تمجيد اهالي بقعاء

[خيال الصغيره]

	لطامه العايل وستر الرعابيب=بالماقف الي من وقف به يشيبه

مبدأي باللي يعلم السر والغيب =باسمه بديت وخير مانبتدي به
رب الوطاء من دون شك ولا ريب=معطي العطاء من دون شك وريبه
وأبديت ماكنيت باقصى المحاديب=في راس مزموم زمابه رقيبه
هاض المشاعر ملتقى شمخ النيب=في ملتقى الهيلا ربوعي عتيبه
لطامه العايل وستر الرعابيب=بالماقف الي من وقف به يشيبه
وذباحة الحايل نهار المواجيب=ماحسبوا في واجبه ويش يجيبه
وربعي اهل بقعاء هل الطيب لا هيب=اهل الصخى يوم السنين المشيبه
عذروبهم قولة هلاء والتراحيب=بالضيف والعاني بنفسه رحيبه
ومأدبين النفس للطيب تأديب=ماهو تصنع ورث أديب لدديبه
اهل المواقف عند حام اللواهيب=في ساعه يشكى الوغى من لهيبه
ومنا قديم بريك نط المراقيب=بالطيب حط إبصفحه المجد طيبه
وعقبه عبيد وراشد الزيدوعضيب=الكل منهم له مناخ اثني به
ونطاح خطار الدويه من السيب=اللي برجلينه يعجن العصيبه
واليوم منا من وقف ماقفن هيب=ابو مبارك هو خلف مع صحيبه
القصد ابو بندر حمد مرخص الجيب=وعبيد اللي كمل اللي يجيبه
وايضا اللواء سعود المحمد تريحيب= كفى ووفى يوم جاب الكتيبه
مع غازي الجزاع ذرب الاساليب=بكلمة ترجل عد مايحتوي به
انشهد انه هذب الحفل تهذيب=مع منتدى يشكر لحسن إتهذيبه
وسعود ابو راشد سنادي عن العيب =وابو محمد راشد الله يثيبه
وزبيد والمرهش ورشدان ومغيب=ولعموم من شارك بحفل الحبيبه
بقعاء مع شرقي اليا اقصى المغاريب= فردن بفرد ندهم بتغريبه
لعمومهم من دون خص وترتيب=اللابه اللي حي من يعتزيبه
حطو لنا تاج بروس الشناخيب=تاج الشرف عند الرجال الغريبه
حفلن رفعنا فوق عند الاصاحيب =والكل منا يفتخر ويحكي به
مركاي لا شدت بطون المناجيب=ذخري لاكبرت علي المصيبه
نعمن بربعي تاج راسي هل الطيب=نعمن ولو ماهي عليهم غريبه
ومدحي لربعي مايذم الاجانيب=كلن على ماقيل ياخذ نصيبه
وهذا بضل الله ثم المعازيب=ال سعود مطوعين الصعيبه
صقور الجزيره بالسيوف المحاديب=سقم المعادي عز من يلتجيبه
وختمت كلام بناخي معشي الذيب=صلوا على الي سنته نهتديبه

	مع تحياتي سعود العمرو الواكد

[/QUOTE]

[ابـوروان]

صح لسانك ..ونعم فيك يالواكد..
ولك تحياتي..

[محمد فيحان العصيمي]

صح لسانك يا خيال

[ابن مشيب]

انعم واكرم بأهالي بقعاء , ويستاهلون اكثر , والله لايهينك على هذه القصيدة ياخيال الصغيره


تحياتي

[الووااثق]

صح لسانك يا بوعمرو

مشكور ياخيال الصغيرة على النقل

آخر تعديل الووااثق يوم 21-Nov-2007 في 06:32 PM.

[معلا إبراهيم الأسعدي]

ونعم بأهالي بقعاء , ويستاهلون اكثر



مشكور ياخيال الصغيرة

التوقيع

[البعيـد النـايف]

	لا هنت يا خيال الصغيرة وصح لسانك وبيض وجهك تقبل مروري البعيد النايف

[فيصل العبادي]

صح لسانك يا الواكد

[المحمدي]

صح لسانك يا بوعمرو

مشكور ياخيال الصغيرة على النقل

[النااافل]

صح لسانك يابن واااكد