** ونتابـع الفـنـان واللعـابـي
على قنـوات الفضـاء سهرتنـا**نشرب ونرقـص كلنـا ونبابـي
يوم أحمد الياسين يلفض روحـه** وحنا نغني في طرب وإعجابـي
ياحالـة أيـام العـرب ياحالـه **قولو عليهم ، فص ملح وذابـي
كانوا منارة كل عز ، وصـاروا** أضحوكة التاريـخ ، والأجنابـي
والله مالوم اللـي يفجـر نفسـه **على ثرى الأقصـى ولايرتابـي
متنا قهر مما نشـوف ونسمـع** دمٍ علـى دم ونعيـق غـرابـي
دمـع الثكـالا واليتامـا يقهـر **ومقابـر الشبّـان والشيّـابـي
والقدس يصرخ والعراق ينـادي** والنار مشهـابٍ وراء مشهابـي
وحنا نقول الحرب مالـه داعـي** ونقابـل العـدوان بالترحـابـي
وأبوابنـا وديارنـا مفتـوحـه **للقـرد والخنزيـر والسنجابـي
هيا إسمعونـي ياشبـاب الأمـه** ياحاضريـن القـول والغيّابـي
أنتـم تلاميـذ النبـي وأحفـاده **وقدوتكم أبـو بكـر والخطابـي
أما وطنكـم فأكرمـوا منزالـه **ماودنا نصبح شيـع وأحزابـي
ترى الوطن وأنتم ، مصيرٍ واحد** مثل السفينـه وأنتـم الركابـي
ثوروا على العـدوان بـرا بـرا** ترى هذاك الموقـف الغصابـي
يابوش ياشارون ، مهما جرتـموا** مهمـا غلبتـم ، فالله الغلابـي
لابـد مـن يـومٍ عليكـم دايـر **يومٍ عبوسٍ به جزاء وحسابـي
تاطا نواصيكـم حوافـر خيلنـا** والأرض تلبس ثوبهـا العنابـي
يعتز الإسـلام وتزيـح الظلمـه **وتفكـك الأحـلاف والأقطابـي
وترفرف الرايات فوق الأقصـى **ويعود في بغداد ( حامورابـي )
إن كان ماخلف الحقوق مطالـب** راحت سبايا في يديـن السابـي
وأقفوا عليهـا خايبيـن الذمـه **وحطوا حجابٍ من وراه حجابـي
وإن كان مافالقوم رأسٍ ساطـي** راحوا على وجه التراب ترابـي
وكان النساء ماينجبـن الفـارس** ليش الزواج ودوشـة الإنجابـي
عيالنا عاشـوا علـى قـول الله** مانعـرف الأزلام والأنصـابـي
حنا نحب الديـن مانسخـي بـه **ياكم كسرنـا شوكـة الحرابـي
قالـوا إرهابييـن ، قلنـا حنـا** نرهب عدو الدين بالـ(قصابـي)
وإن كان الإرهاب الجهاد الواجب** ضد اليهـود وباقـي الأذنابـي
والـذود دون مقدسـات الأمـه **والديـن والتاريـخ والأحبابـي
فلتشهـد الدنيـا ومـن عليهـا **وليشهـد الله إننـي إرهـابـي
أنا من أتبـاع الرسـول محمـد** بـدر الليالـي طاهـر الجلبابـي
السنـة الغـراء علامـة دينـي** وكتـاب رب العالميـن كتـابـي
هاذي قصيده من قصائد فيصـل** فيها الحقيقه مثل سـم الدابـي
يقولها الشاعر ويرفـع رأسـه** ماهمـه النـقـاد والسبـابـي
إلا على الغلطه ماهـوب يكابـر **ولاياخـذ القيفـان بالمشعابـي
يـارب ياعالـم بمـالا نعـلـم **أنت الكريـم المنعـم الوهّابـي
أحفظ وطنـا والملـك وإخوانـه** خدام بيت الله ، مثـار إعجابـي
وقفاتهم دون الوطـن معروفـه** والشعب معهم ، والجميع أقرابي
مع يد ولاة الأمر يدنـا وحـده **أعوان ضد المنحرف والصابـي
تمت وصلوا عد خلـق الخالـق **على محمـد طاهـر الجلبابـي

-- ا

لشاعر – فيصل الرياحي البقمي

اللهم ارحم فيصل الرياحي

[بدر الكريزي]

الله اكبر ..


الله يرحمه ويغفر له ..!!


عافك الله يا خلف ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[ابو قطيم]

الله يرحمة ويتمد روحه الجنه



بيت للشاعر سداح:

لا والله الا راح فداح الاخصام اللي عليه الشعر جر المناحي

[رمح برقاا]

الله يرحمك يا فيصل الرياحي ويسكنك فسيح جناته

[سلطان الشمال]

الله يرحمه ويسكنه فسيح جناته

[خلف القثامي]

المشاركة الأصلية كتبت بواسطة بدر الكريزي

الله اكبر ..


الله يرحمه ويغفر له ..!!


عافك الله يا خلف ..

الله يسلمك على المرور العذب




ودمت بالف خير

[مزيد العصيمي]

الله يرحمه ويغفر له ..!!


عافك الله يا خلف ..

[~ابن ملافخ~]

الله يرحم فيصل ويسكنه فسح جناته

[مركز المعلومات]

مشكور على هذه القصيده


والله يرحم فيصل الرياحي

ويجعله بالفردوس الاعلى

[عبدالرحمن العضياني]

الله يرحمه ويسكنه فسيح جناته