قصيد في عتيبه من 680 سنه هجريه

[ظلال السيوف]

قصيده وجدها في احد المنتديات وحسب رواية ناقلها يقول انها قيلت سنة 750هجري
اليكم القصيده

قصيدة ابن عفرين في قبيلة الثبته عام 750 هـ :




يالله ياللي تنبت النبـت مـن عـدم =يـا عـالـم بالـسـر و البـيـان
يامن خلقت الخلق من حيـز العـدم = بأمـرك اذا قـدرت شــي كــان
نطلبك في الجنه وفي صالح العمـل = يـارب يـا معبـود يــا مـنـان
تعـزنـا ياربـنـا فــي ديـارنـا =وحنـا عبيـدك ياعظيـم الـشـان
نطلبـك يامعبـود تسقـى بـلادنـا = غيث يجـي مـن صـادق الامـزان
يقوله ولد عفرين من نسـل قسـور = يحـد ابـا الحـارث عـن العتبـان
والجد ثابت والنسـل نسـل قسـور=مـا نعطـي القصـره لأي كــان
نثني العاصـي ولـو كـان قاسـي =بالسيف الأملـح كائـن مـن كـان
عاداتنـا مـا ننـدرق عـن حريبـا = ولا هي لنـا عـاده مـع العربـان
مـن طبعـنـا مانـافـر الخـصـم = قـول صحيـح مايـبـي بـرهـان
هـذي مذاهبنـا وهـذي طبعـنـا =اهل الوفـاء مـن طيلـة الأزمـان
وديارنـا تعـرف سـراة عتيـبـه = مرسـى قبايلنـا عـلـى الـحـدان
ومنزالنا وادي لغب في شفا الحـد = بمقـر اوايلـنـا مــن الـجـدان
وانا برد المـدح فـي جـال ربعـي = نـعـم بالـفـرزان والشـقـران
اقـول قـول يعرفـه كـل واحــد = أهـل الوفـاء العـردان والحمـران
ولاني بناسي من اه المدح والثنـاء= الجمـلاء والحيصـان والحبـصـان
واولاد السنيدي هم هل العز والوفاء= ذوي فـرج وطلحـه وبـن رمثـان
والجاهمـي منـا وبيـت الدبـاسـا = والحبلـصـي باقيـهـم العلـجـان
واولاد منصور اهـل قالـه مديمـة = أهل كـرم وفـي اللقـاء شجعـان
وبن هرمسه واولاد عواد في الرحاء = مـا مثلهـم للضيـف والجـيـران
والمحرثـي دايـم عزومـه قويـة =ومحتمـي غـارب مـع الفـيـدان
وعامر ولد قسـور شقيقـه عطيـه = ومـروح وظافـر وناجـم ودهمـان
وشعيري ودراجي وشرطي وحافـي = وشتيوي وثعبانـي وبـن ضبعـان
ومخلد هل الطالات في اللين والقسى=والشربـي والـبـراق والـغـدران
واولاد الكريزي والجوازي هل الفعل =ولانـي بناسـي عزوتـي وقــدان
واولاد مروح في اللقـاء لا نخيتهـم=يجـون فزعـه كنـهـم عقـبـان
وربعي ثبيت أهل الوفاء مع بني سعد = صريري ولصي مـن بنـي عدنـان
والقسـوري يـرد زيـن المثـايـل = مثايـل مــن لـولـو ومـرجـان
ونحكم بشرع الله اذا جـاء طلابـه=ولا نذهـب لثقـبـه ولا عـجـلان
وابو نمي حكمـه علـى حـد مكـة=ماياصـل الزيـمـه ولا الريـعـان
قلته ولانـي فـي القصيـد مبالـغ = مـدح يشرفـنـا مــع العتـبـان
يالله تحفظهـم وتعـلـي مقامـهـم = يـا مـن بامـره كـل شـي كـان
في عام سبعميـة وخمسيـن قلتـه = مـن هجـرة السيـد ولـد عدنـان
وصلو علـى خيـر الرسـل محمـد = آخـر رسـول بـقـدرة المـنـان

نقلتها كما هي ومن لديه اي معلومات عن هذه القصيده لايبخل علينا بها

[محمد العتيبي]

الله يرحمه ويغفر له



والقصيده مكرره وقد وضعت هنا من قبل ..



http://www.otaibah.net/m/showthread.php?t=81553



تحيتي لك
..

التوقيع

للتواصل عبر twitter تويتر al_bargawy@