للمجد ناس وللمواقف مفاتيح

[هداج المخامر]

قصيده مهداه لشيخ قاعد الوهاب

سلام نبدابة على كل مرقاب == مرقاب يجلي عني الهم ويريح
من هاجس ناره نلهب تلهاب == وهمومه اللي ياردنه مشاويح
ياشيخ مال الوافيه عنك مجناب == ياعز من هو يرفع الصوت ويصيح
قاعد لياعدوا ستر خدر الاهداب == عد الروى مانته بعيد الضحاضيح
ياريف ربعك والقبيلة والاجناب == مقر مدح وزاهيتك التماديح
يهدى عليك من المشاعر والاعجاب == هيض النفوس اللي مايحتاج تنقيح
العلم يالوهاب واحسب له حساب == للمجد ناس وللمواقف مفاتيح
للطيب باب وللفقر والغنى باب == وللضيق فزعات الرجال الزحازيح
والادمي يمشي تحت حكم الاسباب == والعالم الله والليالي مراجيح
والحي لامنه عنى المرجلة غاب == يقصر عن علوم الرجال الطحاطيح
ان مالبس مثلك على هامته كاب == بقرح كانه عاش وان مات بقريح
واسلم وبلغلي عريبين الانساب == تحية عد النجوم المدابيح
اللي لهم بالطيب وقفات مرقاب == ومدلهين اهل القلوب المجاريح
ياطيب اهل سمحات لاكشر الناب == ماعاش من فيهم يدور مرابيح
بالضيق عادتهم يفكون الانشاب == وملوحين بنخوة الطيب تلويح
والمدح لاقلته بعكفان الاشناب == تاج الشعر مدح الوجيه المفاليح
بمشاهدك تنزال ضيقات وصعاب == وفي فزعتك توضي بوجهي مصابيح
ماتقدم اعذارك ليا جاك منصاب == لايا بعد من نرفعه فوق ويطيح
عن من بغاك بشي ماتسكر الباب == دايم معودنا على هبه الريح
واقع زمان فيه صادق وكذاب == مثل البحر كم مات به من سوابيح
حر وبراد وضيق وسيوف وحراب == شي صحيح وشي يحتاج تصحيح
داب ورى داب وداب ورى داب == وناس تهل دموع مثل التماسيح
دنيا توالت تقلع الضرس والناب == ومكارم الاخلاق مثل التباريح
ورث السلف عند الخلف للهوى الهاب == يكود من يفرق عن العاذر الشيح
والمتعظ محسوب من ضمن ا لالباب == والا المجرب ساد لو عاكس الريح
ومن لا وقف لاقراب واصحاب واجناب == يارد على ميراد ورده مشانيح
ولانام من حط المراجل له كتاب == من خوف لايطمر له سطوح ويطيح
هذا وانا الي يمة الشيخ جذاب == داع به صدور النشاما مشاريح
قرايح غر رفيعات واسناب == فيهن لبن قعدان دين الفلاليح
طيبك ملبسني على ثوبي اثياب == ياصعب مرقى النايفات اللواليح

الشاعر الكبير صباح قعيد الضفيري

[حمودي الحبردي]

مشكورررررررر


يعطيك ألف عافية,,

[%عاشق نجد%]

صح لسان قيلها
وتسلم يمين نقلها
‏ تقبل مروري

[هداج المخامر]

حمودي الحبردي


عاشق نجد


شكرا على المرور والتعليق



ودمتم بود