قناة mbc .. الى مـزبـلة ( عـربـســات ) ..! ولا يهون الـ نايلـسات >>> فضفضة <<<

[ولدعساف]

(( كتبت الموضوع في هالقسم .. لأنه منتدى الرأي والرأي الأخر ))

الموضوع بما فيه ( يعتبر وجهة نظر شخصية ) .. فقط .. وليس ( فرض رأي )

انا أؤمن بإختلاف الأذواق .. (( لولا اختلاف الأذواق .. لـ بارت السلع ))

/
\
/
\
/

وش هالزبالة يا MBC ؟

خلاص .. بس .. وربي بديت اكره هالحروف ( M B C ) .. بسبب هالقناة !!

وش هالمسخرة ؟

يعني لهالدرجة شايفتنا ( ..... ) .. وعايشين بالبر .. وما نتابع الا انتي وبس ؟!

تسكتينا .. بمسلسلاتك اللي زي ( ... ) .. وبرامجك اللي كلها على بعضها .. نسخ طبق الأصل لبرامج ( أجنبية ) ..!!

جلست بيني وبين نفسي .. افكر واقول .. وش الشئ اللي يحسب لـ هالقناة ؟

وربي ما لقيت الا دعاية ( الشباب فيهم الخير ) .. وبس .. وانا عارف ان لولا الدراهم .. ما عرضت هالدعاية .. هههه لكن نحسبها لها .. ليش لا

يا عالم تخيلوا معي .. قناة اعتمادها الكلي على الـ SMS .. ؟ تقول ما عندهم ميزانية .. ورواتبهم بس ع هالشئ !!

مستوعبين الفكرة ؟

ارسل حرف ( ) الى الرقم 888888 واربح كيلو ذهب
ارسل حرف ( ) الى الرقم 888888 وحقق حلمك
ارسل حرف ( ) الى الرقم 888888 وحقق حلم ورعك
ارسل حرف ( ) الى الرقم 888888 واربح رحلة الأحلام
ارسل حرف ( ) الى الرقم 8888888 واربح سيارة فورد موستيج

قناة سعودية .. والا مصرية ؟

مابقى الا يجيبون لنا ( مزّة ) .. تتمخطر قدام الكاميرا .. وهاتك نصب علني على اسألة تافهة

هذا غير دعايتها .. اللي بين كل دعاية ودعاية .. دعاية

شامبو ~ كريم ~ شامبو ~ كريم ~ شامبو ~ كريم
(( هههههههههه منتج البرنيطة ))

/
\
/
\

نجي للأهم .. وهو اللي خلاني اكتب هالموضوع

برامجهم ومسلسلاتهم .. اللي يزعجونا بدعاياتهم السامجة عشانها

تبون اللستة ؟

(( مسلسلات تركية ))
كل هالمسلسلات ..نفس القصة .. نفس الشنبات .. درينا ان الاتراك مو بس حلاقيين درينا انهم رومانسيين .. ويتغدون ويتعشون على ورود .. خلاص ؟
مسلسل واحد .. او اثنين ..يكفي
كل دقيقة مسلسل ؟؟

#

(( مسلسلات سعودية ))

اقصد اسوار 1 2 3 + والساكنات في قلوبنا .. وباقي هالمسلسلات اللي كلها صياح ونياح .. وموسيقى حزينة .. وبجامات ضيقة .. وكل من شافه يقول وش هالمجتمع السعودي اللي كله صياح وحزن .. وكآبة

#

مسلسل ( صبايا )

مسلسل اباحي .. بستايل عربي شريف طبعا !!

#

مسلسلات ( ايرانية )

هابيين فيها هاليومين .. بضاعة جديدة للـ ( المراهقات ) .. حسوا انهم زودوها شوي بالاستايل التركي .. قالوا نجرب الإيراني شوي هههههههه مسخرة وربي ..

#

(( مسلسل 37 درجة ))

نسخة طبق الأصل لمسلسل scrubs .. بستايل سعودي .. لا تصوير ولا اخراج ولا حتى اداء
شباب توهم شايفين المسلسل ( الأصلي ) وتهيضوا يقلدونه .. هذا تفسيري له

#

(( كلام نواعم ))
نبش وتحفير .. بخفايا المجتمع السعودي .. وبالتحديد ( الرجل السعودي ) .. يعني ترى مجتمعنا ذكوري .. والمرأة مالها اي حق .. وحريتها صفر ع الشمال

#

(( من سيربح المليون ))

نسخة طبق الأصل لـ برنامج Who Will Be a Millionaire

#

(( الرابح الأكبر ))

نسخة طبق الأصل لـ برنامج the biggest loser

#

برنامج ( هي وهاي وهوا ) قصدي ( هي وهو ) ههههه عليهم اسم

ما ودي اخذ ذنوب على حساب ( اسيل ) هههههه كل اللي اقدر اقوله ان هالبرنامج نسخة معدلة برنامج Keeping Up with the Kardashians .. خصوصا بعد ما قطت الأم وجهها بالبرنامج هههههه

/
\
/
\

وليد ال ابراهيم .. واللي يرحم لي والديك .. فكنا من ( هالزبالة ) اللي تعرضها .. يا انك تجيب شئ شديد .. وأفكار جديدة .. والا شفر قناتك .. واقلبها XXL .. اصرف لك ! ع الاقل نعرف انت وش جوك بالضبط .! ههههه

ترانا بندخل بالـ 2011 .. وللحين تقلد ؟ ما تدري ان العالم كله مفتوح للمشاهد .. وان البرامج على قفى من يشيل ؟

قناة ( العائلة ) الأولى .. على ايش ؟؟

اعتمادك الكلي على ( التقليد ) .. والـ SMS

استعجلت بكتابة الموضوع هههههه لإن الغبنة ما تجي الا مرة .. ولا ودي انغبن بدون ما افضفض

لكن ارجع واقول

الموضوع بما فيه ( يعتبر وجهة نظر شخصية ) .. فقط .. وليس ( فرض رأي )

لكم

للأمانة ......
كاتب الموضوع : ][ M][

منقوووول

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[هميجان العطاوي]

مقال جمـيل

وأخزى الله الإم بي سي والقائمـون عليهـا

[الطرفاوي]

انا رايي موافق لماجاء في الموضوع

وانبه لنقطة ,(اسيل) وبرنامجها

وبرامج تلفزيون الواقع ,مثل ستار اكاديمي

اصدق وصف لمثل هالبرامج(برامج لنشر الفاحشه في المجتمع)

وهذي الامور بعد تامل الفائدة منها لانجد لها اي فائدة

اذا مالهدف منها ؟الهدف كماقلت انفا

وهذي حقائق ليست توهم او افتراء ,حتى لو انها على سبيل التسليه ,نبحث عن الفائدة فلانجدها

حمى الله مجتمعنا منهم ..آمــ..يـ..ن

[ابن مدهوس العازمي]

والله كلامك صحيح

العجيب بالامر ان القناة تخاطب شعب محافظ وله تقاليده عبر برامج منفتحه جدا ومنحطه !!!

كيف تجي مدري هههههههههههه يبون الشعب يصير انفتاحي عبر برامج ماتفيد ولا فيها حياء مثل هي وهو

من جد قرف ومياعه

لا وياكثر برامجهم الي كلها نصب في نصب

ولا برنامج صدى الملاعب الكوره صار سامج كل شوي جنس ناعم مو كوره ذي عرض ازياء

ولا مسابقاتهم كلها نصب في نصب

بالله لهدرجه احنا اغبيا فيه برنامج تامن مستقبل ولدك طيب ولدي لو فاز لو فاز
بيكون عمره شهور زي اخر واحد فاز عمره شهرين علما بان من شروطهم نامن مستقبل ولدك عند بلوغه 18 عام

يعني انتظر 18 سنه عشان اربح الجايزه ههههههههههههههه نصب وخداع وضحك

ولا مسابقه اربح ذهب استهداف للنساء

اربح سياره للشباب

امن مستقبل ولدك للعوايل

امن شقتك للعزوبيه ههههههههه وغيره الكثير يضحكون على الشعب


وابشركم قناة دراما قناة فيه اشياء مفروض ماتعرض قسم بالله تابعوها من جد عيب يام ابي سي


شكلي بشفره عن اخواني الصغار ههههههههه بفتح ام بي سي ثري بس

[فهد علي العازمي]

الحمد لله اللي مريحني من هالمزبلة

وانصح الجميع بإزالتها من بيوتهم


لاهنت ياولدعسااااااف

مقال سااااااخر فالصميم