مؤرخ محايد
ما بان ضوء القمر ما بان = وتكسر الضلع من باسي
ان قلت حان الفرج ما حان = تجمع الهم في راسي
معجب العتيبي
ياللي تغني بزين الحان=والشعر بالحيل منحاسي
اركد وعوذ من الشيطان=النوح ماليّن القاسي
مؤرخ محايد
هجدت انا الخيل والفرسان = كلن شرب باللقاء كاسي
الله يسامح طري البان = يوم يتمايل وانا ناسي
معجب العتيبي
لاصرت فارس ومعك احصان=ماضنتي صابك نعاسي
قبلك من اهل الوفا الشجعان=جاهم من العشق وسواسي
مؤرخ محايد
اخاف ربي وانا انسان = والهم ما خيب احساسي
هتلر توفى مع الالمان = حيله شديد(ن) وهو راسي
معجب العتيبي
ياللي تلفلف على الميدان= كنك على السوق عساسي
لخبطت الاوراق بالسفطان=خليتها حروف واقواسي
مؤرخ محايد
قطعت أنا كم طويل ألسان = يوم يتمادى على ساسي
الذيب لا شاف زول الضان = زود من الكيل مقياسي
معجب العتيبي
ياصاحبي وش حصل يافلان=وراك قرّبت للطاسي؟
اجل بزوّد على الميزان=كيله وابا اشهّد الناسي
مؤرخ محايد
بعض البشر معتلي بالشان= وبعض البشر مبتلي وخاسي
زود يا معجب وانا عجلان = ولون الذهب يعجب ألماسي
معجب العتيبي
دام البشر فالحياه الوان=فيهم صميدع وبلاّسي
الطير ياطير ابن برمان=جاب المصيبه فالأكياسي
مؤرخ محايد
الله فرقنا عن القصمان = يوم البشر عدة اجناسي
(برمان) شنهو يابو عصمان = ماراح تلحق لي افلاسي
معجب العتيبي
الفرق واضح خشم واسنان=والبيت يبنا على ساسي
تال الزمن كثروا العربان=صاروا مع البحر غطاسي
« آخـــر الـــمـــشـــاركــــات »
21-Mar-2008, 01:34 AM
العرض العادي
