محاورة قوية , حبيب والقحم

[الصنهاتي]

محاورةبين الشاعرين الكبيرين:
حبيب دغيم العازمي وسعيّد بن عيد القحم}



حبيب::



سلامي يا خوالي يا خوال الشايب الـمـرحوم =عـسى الله يبقي الحـيين واللي مات فالـجنه
حضوري عندكم واجب وانا في واجبي ملـزوم =لـزومٍ تلـزم الرجال يوفـيها بـلا منـه





سعيد::



هـلا يا مرحب بك يا بـناخـينا زمان اليوم = لعـلـك فالعـلوم الماضيه ما تخلف الظنه
بعد طول المغيبه هات لي علوم واخذ علوم=عـلومٍ مع طريق الحق ماتطلع ورا السنه




حبيب ::



انا ماغير النيه ولا أخضع تحت راي القوم =لـيا طـال النهار ودخنت واحترت الكـنه
علومي يـا سعيد مثل خـط العالم المرسوم=تسمع فـي الجمال من الحمايل جالها حـنه




سعيد ::



تقوله يا حبيب وانت منت بخالق المعدوم =لـيا منـه بدا سـبارها فـي عالي القنه
لـيامنك دخلت البيع معنا بيع ولا سوم=وقلـبك لا يطق من الحماقه طـقت البنه



حبيب ::



لابدالفرس تاخذ درس لامن صفت جيوش الروم =وابو اسنينن عوج طقـه حمـاقه واقـلعت سنه
انا راضي على حالي وانا راضي على المقسوم =وامـيز فـالعرب ثـلثـين ولا ثلث مـنجـنه






سعيد::



تقوله يا حبيب وانت لامعطى ولا محروم =تلين امرار ثـم امرار تـابس يبسة الشنه
نفخت الجمرالاشقر واللهايب جمرها مسموم =هـذا غـيب الليالي والليالي مـنه ومنه





حبيب ::



اقـوله يا سعيد وانت جيد مير صح النوم =علامك كل ما قـابلتني جريت لك ونـه
عصى موسى قديمه والجديده هوعصى سـلوم =ولو سلوم يرفعـها يجـي في رفعـها لنه





سعيد ::

لـيا منا حضرنا فالمواقف طيح ولا قوم=عـيوني ماسرقها النوم وعيونك سرقــهنه
عصى موسى قديمه مير سيفي فاـلقا ملـحوم=عشاها النمر الاشهب ما يداني مرنقط الـزنه





حبيب ::



ليامنا حضرنا فالمواقف ماش حـب خشوم=تحيمر لي عيونك مير هـرجك فآخره غنه
انا لن شفتلي رجال ما يبغى السلوم سلوم =ابـا احـده وابا رده وابا قـنه وابا صنه






سعيد ::



تقوله يا حبيب وانت في وسط البلد محكوم =علاك الحكم ماضي والمراسم كيف يمحنه
نشوفك تنفخ الجمر الحمر فالبـرطم المشروم =على صفق الهوى يابو جرس دن الجرس دنـه



منقول مع تحيات الصنهاتي .

[بن بادي]

بيض الله وجهك اخوي الصنهاتي

فعلاً محاوره جميلة وقوية

مشكور ويعطيك الف عافية

تحياتي لك

بن بادي

[الصنهاتي]

بارك الله فيك يا ابن بادي
وشكراَ لك على مرورك وتعليقك .

الصنهاتي

[النفاعي]

مشاركه طيبه من وجه(ن) طيب .
واختيار موفق يالصنهاتي
شكرا لك

[الصنهاتي]

ووجهك أطيب يالنفاعي

والشكر لك على مرورك وسلمت يالغالي .

الصنهاتي

[motlak]

الله يعطيك العافيه

[ذياب المرشدي]

عز الله ان انك اخترت يالصنهاتي

ولك مني التحيه يالنشمي

[ابو وعيل]

بيض الله وجهك على المشاركة الطيبة



ويعطيك الف عافيه .

[الهاجر]

بيض الله وجهك وعلى القوه