لو فضت بطارة سيارتك وأنت في البر وش تسوي - الهيـــــــــــــلا *** منتدى قبيلة عتيبة

ابن عيدة · 09-Nov-2006, 04:26 AM

السلام عليكم ورحمة الله وبركاته

انا اعرف ان اغلبنا راعي بر ويحب طلعت البر والوناسه خصوصا ذا الايام عسى الله يرزقنا بالمطر

وأنت في البر وبطاريه سيارتك خلص شحنها لأنك ناسيها انها مشغلة لك اللمبات والتلفزيون وشاحن الجوال وحضرتك قاعد مفهي عند النار بيد فنجال شاهي ولا عندك أي جهاز شحن ولا سياره ثانيه تقدر تسوي لمخَك ولا لسيارتك اشتراك. و صارت أتوماتيك ولا تقدر تنتعها .....يا ولد وش نسوي ؟؟ رحنا فيها؟؟؟ ماعليك يارجال دونت ووري
================================================== ============================

إليك يأخي هذه الطريقة العلمية .

1 - نزل البطاريه من السياره يعني فك مساميرهاباي طريقه .. دبر عمرك سلك امورك

2 - احفر حفره بعمق ذراع او نصف متر بقطر مقاس البطاريه

3- ضع البطاريه في الحفره بحيث يكون اصابع البطاريه للاعلى

4- ادفن البطاريه بالرمل ( في وجه العدو ) بشكل كامل

5- رش الرمل بقليل من الماء بحيث يكون فوق الحفره

6- انتظر من 10 دقائق الى نصف ساعه وإذا عليك مطر وفيه رعود وبروق اقل من 5 دقائق

7- ركب البطاريه وسم بالرحمن وشغل موترك ولاعاد تروح البر وبطاريتك خربانه

ملاحظه : اذا ما اشتغلت السياره عاود الكره وخلها مده اطول

شرح السبب
: تعرفون يا اخوان ان مستقر الكهرباء هو الارض خصوصا في البر يكون تاثير البروق على الارض كبير بحيث يحمل الارض بشحنات كهربائيه كبيره والدليل يا اخوان ان كل جهاز كهربائي له ما يسمى بالايرث وهو الشحنات الزائده الى الارض .
----------------------------------------------------------------------------------------------------------------------------------------------------------------------------------------------------------------------------
إختبار عملي
: قم باتباع هذه الخطوات على بطاريه خربانه في حديقه بيتكم وسترى النتيجه بحيث ان البيت له ايرث قوي وتفريغ الشحنات كبير

================================================== ================================================== =====================
وعسى أن تنفعكم هذه التجربه وفقكم الله في حلكم وترحالكم
__________________

فيصل المسعودي · 09-Nov-2006, 04:53 AM

والله معلومات جيده يالدعجاني

افدتنا بها

تشكر عليها

في انتظار جديدك المفيد

ياغالي

تقبل تحياتي

ابن عيدة · 09-Nov-2006, 05:52 AM

السلام عليكم ورحمة الله وبركاته

الفضل لله ثم لكم أنتم حيث أتحتم لنا المجال في هذا الصرح الشامخ منتدى الهيلا فنحن جزء منه وهو جزء منا وفقكم الله ودمتم