الشعر مايكتب ولا يقراء - الهيـــــــــــــلا *** منتدى قبيلة عتيبة

عثمان الثبيتي · 20-Apr-2012, 12:04 AM

الليل ياشعري بعد جالك وانا جالي مجـــــال= والشعر مايكتب ولا يقراء على غير الاصـــول
تعبت انا واياك والدنيا بها ميل وعــــــــدال = مره تساعدنا ومره دون غايتنا تحــــــــــــــول
يوم الامانه كايده عــيت تحملها الجبـــــــال = اشتالها الانسان حيث انه بها الدنياء جهـــول
اعطى الحقوق لغيراهلها لين مال العدل مال= واحدث قضيه ما اعتقد يلقالها العاقل حلــول
ياهل العقول الراشده عندي لحضرتكم سوال= عسى سوالي عندكم ياهل الفكر يلقى قبــــــول
اللي ذكرته هو حرام بشرعنا والا حـــــلال = الحق يالعراف مايزعل كبيرين العقـــــــــــــــــول
ابغا الاجابه واضحه ما اريد بالشغله جـدال = قول الحقيقه والعدل والصدق منهاج الرســــول
الحمدلله ما غدالي باليالي راس مـــــــــــال= وان راح بعض الشي انا ماني على ذلك زعـــول
زعلت يوم اني بعيني شفت بالوضع اختلال= وفهم الامور الراهنه صعبً على عقول الخبـــول
ياجاهلً بالوضع ميز واقعك خل الخيـــال = تكشف خفايا المسرحيه من بدايات الفصـــــــــــول
لدلدمشق وشوف رسم الظلم بوجيه الرجال= شوف الشرف كيف استباحوه العصابات النذول
شوف الحرار اللي تكبل بالقيود بالغلال =شوف انكسار العزه اللي منه يضربك الذهــــــــــــول
ابناء المجوس الرافضه شنواعلى اهلنا القتال= وعريبيه ترقص على صوت المعازف والطبـــول
والوضع ماهو زين من مبطي نعيش اخس حال = صحيح ما بعد الطلوع الا التراجع والنـــــزول
انشد فلسطين الاسيره جالها ايام وليــــــــــال = زيتونها من سطوة الغاشم بدا فيه الذبـــــول
ترقب طلايع جيش من عنها يزيح الاحتلال = الفارس اللي لانطق بلسانه يقول ويطـــــــــــول
هذ نتيجة بحثنا والوضع باقي لا يــــــــزال = والله ينصرنا على الظالم ختام اللي نقــــــــــــول

الوهابي s · 20-Apr-2012, 01:02 AM

عز الله انك جبتها على الجرح يالثبيتي
بيض الله وجهك على هذه الابيات
لقد اسمعت لوناديت حيا=ولكن لاحياة لمن تنادي
ونارا لونفخت بها اضاءت=ولكن انت تنفخ في رمادي

اخوك الوهابي

بيرق خثعم · 20-Apr-2012, 01:37 AM

صح لسانك وبيض الله وجهك

الله ينصر الاسلام والمسلمين نسئل الله ان يهلك بشار وأعوانه

عايض جزاء العصيمي · 20-Apr-2012, 01:38 AM

صح لسانك ياعثمان

مبدع كما عهدناك لاهنت

تقبل مروري وخالص تحياتي

مخلد منصورالثبيتي · 20-Apr-2012, 01:50 AM

صح لسانك مليون يابومشعل

قيس العازمي · 20-Apr-2012, 01:58 AM

آميــــــــــــــــــــن

صح لسانك ياعثمان

قصيده تصور الواقع المشهود

تقبل تحياتي و اعجابي

وصل الشهيب · 20-Apr-2012, 04:07 AM

أبو مشعل

أشعلت المنتدى بقناديلك الوضاءه

قصيده نابعه من مشاعر شاعر حقيقي

وغيرة مسلم عربي أصيل

الشعر هكذا

لايأتي إلا من هيض أو غيض

لقد عبرت عن الواقع المر الذي تعيشه الأمه العربيه خاصة

وتعيشه الأمه الإسلاميه عامة

لله درك شاعرنا المبدع

لقد تعودنا منك على الجزاله

وأنت أهلٌ لها

صح لسانك والله وسلم بنانك

دمت بحفظ الرحمن

ولك تحياتي

التوقيع

وصل بن وصل الله الثبيتي

آخر تعديل وصل الشهيب يوم 20-Apr-2012 في 04:11 AM.

عبدالله جبارالعتيبي · 21-Apr-2012, 09:10 PM

ياسلااااااااام

صح لسانك

ولاهي غريبه عليك الجزاله

التوقيع

عبدالله المقاطي

عثمان الثبيتي · 21-Apr-2012, 09:44 PM

اقتباس:

المشاركة الأصلية كتبت بواسطة الوهابي s

عز الله انك جبتها على الجرح يالثبيتي
بيض الله وجهك على هذه الابيات
لقد اسمعت لوناديت حيا=ولكن لاحياة لمن تنادي
ونارا لونفخت بها اضاءت=ولكن انت تنفخ في رمادي

اخوك الوهابي

شكرا اخوي جزاك الله خير لاهنت