محاورة بوش ورئيس الصين ..فكاهيه والشاعر مجهول - الهيـــــــــــــلا *** منتدى قبيلة عتيبة

فارس الباديه · 09-Jul-2007, 02:10 AM

جورج بوش

سلام رديه على حاكـم الصيـن=بالخير ياراعي النظام الشيوعـي
ياجيانق بن زيمن نبى معك قافين=والبرق عانه في المخايل يزوعي

جيانق زيمن

يامرحبا ياقايد الغـرب واهليـن=ترحيبتن ترضي غفير الجموعي
البرق عانه يبرق يسار ويميـن=يوم الرعد حدر السحايب يروعي

جورج بوش

ماجيتنـا ليلـة لفونـا المهنيـن=يومن واشنطن تشب الشموعـي
ليلة حكمت الكون في عام الالفين=جوني هل الطالات غصبن وطوعي

جيانق زيمن

ارسلت لك يابن النشامى خطابيـن=جت لك مناديبي تبـارك فزوعـي
وانا حكمت الشرق من عام سبعين=ما اعلنت للحكام قبلك خضوعـي

جورج بوش

انته تحسب الكون باقي بقطبين=الراسماليه وطت كـل شوعـي
يانايم اصحى مرت اعوام وسنين=ماعاد فيها يابن زيمن رجوعي

جيانق زيمن

يابوش حنا بالسياسه ملميـن=ومن دون هيبتنا بنينا الدروعي
ليتك تحل المشكله في فلسطين=عز الله ان ابوك ...............

جورج بوش

ياجيانق انا طوفت وحده وثنتين=والثالثه بتكون بين الضلوعي
الطايره وش علمها فالها شين=اللي لها بحماك حول السبوعي

جيانق زيمن

الطايره ماردهـا غيـر بكيـن=جانا يقالبها خبيـث الطبوعـي
وين احترام الانظمه والقوانيـن=مثلك عن سلوم الدول مايتوعي

جورج بوش

ماهيب يمـك رايحـه للفلبيـن=فوق المحيط الها نزول وطلوعي
مار اعترضتوا دربها يالشياطين=عز الله اني من سواتك جزوعي

جيانق زيمن

يابوش يابن بوش تلعب على مين=ماهوب انا اللي بالكلام مخدوعـي
يابوش وطتها في الارض الشياهين=كانت تجسس وهزعتها هزوعـي

جورج بوش

هات الادله كان عنـدك براهيـن=يومك تقول ارخت علاك السموعي
مخطين ياهل الصين منتم بمقدين=وشيهانكم عود غرابن خروعـي

جيانق زيمن

ركابها يابوش خمسه وعشريـن=عسكر من الجيش النظامي نزوعي
حاصرتهم يابوش بالجيم والسيـن=حتى خذيت العلم منهـم قطوعـي

جورج بوش وهو يضحك

عينت طيارك غدا راسه طحين=وامه على قبره تهل الدموعي
الطايره ترجع لنا بعد يوميـن=اخذ الكلام ولاتطول تعوعـي

جيانق زيمن

خل العلوم قصار واسمع لنا زين=عسكرك جولك يالسنافي رجوعي
والطايره لاعاد تنشد لهـا ويـن=راحت ديه في واحدن من ربوعي

آخر تعديل فارس الباديه يوم 09-Jul-2007 في 02:13 AM.

يوسف الربيعي · 09-Jul-2007, 04:01 AM

هههههههههههههه عساك ع القوة

ابو براك · 09-Jul-2007, 07:32 AM

ههههههههههههههههههههههه
مشكووووووووووور على المحاوره
الفكاهيه والله يعطيك العافيه

ابوبجاد الرويس · 09-Jul-2007, 08:16 AM

هههههههههههههه

مشكور على المحاوره الفكااااااااهيه

بوش اثره شاعر سرا الصيني

خالد الروقي17 · 09-Jul-2007, 03:06 PM

هههههههههههههههههههههه
مشكوووووور على المحاوره

فارس الباديه · 09-Jul-2007, 07:37 PM

اشكر جميع من مر وحايكم الله وشرفتونا ونورتونا يالرياجيل

محمد الزايدي · 10-Jul-2007, 01:51 PM

محاوره قويه بين اثنين من كبار الشعار

الف شكر على التكلف

ابو ضيف الله · 10-Jul-2007, 02:40 PM

هههههههههههههههه

محاورة ماهيب صاحية وللي سواها ما شاء الله عليه
بيض الله وجهك يا فارس البادية على النقل

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة.

قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.