أجمل وصف وأصعب قافية في وصف( الفـــكس آر ) مشاري النثري

[ذيب السرية]

راكب اللي جايبينه من قراشه=أبيضً ما فيه طقات ونقايش
مشتراه ولا دفع راعيه كاشه=غير من شان اللوازم والطرايش
شوفته تحط فالقلب انتعاشه=تنعشه لو كان فيه الهم عايش
من تحلا فيه جا فيه اندهاشه=من ركونه لزوايا للدرايش
ان قفيته كن زوله زول باشه=باشةً من كثر ما فالبنك طايش
وأن نطحته كن وجهه مع حشاشه=وجه قرمً من شديد الهوش هايش
يوم قام يلوفهم والنصر شاشه=لا تعزوا روحو قدمه طشايش
أبيض من الشاش وابيض من قماشه=لمع بديه برق بمزونً رهايش
وارد الفكس آر يوم القرم ناشه=كنه أصيلاً يسابقله كدايش
فزته ما بين نظره وارتماشه=فزت اللي تحته الداب إيتهايش
لا سرا والليل جا فيه انغماشه=يطوي دياراً عليه الليل غايش
المصور لو يقوي في فلاشه=نوره اقوى من قويات الفلايش
المراتب كن فيهن انتفاشه=بافخم الخامات صنعت والنقايش
والأزره حجمها كبر الفراشة=داخل الكشنات زراته فرايش
كن طبلونه مع الديكور شاشه=ولفت العداد لفات الغوايش
ان مشى ما فيه هزه وإرتهاشه=لا عطى مع حزم ولا مع حشايش
ما قعد فالنفد والارض الهشاشه=نعنبوا من صممه ضد الهشايش
مع صحاح القاع يا زين اجتراشه=ما تخثع فالعقوم وفالولايش
ما تشوف اللي بمرحانه خياشه=شاويً من دون شبك غنمه هايش
ديرةً فيها الوناسه والبشاشة=الحزوم بعشبها الاخضر فرايش
والنسايم تنعش القلب انتعاشه=والغيوم مغيمة والراس شايش
والطيور مع السماء فيها اندلاشه=والرعد والبرق والمزن الرهايش
المطر يرش وجلالٍ رشاشه=والخباري من المطر قامت تطايش
سعد منهو حط فالعبلة فراشه=وشب ناره لين شعلتها تشايش
ما فزع للحزم يجمع في قشاشه=حط سمراً ما يبا معه قشايش
وذاق فنجالً يزيل هموم جاشه=بنن أشقر ريحته تجلا الغشايش
والسوالف جات والشعر ونقاشه=مع خويً للوفا والطيب حايش
قرم شروا زيد كل الطيب حاشه=بالوفاء والعز والتقدير عايش
ما نخاوي مروجت هرج ووشاشه=جاحدين الطيب مروجة الوشايش
خمةً اقلوبهم فيها غشاشه=ما يكبون المنافق والمرايش
وانتهي بعلى النبي صاحب عكاشه=يا صلات الله عد رش الرشايش

[الــوآفــي]

لا جديد يا مشاري

لازال الابداع ملازما لك اينما كتبت وحينما تقول

صح لسااااانك

وسلمت اناملك

اخوك ذيبان

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[صـويب الرمـــش*]

ذيب السريه
صـــــــــــــــح لــــــــســـــــــاانك ,, والله لايهيينك على الوصف العجيب

[داهية عتيبة]

مشاري

صح السانك وكسبت الرهن

لاهنت

[((الدلبحي))]

ذيب السرية

بيض الله وجهك وصح السانك ونعم والله قصيده جزله

تحيااااااااااااتي

[وصل العطياني؟؟؟]

صح لســـانك ...

قصيدة جزلة ...

أجدت الوصف والتعبير ...

لا هنت يالغالي ...

وبيض الله وجهـــك ...


تحياااااااااتي.

التوقيع

na111na@hotmail.com

[دريد ابن الصمة]

الله اكبر يا مشاري ....

صح لسانك وابداع ليس غريبا عليك يالغالي

وتقبل تحياتي

[مروي العطاشا]

صح لسانك وصفك عجيب

[المسرّي]

فزته ما بين نظره وارتماشه ** فزت اللي تحته الداب إيتهايش

من يبحث عن الابداع عليه بقراءة هذه الرائعه
اخوك المسري يقول " صح لسانك وبيض الله وجهك "
ما عندنا الا كلام والا والله ان ودي ان للمبدعين شرواك جوائز ودروع

[مرزوق حمدان العتيبي]

...
كالعاده يبقى مشاري محلقاً في سماء الابداع.
صح لسانك مليون... وصف متقن وجزاله متعودينها منك.
تحياتي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD