سلطان بن دحيم=
يا سعود وش لون دخلت الحنش فالفراش = هو من شجاعتك والا المخ صابه خلل
النو خيل حواليك و وصلك الرشاش = والمزن يردم عليك تشوف والا حول
سعود العصيمي=
ادخلته من الشجاعه واثره احمق ولاش = والله مجازي عبااده كلها بالعمل.
يبا يدور الزمن حتى يبين الخشاش = اللي وصل وصل واللي صار بكره يصل.
سلطان بن دحيم=
ترا مثل من يشب النار جاه الفراش = ضيعك وانته منول يالعصيمي بطل
تشوش لكن راسك هش لو كان شاش = واول نهارك رضا واخر نهارك زعل
سعود العصيمي=
ياصاحبي يالرويس البيع والسلم كاش = والسوق مايقبل قريشات والا هلل.
اشوش والطيب اللي لاحضر هوش هاش = والله لاجازيك فاللي تفعله من فعل.
سلطان بن دحيم=
من يسمعك قال قلبك يا بن الاجواد شاش = تعزم وتقول لازم مرنا فالدخل
هرجك مصيبه وقلبك فيه نسبة خراش = ما شاف وجهك خصيمك في علو الجبل
سعود العصيمي=
ما قلبي ابقلبك اسوود ياكثير النقاش = وليا عزمتك عزمتك فوق هيلٍ وزل.
فعلي مشرفي ماهو بفعول طاش وماطاش = واللي يبا شوف وجهي ماتقى في وحل.
سلطان بن دحيم=
طمعان تضحك عليه ياخي ارتح بلاش = انته تعقد الحبل ما انت بتحل الحبل
من سبتي ناحل(ن) عودك وجسمك نشاش = ولو ياقف سعود قدمي جيت له فالسهل
سعود العصيمي=
انته تنوش علومٍ عالية ماتناش = من يسمعك قال ياسلطان رجلٍ خبل.
السيف الابيض ماهو مثل العمد والعشاش = لو ياقف سعود قدمك رحت مثل الحجل.
سلطان بن دحيم=
ناري حطبها سمر ما شبها من قشاش = شبيتها لجل الاعوج يا عرب يعتدل
قد قال بن عون راس الضبي ما به عراش = يا قو عوجة رقبتك يا شبيه الجمل
سعود العصيمي=
ياكبر غلطتك يااكنيدو وياكلكماش = لكنك احسن وضوك، ثم كبر وصل.
الله يثبت عظامك عقب جاااك ارتعاش =واللاّ يشيلك سماء واتطيح تحت العجل.