قصيدة الشاعر فهيد البقعاوي الأسعدي الروقي العتيبي في حفل اساعدة بقعاء

[النااافل]

قصيدة الشاعر فهيد سعود العمرو الأسعدي الروقي العتيبي بهذه المناسبة
( اسير الموق )
مرحبا أهلا وسهلا وياهلا بكل القبايل
وبكل من جانا وشرف ملتقى عز القبيله
ياهلا بجموع ربعي من عتيبة والحمايل
وياهلا بشيوخنا اللي علمهـم بنه وهيله
يامداهيل القوافي وياعضيمات المثايل
عبري عن بوح شعري في معانيك الجز يله
وانثري نبع المعاني في عناوين الآصايل
لجل ذات المدح يروي من كلامك سلسبيله
في حروف المجد تبقى همها جمع الفضايل
يوم هذا الحفل أعلن في مجاميع الفضيله
شاعرك جابه حنينه صادق من صوب حائل
من صفاة الجود بقعاء ساري بالشوق ليله
باتجاه عيال عم صيتهم ذكر الأوايل
مانكرهم من عرفهم باقي للذكر جيله
إيه روقي وأبن روقي وفتخر شعري دلاايل
واعتزي بعيال عمي لوسقاني الوقت ويله
صف واحد يد وحده حتى لوشفنا الهوا يل
إيه روق وإيه برقاء لاعتزا كلن يشيله
بيض الله وجه منهوه قرر بهذا وقايل
ملتقى الهيلآ ينادي يأهلا منهوه يجيله
وكلنا في ضل منهوه معدل من كان مايل
عزنا صقر العروبة لأحشى مأحد مثيله
ذاك أبو متعب ملكنا جامع صيته ونايل
حبه لشعبه ودايم في معاناته يزيله
ولعضيده حب باقي للمعالي دوم طايل
أيه أبو خالد وتبقى سيرته دايم طويله
والوطن غالي علينا في عروق القلب سايل
للولاء نبقى ننادي عزنا مأحد بديله
هو وطنا هوغلانا كلنا لجله فصايل
عشقنا عايش معانا كل يوم وكل ليله
بس يبقى ملتقانا ملتقى جمع القبايل
ملتقى الهيلآ ومن هو لجلنا ناوي يجيله

[ابـوروان]

الله يعطيك العافيــة وصح لسان شاعرنا..
وياليت تجيب كان تقدر كل القصايد الى قيلت يوم الخميس في حفل الاساعدة..ولك جزيل الشكر.

[الاسعدي-بقعاء]

صح لسان الشاعر فهيد البقعاوي



ولا هنت على النقل المميز ,.,.,.,

[عبدالله الجـــذع]

يوم هذا الحفل أعلن في مجاميع الفضيله
شاعرك جابه حنينه صادق من صوب حائل
من صفاة الجود بقعاء ساري بالشوق ليله
باتجاه عيال عم صيتهم ذكر الأوايل


قصيـده تقشعر منها الأبدان ..


بيض الله وجه شاعرها وصح لسانه ..

مشكور على النقلــه..


وحياكم يأبناء العــم ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[النااافل]

المشاركة الأصلية كتبت بواسطة ابـوروان

الله يعطيك العافيــة وصح لسان شاعرنا..
وياليت تجيب كان تقدر كل القصايد الى قيلت يوم الخميس في حفل الاساعدة..ولك جزيل الشكر.

والقايل يتعاااافى
ابي احاااول اجيب قصيد عبيدالله سالم الشمري- وابن طواله من شمر-وقناع ناصر البقعاوي

[ابن سعود الاسعدي]

صح لسان فهيد

وسلمت على النقل يبناخي

[عبدالعزيز الدعجاني]

صح لسانه ولا هنت اخوووي على النقل

[النااافل]

المشاركة الأصلية كتبت بواسطة الاسعدي-بقعاء

صح لسان الشاعر فهيد البقعاوي



ولا هنت على النقل المميز ,.,.,.,

يعطيك لعافيه لمرورك الكريم

[Man من العتبان]

صح لسان الشاعر فهيد البقعاوي

مشكور على المشاركة الطيبه يا النافل

[مالك الذيابي]

صح لسان الشاعر

فهيد البقعاوي على هذه الرائعة

وسلمت يداك يابن العم على النقل المميز