في يوم الرحا.. بن حميد يفعل العجب العجاب

[ابن قرناس]

العرب من طبعهم المبالغه ياشباب انا ما انكر هالشي لكن اقول المنطق يقول لا

مايتصوب ؟ مايتعب ؟ ياشباب حكمو عقولكم

تقول ذابخ تسعين فارس انت تصورها بمخك ماتدش العقل يقتل فيهم وهم يتفرجون


احترمو عقولنا ياشباب

[ابن رشيد الشمري]

نعم عبيد ابن رشيد قتل تسعين فارس بمعركة بقعاء وهذا موثق بالقصائد والشعر وقد قتل خلق كثير من أهل القصيم بعد أن تفرقت عنهم قبيلة عنزه وسميت صكات بقعاء وهو المثل المشهور لأنهم في حر وعطش شديد وقتل حتى أن بقعاء منطقة بها صفا وحزوم سالت من الدماء:::
يقول عبيد بن رشيد مصورا معركة بقعاء ::
يا دارنا من جاك جيناه عجلين
بالليل نسري والصفر والقوايل

فان كان هم عنا بالانشاد محفين
من الراس ما نحتاج دزّ الرسايل

ناتي مع أول سربة فوق الالفين
سكن الشهر به ديدحان المسايل
والشهر: رؤوس الرماح. والديدحان: نوع من النبات.

حضر الجيل والبدو ناتي صليبين
يتلننا جملات سود الجدايل


من فضل والّي العرش عدل الموازين
صارت على القصمان واولاد وايل

عجاجة تجلي صدا القلب يا حسين
دبيلةٍ ما هي بكل الدبايل


اللي ذبحت بشذرة السيف تسعين
منهم ولاني عن طَرَدْهم بسايل


واللي وطنيا ما يشوف المحبين
والكذب تنفاه العلوم الصايل


جونا يبون ديارنا والبساتين
يبغون منزلنا قفار وحايل
واليوم يبغونا وحنّا معيين
نسند بحد السيف من جاه عايل

[قحطاني قحطاني]

المشاركة الأصلية كتبت بواسطة ابن رشيد الشمري

نعم عبيد ابن رشيد قتل تسعين فارس بمعركة بقعاء وهذا موثق بالقصائد والشعر وقد قتل خلق كثير من أهل القصيم بعد أن تفرقت عنهم قبيلة عنزه وسميت صكات بقعاء وهو المثل المشهور لأنهم في حر وعطش شديد وقتل حتى أن بقعاء منطقة بها صفا وحزوم سالت من الدماء:::
يقول عبيد بن رشيد مصورا معركة بقعاء ::
يا دارنا من جاك جيناه عجلين
بالليل نسري والصفر والقوايل

فان كان هم عنا بالانشاد محفين
من الراس ما نحتاج دزّ الرسايل

ناتي مع أول سربة فوق الالفين
سكن الشهر به ديدحان المسايل
والشهر: رؤوس الرماح. والديدحان: نوع من النبات.

حضر الجيل والبدو ناتي صليبين
يتلننا جملات سود الجدايل


من فضل والّي العرش عدل الموازين
صارت على القصمان واولاد وايل

عجاجة تجلي صدا القلب يا حسين
دبيلةٍ ما هي بكل الدبايل


اللي ذبحت بشذرة السيف تسعين
منهم ولاني عن طَرَدْهم بسايل


واللي وطنيا ما يشوف المحبين
والكذب تنفاه العلوم الصايل


جونا يبون ديارنا والبساتين
يبغون منزلنا قفار وحايل
واليوم يبغونا وحنّا معيين
نسند بحد السيف من جاه عايل

يا بن رشيد انت من رووس عرب ولا يلحقكم شك

وأنتوا رمز من ألمع رموز الجزيره في التاريخ الحديث

وترا جدك هو اللي يقول : "مايستشك يا حسين كود الرديين"

فماعليك من اللي يبغا يشكك او يطعن

وبالنسبه للي يقول ما يتعب وهو يذبح 90 رجال

فاحب اقله ان بن رشيد شرب ردبووول قبل المعركه (بيركبلووو جواااانح!)


يا بن رشيد ترا جدك فارس بن شهوان الضيغمي

حكم 90 قريه بسيفه و شجاعته وليس 90 نفر

يقول الضيغمي والضيغمي فارس=حكمت بحد السيف تسعين قريه

فما عليك وانا اخوك ولا يرمى الا الشجره المثمره

وانتو يال رشيد النعم ما يوفيكم حقكم ويكفي ان منكم الجنازه





وسلم علا حايل وسلم علا شمر

[عبدالرحمن الهيلوم]

ذبح وصلخ
يالله مسا خير !!!
عرب

[شاعر القوابعه]

عز الله انه شيخ ينتخيبه

[ذيب روق]

مشكور والله يرحم بن هندي وفرسان عتيبه.

[الرأي الآخر]

المشاركة الأصلية كتبت بواسطة ولد الوبّيض

تحياتي يالغاليييييييين



جمع بن رشيد جيش عرمرم يقدر بلالاف المؤلفه من رجليه وخياله ورماه متوجهه إلى


نزال الشيخ محمد بن هندي بن حميد والكل يعرف ان بن رشيد عندما حكم نجد خضع له جميع القبائل ودفعوا الجزيه وعاملوا بن رشيد على نجد كحاكم يرجعون له ويكونون تحت سلطته إلا قبيلة عتيبه لم تركع ابدا ولم تعطي الجزيه قط ولم تتبع بن رشيد وكانت لها السلطه من العارض إلى اواخر نجد غرباً

لهذا كان بن رشيد يغزي عتيبه بالذات ومعه معظم القبائل وحاضرة حائل والقصيم


المهم

توجه الامير محمد العبدالله الرشيد الى الرحا الذي يتواجد فيها عقاب نجد وداهيه الدهاه(حامي الساقات اخو هيّا)(خيال الشرفاء بن هندي)

والتحمت المعركه وغطت الجيوش الحائليه النجديه جميع الاتجاهات فصاح بن

هندي ناخيا متحمسا متوعدا(خيال الشرفا وانا بن هندي) فتوجه الى الفارس

فهد السطامي من شجعان حاضرة حائل الذي شرب فنجال بن هندي وضربه

بالسيف فقسمه نصفين نصف بقى على ظهر الخيل ونصفه الاعلى سقط على

الارض وكان مظهر الفارس السطامي مقززا ومرعبا فهرب القوم واخذوا يحيطون

ببن رشيد لكي اذا وقع يركب على خيولهم فلحقهم بن هندي وقتل الفارس

الشيخ نمر بن برغش بن طواله شيخ الاسلم من شمر وأحد امارات السناعيس

الكبيره والعريقه وتوجه الى بن رشيد فهرب جميع من يحيطون ببن رشيد لعلمهم

بفروسيه بن هندي وشجاعته هذا غير الذي رأوه في المعركه مما جعل مجرد

سلامتهم من رمح هذا الاسد المغوار بحد ذاتها غنيمه ثمينه ..فرفع بن هندي

السيف في وجه بن رشيد وقال (احفظها لي يا بن رشيد) واسترد بن هندي معظم

حلاله من الابل الشرف والمغاتير وغنم من خيل شمر خيول قلايع....


ويقال ان بن هندي اخلى سروج خمسه وثلاثون فرسا من فرسانها وعاد بها كسب الى قومه فكل من واجهه وطلب منه فرس اعطاه وكل ما رأى احد في طريقه قسم له من الخيل فوصل الى ربعه وليس معه فرس واحده من الخمس وثلاثون فقال الشاعر


ابا العطايا قد عطى من نهاره,,,,خمس وثلاثين معنونه ظهاير

مافيهن اللي حط فيها ثنيــه ,,,ولاقال لي فيها فلأول رجا ناير


وقال فراج التويجر الدماسي قصيده يذكر فيها فعل بن هندي وبلاءه الحسن

ومنها


خيــال بــوش يوم لحقــوه شمر.... هل الخيل اللي تلاعج ثيابها

يوم اوحت الشرفا حس بن هندي....تباشرت شرفا بفك ارقابها

والخيل يوم اوحت صياحه وعزوته...تقلعت من كل فج اطنابها

وبن طـــواله نـــار قــدام ربعـــه..وولده ذبيح وذبحته ما درابها

ذوي حمد فيهم على الخيل ذارب...عز العديم لين يروى نصابها


وليس بغريب على الحمده هذه الافعال فهم اهل لها ورمز لتاريخ قبيلتنا العريقه ولا قصور في باقي شيوخ القبيله


والسلام خير ختام

ولد الوبيّض .... بيّض الله وجهك على ماذكرته حول الرحا ... ومافعله محمد بن هندي(خيال المصاغير.. ) والمقطة في ذلك اليوم العظيم ....

ولو استطردت في تفصيل مابعد المعركة ومادار بين ابن حميد وابن رشيد لكان أفضل ... وهي مكمّلة لماذكرت ودليلاً على صفاء القلوب بين القائدين ...

[مدرهم ابو كتيفه]

الله يعطيك العافيه يا ولد العم ولاهنت

[أبن مكرز]

يعطيك العافية على الموضوع

[نــايف الــبــرقــــاوي]

فعلا فعل العجايب وسطر تاريخ لعتيبه

رحم الله الامير: محمد بن هندي

ومشكور اخوي ولد الوبيض وننتضر ابداعك

تقبل تحياتي