الشيخ العقيد طيار / سعود بن دليم

[مانع بن سعد القحطاني]

قصيدة مهداه للشيخ العقيد طيار /سعود بن سعيد بن دليم

قم يا قريني أفرد أنواع الفتيل = خل أبن لعمس يحترف في أبياتها
هات النوادر ثم وشحها الأصيل = نجل الشيوخ إلي أركزوا راياتها
حلق معي بالفكر والنخب الخليل = ثم صدر لنا اللولو من محيطاتها
خابرك فكرك عالياً ماهو شليل = وفكاركم نخبة نبي شلاتها
من بعدها أقرب وأن جوي عليل = وراعي الجماله جوزي بحسناتها
سلم علي الشيخان في صبح وليل = تسليمة أهل الطيب في حزاتها
تنصي شيوخ لقحطان أهم الدليل = إلنا وربي قد رفع جاهاتها
سعود أبو سلطان رجالً فضيل = شيخ وحمل رتبة مع ونقاتها
أبن دليم سعود كالسيف الصقيل = لله دره راقياً هاماتها
فعلك يابو سلطان ما هو مستحيل = تسعى تنول الأجر لا سياتها
جيتك وحملي فوق متني قام يميل = كم من سنه والعين في مخالاتها
وشرحت موضوعي وأنا عابر سبيل = على أمير لقحطان وذاتها
وقف وقال أبشر وحذري لا تشيل = هماً وموضوعك على ساداتها
قال أنتظر مني وعد سبت قبيل = ويجيك علمي في غضون أوقاتها
وجّه أبو وجه غني جاه بجيل = رآعي المواقف سيدها ومناتها
وأخذت يومين ورابعها حصيل = إلآ وبارقها جلى غماتها
فرج هموماً عقب ما راد الجليل = أنها بيدة تنبري كياتها
تجزي على فعلك بكأس سلسبيل = ونا هجوسي أنجلت هيئاتها
خلوني أمدح شيخنا بشئ قليل = والشكر لله والثناء في أياتها
يا شيخنا أسمك لنا ضل ضليل = وأسمك مع الفزعه طغي طياتها
أكبر شيوخ للعرب مالك عديل = "حمير" و"مذحج" في يدك سلاتها
المشيخه ورث ً لكم جيل لجيل = والعُود يشهد في كِلا حالاتها
ترحيبتك تسوى مباريك وحيل = محداً نطقها حيها ومواتها
سعود ريف الضيف لاحل المقيل = تلقى الشحم والعود في هباتها
سعود شوق إلي يكدون الجديل = إلي لها الفْريس تعلى أصواتها
يالشيخ يالصمصيم يالعدل الحليل = ياراعي الفزعه حسب وناتها
يالفذ يالصارم يابو عين تخيل = حاجات ربعك في وسط كاناتها
يالقاضي الحاكم يابو وجه فضيل = ووجيهنا عندك خذت حاجاتها
يالطود يالشامخ وعزك لك خليل = عزك في دمك تنقله جيناتها
يانور شمس لانمبلج هل ومهيل = يوصل إلى دياراً بعيد شتاتها
ولاكما لليلً عباته له تهيل = يسد كوكبها مع مجراتها
تواضعك بين العرب أكبر دليل = دينك مع حكمتك ما شئ فاتها
التمر ما ناجده إلا في النخيل = طبع لكم يا شيخ في جياتها
دجلة مع العاصي مع فرات ونيل = فزعتك أعذب من رشف لماتها
أنته بشر واصلك ملك فعل وفعيل = لك نية قامت على نياتها
لو قلت أحبه ياعرب ماني هبيل = وصيتاً وأحفظ أنا . . وصاتها
أبوي وصاني ليا مال الطويل = فنص الشيوخ إلى على تكاتها
قلته وانا لي لابة ماهي تحيل = لاجاء المواقف فنظروا فزعاتها
قحطان بن عابر ولد هود النبيل = ذخيرة حية على صكاتها

×?°

مانع بن حصان الرفيدي

×?°

[ذعير العالي]

بيض الله وجهك وصح السااااااااااااااااااانك قصيده جزله
والعقيد يستاهل

[سعد بن مطلق المقاطي]

صح لسااااااااااااانك

التوقيع

ديــــــــــــــــواني

[محمد الذيابـــي]

,,

صح لسانكــــ

وبيّض الله وجهك,,,

التوقيع

التوقيع محمد الذيابـــي