علي العضياني=
سرى ليلي و ليلك شدّ حيلك و إحتزم يا سعود=نباها معركـه بيـن العصيمـي و العضيانـي
أبو خمسين عام و زود ما تخشى من المنقود=تجيب المخطيه قدم الرجال طوال الايماني !!!
سعود العصيمي=
سرا ليلي وليلك ياعلي والصـادرات ورود=وانا ماني براضٍ بالمعارك بيـن عتبانـي
مادام انك وليد صغير وصحيبك كبير وعود=ترا للعود حقآ لو غلط فـي حـق شبانـي
علي العضياني=
ترى حرب الدعاوى نوب مثل الملح و البـارود=و أنا ... ربّي ليا جات الدعاوي يطلـق لسانـي
ما عاد تحطّ .. يا سعود العصيمي .. للكلام حدود=يقولون الرجال العقـل نعمـه عنـد الانسانـي
سعود العصيمي=
اعرف انك فصيح لسان وانا ماعليه زود=ولكن ياعلي مافيه نـار بغيـر دخانـي
لكالله مانزل ولا نذم اهل الوفاء والجـود=ولاجت للكلام الجد نوفـي كـل ديانـي
علي العضياني=
لو انّك جاهلٍ ما انته بعارف غاية المقصود=امشّيها إلك لو انّه يا بو طايل على شانـي
لكنّك عاقلٍ تفهم و تعرف حـدّك المحـدود=لجل هذاه انا من كلمتك يا سعود زعلانـي
سعود العصيمي=
انا رجلٍ شمالي واحسب ان حميد مثل حمود=واثر قوم الحجاز صدورهم ضيقه وقشراني
اظنك ياعلي بادي بها ماجابها الك سعـود=لكن تبشر بمايرضيك قـدم فـلان وفلانـي
علي العضياني=
ترى ريع الخطا في دارنا ما ينمشي مسـدود=لكنّ انتم خطاكم عايدي واحـد علـى الثانـي
سلوم الناس تمشي بينهم و أصل الخطا مردود=ليا منّك عطيت الحـقّ جـاء للعلـم برهانـي
سعود العصيمي=
على علمك هذا مافيه مزحآ عندكـم موجـود=وحنا فوقكم نمزح ولاحدٍ ضـاق مـن دانـي
صحيح ان الخطا مرجوع .مايبغى سند وشهود=وانا ماخطيت وايضآ قلـت دورنـي وتلقانـي
علي العضياني=
لا والله عندنا و أيامنا دايم فرح و سعـود=والا ياربعنا نشره علاكم بعـض الأحيانـي
بعد ما تعترف وش لون تجحد يا قليل الفود=أثرك الله يامنّا تصرف من الهرج مجّانـي
سعود العصيمي=
لاوالله ياعلي دايم لياليكـم ليـالٍ سـود=وحنا ياجماعتنـا نرجّـح كـل ميزانـي
والا ياعلي لو ميّزت في علمي ثلاث بنود=تحصل علمي المثبوت مكتوبـآ بعنوانـي