العازمي
يابن فلاح ارفعك لكنك تطيح امن اليدين = آحاول احطّك بصوره منت طبعاً قدها
الليله ابرفع جنابي عنك والخافي يبين = قدّم يدينك دون حالك مدّها ثم ردّها
علي فلاح العضياني
إليا رفع نفسه ولد عاصي وخلّص كلّ دين=يقدر يمينه للرجال الطيّبين يمدّها
أنا تراني من وراك و دونك الحصن الحصين=الله يخلّي لك حصونٍ تدّرق في سدّها
العازمي
انا احسبنّك من ورى الحروه ولكنّك دوين = طمعتك في يمني الشرف يمنى الشرف من كدّها
اعرفك لو سنّك ضحك ..الحقد في قلبك دفين = تضحك مع الاصحاب والخوصه وراك اتحدّها
علي فلاح العضياني
انا ما اخيّب كل هقوات الرجال الطيبين=ما همّني بعض الاوادم ودّها ما ودّها
أمشي على سلم الرجال و مذهب و ملّه و دين=ماني سوات اللي يمينه صفقها في خدّها
العازمي
السابق اللي فاللزز منتوجها ( خفَّي حنين )= ماهي غريبه كان جار الوقت تاكل بدّها
راع الخطا مالد فيه الا يكود ابنص عين = لو كرر الغلطان نفسي مايبيّح سدّها
علي فلاح العضياني
يالعازمي قلّي من اللي ما عرف عبدالمعين؟=من يجهله طبعاً عيونه ربّي اللي سدّها
لا تطفي انوارك و تمشي فوق .... ميّه و أربعين=قم ولّع أنوارك و سرعتك الفضيعه هدّها
العازمي
بيّحت مكنون الضماير مار ياربّي تعين = بعض الاوادم مزحها دايم يشابه جدّها
السبحه اللي في يديني من رصاص المارتين = قلدتها بنت الهوى وانته عليك اتعدّها
علي فلاح العضياني
يا عيد عانك حيّ ... تحسب من حساب الميّتين=ما تفرح اصحابك وعدوانك عجزت تضدّها
وانا ليا دارت رحايه كل حبّ اصبح طحين=و ان كان في راسك حبوبٍ باقيه لا بدّها
« آخـــر الـــمـــشـــاركــــات »
28-Mar-2008, 10:53 PM
العرض العادي
