فالح الغنامي وعبدالله الميزاني و السبب ( صقر سليم )

[ابو فايح]

محاوره سابقه فالقصيم في حفله لدى قبيلة مطير

لعب الميزاني الطاروق الأول ورحب في محله

ثم جاء صقر سليم ورحب فالطاروق الثاني بما أن الحفل عند خنذف وخصمه من شبابه وطلب فالح الغنامي ولكن كان للميزاني رأي أخر ويرى أن ترحيب صقر سليم خاطئ!!

صقر سليم

يا لا لا لا لاله يا مرحبا عد نو المخيله = يا لا لا لا لاله في حلة أهل الوفاء وأهل الكرامه
يا لا لا لا لاله أشوف فالح هروجه قليله = يا لا لا لا لاله إيدور متلطمن بالعمامه

عبدالله الميزاني

يا لا لا لا لاله بعض التراحيب عيب وفشيله = يا لا لا لا لاله ما قالها غير لحجي تهامه
يا لا لا لا لاله في سليم وسليم ماهيب أصيله = يا لا لا لا لاله ما هم حبوس الضعن والجهامه

صقر سليم

يا لا لا لا لاله هذا علشان أسوي جميله = يا لا لا لا لاله واللحجي اللي سفيه (ن) كلامه
يا لا لا لا لاله ما دام وليا ان هذا حصيله = يا لا لا لا لاله لا والله إلا ردي (ن) مقامه

عبدالله الميزاني

يا لا لا لا لاله في ما نرى مال دمك فصيله = يا لا لا لا لاله عيت تقلك عظام الرخامه
يا لا لا لا لاله مسيرتك يا ألف ليله وليله = يا لا لا لا لاله يا ابو يزن علم أبو دلامه

صقر سليم

يا لا لا لا لاله حنا رجال السيوف الصقيله = يا لا لا لا لاله وأنته تراعد عظامك هلامه
يا لا لا لا لاله خربت سمعت كبار القبيله = يا لا لا لا لاله تومي رقبتك سوات النعامه

.
.
.
.
.
.

بعد ذلك غير الميزاني وطلب فالح الغنامي منتقدا الشعراء الشباب وصقر سليم خصوصا

عبدالله الميزاني

وألا يا فالح اللي جيت متعني وراك علوم = وراك علوم وقبور العرب تحمل نصايبها
لقيت اربع طعش منكم تبيع ولا تعرف تسوم = وأثر بعض اللحى ما شيبها ألا من شواربها

فالح الغنامي

علوم الطيب ما تهضم حقوق القوم عند القوم = لكن الله يستر يابن غازي لا تخربها
لقيت أربع طعش منكم يبيعون البصل والثوم = تراها سلعة(ن) خسران سا يمها وجالبها

عبدالله الميزاني

ليا لديت عينك للسماء طاحت عليك نجوم = سواهر قوم وألا قوم ما ضاعت مذاهبها
دخيلك لا تزاحم فالطريق الدولي المزحوم = على ما في عقول يمكنا نخاطبها

فالح الغنامي

ليا لديت عيني للسماء أدري إني قوي عزوم = لكن الشمس تضوي مشرق الدنيا ومغربها
يقولون العجايب سبع وأقول العجايب كوم = ترى دنياك هاذي يمكن إنك من عجايبها

عبدالله الميزاني

وألا يا كثر همي كل ما تملا الصدور هموم = وألا ليت البحور أمواجها تغرق مراكبها
وألا يا طير ياللي ما تطير ولا تعرف تحوم = وأثر بعض الطيور زقومها أطول من مخالبها

فالح الغنامي

من كبار الحساني حسنة المعطى على المحروم = ليا شان الزمن نزل عباة الخير وإقلبها
وألا يا طير كيف تطير في كبد السماء وتعوم = لكنك منت لاقي صيدة(ن) سهله تطير بها

عبدالله الميزاني

أنا أسمع لي ونين ولا ونين ألا من المحموم = متى تبرى من الحمه بعد ما الله بلاك بها

[محمد العتيبي]

الف شكر يالغالي ..



لا تعليق ..

التوقيع

للتواصل عبر twitter تويتر al_bargawy@

[سلطان البقمي]

يا لا لا لا لاله يا مرحبـا عـد نـو المخيلـه
يا لا لا لا لاله في حلة أهل الوفاء وأهل الكرامه
يا لا لا لا لاله أشـوف فالـح هروجـه قليلـه
يـا لا لا لا لالـه إيـدور متلطمـن بالعمامـه



يفترض ان يقول في الترحيبه بالنيابه في حلال اهل الكرامه)لأن لضيف معازيب وشعارهم


موجودين ..هذا اول شي ثاني شي يفترض مايرحب لأنه طالب شاعر ضيف مثله



ثالث شي ..تمنيت من سوار الذهب ان يكون رده اخف من ذالك لاكنه زعلان جداً

ومن حقه يوم قال لحجي تهامه يقصد ماتعرف سلوم العرب تقدم على معازيبك

وترحب بضيوفها : لو مافيه شعار صح لكن شعار مطير موجودين ويحق له يزعل


هذه من وجهة نظري

[ܓܨ عبدالله البرقاويܓܨ]

عبدالله الميزاني الله يشافيه بس
هو كل صيفيه لازم يخربها
شكرا الف ياابو فايح

[سلطان ابن حامد]

صقر سليم شاعر مبدع وقوي ويسير بـ خطى ثابته نحو القمـّه

والحقيقه أنـّه يشرّف في كل محفل .. وعاقل وأديب يعطي الرجال حقوقها

وترحيبته ما فيها شي لأن ّ الميزاني لعب قبله ورحـّب .. ترحيبته في محلـّها

ومدح أهل الحفل [ في حلـّة أهل الوفاء وأهل الكرامه ]

وطمرة الأخ في الله الميزاني غاديه .. رغم إنـّها غير مستغربه منه

وأخطأ خطأ يحسب على أهل الحلـّه يوم يقول سليم ماهي أصيله ولحجي تهامه

مدري كيف تجرأ على مثل هذه القبيله العريقه [ سليم بن منصور ]

أمـّا فالح لله درّه يقول الشعر كما يجب أن يقال فعلا

تقديري لـ / أبو فايح وحبـّة خشم

التوقيع

توترتي هنيـّا : )

[سلطان ابن حامد]

المشاركة الأصلية كتبت بواسطة سلطان البقمي

يا لا لا لا لاله يا مرحبـا عـد نـو المخيلـه
يا لا لا لا لاله في حلة أهل الوفاء وأهل الكرامه
يا لا لا لا لاله أشـوف فالـح هروجـه قليلـه
يـا لا لا لا لالـه إيـدور متلطمـن بالعمامـه



يفترض ان يقول في الترحيبه بالنيابه في حلال اهل الكرامه)لأن لضيف معازيب وشعارهم


موجودين ..هذا اول شي ثاني شي يفترض مايرحب لأنه طالب شاعر ضيف مثله



ثالث شي ..تمنيت من سوار الذهب ان يكون رده اخف من ذالك لاكنه زعلان جداً

ومن حقه يوم قال لحجي تهامه يقصد ماتعرف سلوم العرب تقدم على معازيبك

وترحب بضيوفها : لو مافيه شعار صح لكن شعار مطير موجودين ويحق له يزعل


هذه من وجهة نظري

أنت وجهة نظرك لـ حالها دائم .. لله درك بس

[سلطان البقمي]

المشاركة الأصلية كتبت بواسطة سلطان ابن حامد

أنت وجهة نظرك لـ حالها دائم .. لله درك بس

نعم هذه وجهة نظري" والموضوع موضوع نقاش لجميع الا عضاء بما فيهم



سلطان حامد لكن سلطان حامد عينه على اسمي ولم يشوف الموضوع


وهذه مشكلتنا في هذا المنتدى نحارب اسما ولا نتكلم بالحق في النصوص


واعطيك مثال ممكن يقرب لك الرؤيه اكثر ابي منك شي واحد تروح ارشيف


المحاورات ورشيف قصيد الا عضاء


وتشوف التقييم خمس نجوم عشر نجوم على قصايد ناس معروفين في



الساحه من شعراء نظم ومحاوره اما قصيد الا عضاء محد يقيمه



مع انه افضل من بعض قصايد الشعراء المعروفين لكن مثل ماقلت الناس


تطالع في الا سما وليس النصوص وهذا مما يدل على العين الثاقبه التي


تقيم الشي .... انت ياسلطان حامد . علق على النص وخلنا نشوف رايك

وترك سلطان البقمي وعلومه ممكن نحصل منك راي يتفق العموم عليه



تحياتي لك

[سلطان ابن حامد]

^

طلع من الموضوع هههههههه

نزل قصيده وعندي انا اصكها عشر نجوم

[سلطان البقمي]

المشاركة الأصلية كتبت بواسطة سلطان ابن حامد

صقر سليم شاعر مبدع وقوي ويسير بـ خطى ثابته نحو القمـّه

والحقيقه أنـّه يشرّف في كل محفل .. وعاقل وأديب يعطي الرجال حقوقها

وترحيبته ما فيها شي لأن ّ الميزاني لعب قبله ورحـّب .. ترحيبته في محلـّها

ومدح أهل الحفل [ في حلـّة أهل الوفاء وأهل الكرامه ]

وطمرة الأخ في الله الميزاني غاديه .. رغم إنـّها غير مستغربه منه

وأخطأ خطأ يحسب على أهل الحلـّه يوم يقول سليم ماهي أصيله ولحجي تهامه

مدري كيف تجرأ على مثل هذه القبيله العريقه [ سليم بن منصور ]

أمـّا فالح لله درّه يقول الشعر كما يجب أن يقال فعلا

تقديري لـ / أبو فايح وحبـّة خشم

اسمحلي بتعليق بسيط وسع صدرك معي شوي



في محل اهل الوفا والكرامه يقولها شاعر مطير وهذا اللي زعل سوار الذهب

السلمي قال ترحيبة اهل المحل ماجاب غيرها وهذه هي المشكله


هل تتفق معي ولا تعارض؟؟ ودنا برايك في تعليقك

آخر تعديل سلطان البقمي يوم 03-Jul-2011 في 08:49 PM.

[سلطان البقمي]

المشاركة الأصلية كتبت بواسطة سلطان ابن حامد

^

طلع من الموضوع هههههههه

نزل قصيده وعندي انا اصكها عشر نجوم

لالا ماطلعت من الموضوع هذه الحقيقه لاكن انتم تعكسون الحقيقه وهذا ردك

دليل على كلامي ليش ماتقول والله انك صادق ماعندك جرأة تقوله؟



بالنسبه لقصيدي مشكورين ومجملين لا حد يقيمه شوفوا غيره من قصيد الشباب





هذا نقاش للفايده مو حرب إذا جبنا شي مفيد