|
12-Apr-2013, 04:18 PM | رقم المشاركة : 1 | |||
|
الطنايا
بسم الله الرحمن الرحيم
يسرني أن أنقل لكم قصيدة للشاعر المقدم متقاعد / تريحيب بن سويلم العتيبي والتي ألقيت في مزاين شمر . بعد جاتني دعوة هل المجد والتكميل=البي طلبهم وأتوكل على المعبود ودعوة كريم الجاه ماتقبل التأجيل=ومن جاء على الميعاد يسلم من المنقود أبا أزور شمر والطنايا جمال الشيل=تشيل الحمول إليا رغى الحق والمفرود رجال الجمالة والجمايل لهم تجميل=أشارك مع الأبطال واللي رقود رقود سلامي على شمر هل السيف وأهل الخيل=سلامي على الشجعان وأهل الكرم والجود هل الطيب شمر وزنهم باللقاء ثقيل=رجال الوفاء ذباحة الكبش والقعود يقول اللحيسة واللحية سمان الحيل=ليا علقوها من ثقلها تكسر العمود هل المجد شمر والنقاء والشحم والهيل=هل الفزعة اللي بالمواقف تبل كبود وشمر فصيلة دمهم واضح التحليل= شجاعة كرم حاتم وفاء فزعة المضهود وملجأ الفقير اللي زواه الوزى والويل=بعد مازبن شمر نجا وأدرك المقصود هل الجاه والنخوة رجالٍ تعدل الميل=تشيل الحمول الكايدة من عهود جدود هل المدة الجزلة ولا قدموا قليل=وتفعل عتيبة مثلهم فعلهم مشهود بكتب المراجع ماذكر شمري بخيل=وكتب الشجاعة مابها شمري شرود بوقت اللزوم الشمري ثابت ٍ حلحيل=على شان ستر الوجه والموت للحسود عتيبة وشمر مابهم واحد ٍ ذليل=سناعيس والهيلا ليا زلزل البارود شهادة هل التاريخ ماتقبل التأويل=بفعل الرجال اللي نهار البرى مردود على ملة الإسلام ترتيل بالتنزيل=وسنة رسول الله وتحكيمها موجود فيالق جيوش وكلها داخل التشكيل=شيوخ وجبر وأيضا رتب عالية وجنود عتيبة كساها والطنايا النعم تفصيل=وباق القبائل كلها ماعليها زود عسى الله يغيث ديارهم بالمطر والسيل=وعساهم نهار العرض غفرانهم مرصود عتيبي وسنعوسي وقال اذكر الدليل=عطوا عهد مهما كان ماحانوا العهود عتيبة وشمر مثل نجم الجدي وسهيل=ومثل القمر والشمس حكامنا آل سعود عتيبة وشمر بالعفو مالهم بديل=هل العفو عند المقدرة والفعول شهود وأصلي وأسلم عد مبدأ نجوم الليل=على أفضل نبي عد صادر وعد ورود المقدم متقاعد الشاعر : تريحيب بن سويلم العتيبي |
|||
|
|
12-Apr-2013, 07:56 PM | رقم المشاركة : 2 | |||
|
صح لسان الشاعر ويعطيك العافيه على النقل يا ابن عاصي
وشمر ما يستاهلون مدح ... مادحهم زمانهم |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|