*تحـليـل محاورة (حبيب وتركي) اللي في كشب بيت بيت (وشوفو اللغم اللي كله تركي )

[الـــقـــرم]

مــسّــاكـم الله بـالخيــر ..

الـتحليـل مـن الأخ ../ شـقـصـان

وهو يـحـاج الـمطـران فـي منتداهـم وعرفو اللغم وسكّتـو كلهم وعرفو الحقيقـه

بسم الله نبدا ..

وهذي بعض البيوت وليس كلّهـــا
............................

يقول ابو فيصل بعد الموال :

الا يا ليل وين الشاعر اللي ضيع المليون = ومهما ضيع المليون فالألفين مضمونه

وهنا مطب مشّـاه على شاعر الوطن :

حبيب خاطب الفين بالمؤنث ( مضمونة )ومشاها علاه. بمعنى انه لو ضاع المليون فان الالفين عادت لنا !


البيت الثاني لحبيب كان لتلطيف الجو وتهدية الجمهور يقول :

( انا ما قلت لكم ما ثقّل علاه )


رد تركي 2000 بالموال الخاطئ والخارج عن نسق المحاورة ثم البيت :

الا يالعازمي لا صرت محتاج وعلاك ديون = ليا قدمت معروضك سواتك نقضي ديونه

وهو رد على ظاهر البيت الاول لحبيب دون فهم المعنى والمطب السابق فقد ظن ان حبيب يعاتبه انه ما جاب المليون ورد انه بخير وعند فلوس ههههههه
والبيت الثاني تكرار لمفهوم الاول مع اللمز بالعتيبي انه ما حصل شي من شاعر المليون


فجاء موال ابو فيصل الثاني منتقداً لموقف تركي الذي بدا مهزوزاً ومرتبكاً امامه ثم البيت الذي يحمل القنبلة حيث قال :

انا معطيني الله و العرب من بعضهم يُعطون = وانا ماني بتكسي عند خلق الله يكدونه

الشطر الاول رد على كلام تركي يوم يبا يتبرع لحبيب

اما الشطر الثاني فقد شبه تركي التكسي حيث كدّه الشيخ محمد بن زاايد ثلاثة شهور و طلع من ظهره ميتين و ثمانين مليون اعطاه منها نص مليون ( حق الزيت و البنزين)ههههه

ثم عاد ابو فيصل ليرد على اللمز الذي اورده تركي فالبيت السابق :

اقول ان اصدقانا يوم راحو كلهم يكفون = احد جانا معه مشلح واحد جانا بكرتونه

تظهر السخرية في الشطر الاول و التوضيح في الشطر الثاني فيبين ان يوسف العتيبي عاد من شاعر المليون لابس المشلح ليقابل الملك عبدالله حفظه الله الذي استدعاه شخصياً ومن بعده ولي العهد وهذا المكسب الحقيقي ليوسف من البرنامج.

بعد ان تم التآمر لاسقاطه في المنافسة. ثم يقول : واحد جانا بكرتونه وهو تركي اللي جا معود مثل ما راح ما فاد شي..


وكـان فيه تـكمالـه ابشرو بجيبهـا لكم ..

بس اللي جـعلنـي انقل التحليل هـو بيت حبيب يوم يقول

( ومهما ضيع المليون فالألفين مضمونـه )

انا اشهـــد انك شاعر يبو فـيصـــل ههههههههههههههههههه


مودتـــي ..,

[لافيزي]

تحليل جميل بس ياليت تحطون المحاورة كاملة بالموال يعني اللي ما

اشتغلت عندهم المقاطع مايقدرون يحكمون ؟؟؟؟؟

جمهور حبيب ينتقون ابيات ابدع فيها كذلك جمهور تركي وهكذا

حطوا المحاورة كاملة كتابية وجمهور الشعر يحكم

[السناعيس]

مشكوور يالغالي

على التحليل ..


الا يالعازمي لا تمشي بدربك بدون عيوون
ترى الرجال مايمشي طريقه غير بعيونه

[مشاري الحبردي]

لاهنت يا القرم وانا اشهد انك قرم

المطران الله يهديهم في منتداهم قالين السالفة راس على عقب

ولاهنت

[أبو عمر الصعيبي]

أنت الله يهديك مغير تنقل ولاتدري ويش السالفه

وتحليل شقصان كانه في بعض الصحّه .. وأغلبه تفسير خاطئ وبعيد جدأ

المهم بيجيك التفسير الصحيح اللي يجمد على الشارب .....

[خالدالروقي]

بيض الله وجهك والتحليل صحيح100%100

[محمد الزايدي]

بيض الله وجهك

ولاهنت على التحليل الرائع

[ابوبجاد الرويس]

اخــوي القــرم

وبيــض اللــه وجهكـ ,,,,,,,,,,,
وصح لسان المحلل

ومــا فيـكـ حيلــــة يالذيـــــب ,,,,,,,,,,,,,,,,,,,,,,,,,,,,,,,,,,,,,,,,,,,,,,

[راعي البلهـا]

بيض الله وجهك وكلنا نعرف ان حبيب لايقارن بتركي
فالشاعر حبيب غني عن التعريف واما تركي اضنه لايهتم بالمز
ومن الممكن ان لايفهمه ...... وشكراً

[فلاح الهاجري]

اخوي انا اقول ان تركي كان مرتبك حتى تشوف كل شوي يضيع الشيله لنه اول مره يلعب على الموال المثولث بس ابو فيصل خطير
واوضح يوم قال واحد جانا بمشلح والثاني بكرتونه قصده على كرتون الجائزه الي حصل عليها تركي